1 Kră Yang khan kơ Môis:
Ih athei tơtă khan ăn kơ lu bơngai Isơrael anhăk ba đak rơmă 'long ôliwơ ngăl ưh kơ hrâu. Wă tơ̆k ŭnh kơđeng wă kơ sư hơdah ling-lang.
Thoi noh Môis roi kơ lu kon pơlei Isơrael dôm tơdrong pơm giĕng Kră Yang đei pơkă boih.
Tơtă bĕ kơ kon pơlei Isơrael athei chĕp ba đak rơmă ôliwơ rơgoh, wă tơ̆k ŭnh kơđeng, wă bơwei ŭnh kơđeng khơ̆ng hơnơ̆ng.
Êlêasar kon drŏ-nglo Arôn, sư wei-lăng gah đak rơmă ôliwơ wă tơ̆k ŭnh kơđeng, tơmam 'bâu phu, tơmam pơyơ̆r tơpŭng ling-lang, đak rơmă 'bâu phu wă pik păng đĭ-đăng tơmam kiơ lăm noh păng lu tơmam yua lăm anih rơgoh.
Khan bĕ kơ Arôn; kơplah ih pơdơ̆ng ŭnh kơđeng, lei dan tơpơh tŏ ŭnh nhơk pơchrang hơdah tơ gah anăp kơ jơ̆ng ŭnh jrĕnh.
