Lêwi 23:39 - Sơ̆p Hlabơar Nơ̆r 'Bok Kei-Dei

³⁹ Truh năr mơjĭt-pơđăm khei tơpơh, g đang kơ lu iĕm kĕch yuă bơyan hơnê̆ sơnăm iĕm bơih, lu iĕm athei bơwei tơdrong pơm giĕng iĕm lăm tơpơh năr, năr blŭng-a jing năr pơdơh đei tơdrong pơyom păng năr mă tơhngam kư̆m năr pơdơh pơyom.

Lêwi 23:39 Iomraidhean Croise

Le 23:16

Ih athei wei năr 'blŏk hơdơ̆r kơ bơyan phĕ kĕch yuă wă khan bơyan plei 'long blŭng-a đơ̆ng ih bơ̆jang păng dôm adrĕch ih rei boih tơ chŭn mir; păng 'blŏk hơdơ̆r kơ bơyan phĕ kĕch yuă wă hlôi, kơplah lu iĕm đei phĕ kĕch yuă plei đơ̆ng chŭn mir,

Lêwi 23:24

Roi tơ'băt bĕ kơ bơngai Isơrael, lăm năr mônh khei tơpơh, d năr noh lu iĕm gô đei năr pơdơh gĭt găl, wă kơ 'blŏk hơdơ̆r; iĕm athei hlôm keng, na ră roi, năr noh đei tơdrong akŭm rơgoh.

Lêwi 23:34

Roi khan bĕ kơ bơngai Isơrael, 'bơ̆t năr mơjĭt-pơđăm khei tơpơhf âu, pơm giĕng bơsŭn lăm tơpơh năr wă kơkuh kơ Kră Yang.

Lêwi 23:36

Lăm tơpơh năr noh iĕm athei pơyơ̆r rim năr dôm tơmam soi, yua 'buh hăm ŭnh ăn kơ Kră Yang; truh lăm năr tơhngam lu iĕm đei akŭm rơgoh păng năm ba tơmam pơyơ̆r 'buh hăm ŭnh kơ Kră Yang; noh đei tơdrong akŭm tih pơyom. Lu iĕm 'nĕ kơ bơ̆jang kơ sĕch akar minh tơdrong kiơ.

Lêwi 23:38

'Nguaih kơ bơwei năr pơdơh Sa'bat Kră Yang, lu iĕm athei pơyơ̆r tơmam soi iĕm kơdih, lu tơmam soi pơsĭt nơ̆r pơkă păng tơmam soi 'maih wă. Iĕm juăt kơ pơyơ̆r ăn kơ Kră Yang.

Lêwi 23:40

Năr mă mônh lu iĕm athei iŏk plei 'long 'lơ̆ng; dơng 'long gol, dơng tih đei hla lơ păng 'long hla prai, na lu iĕm et sa chơt hiôk 'bơ̆t anăp Kră Yang 'Bok Kei-Dei lu iĕm lăm tơpơh năr.

Both 16:13

Iĕm kĕch yuă iŏk 'ba păng phĕ plei hơmu đang boih, iĕm athei pơm giĕng Bơsŭn lăm tơpơh năr.