Lêwi 23:3 - Sơ̆p Hlabơar Nơ̆r 'Bok Kei-Dei

³ Đe gô bơ̆jang lăm tơdrâu năr; mă-lei năr tơpơh, noh năr Sa'bat, năr đe pơdơh wă khan năr akŭm kơkuh 'lơ̆ng rơgoh. 'Nĕ kơ bơ̆jang kiơ; noh năr Sa'bat kơ Kră Yang tơ lăm jơ̆p-jang anih lu iĕm.

Lêwi 23:3 Iomraidhean Croise

Le 16:23

Sư tơl khan: 'Noh nơ̆r Kră Yang tơtă boih: Dơning jing năr pơdơh, năr Sa'bat 'lơ̆ng rơgoh ăn kơ Kră Yang, phang bĕ tơmam kiơ lu iĕm wă phang, pai bĕ tơmam kiơ lu iĕm wă pai; oei wă 'măn lê̆ truh tơ pơgê dơning.

Le 16:29

Athei tơchĕng lăng, Kră Yang ăn boih kơ lu iĕm năr Sa'bat; na lei, truh năr tơdrâu Kră Yang ăn kơ lu iĕm 'bĕng sa mah kơ 'bar năr. Wă kơ rim 'nu bơngai athei oei kơtă anih kơdih, ưh kơ gơh bơngai bu lĕch tơ 'nguaih ôh lăm năr tơpơh.

Le 16:30

Thoi noh, năr tơpơh kon pơlei pơdơh.

Le 23:12

Lăm rim giĕng ih athei bơ̆jang lăm tơdrâu năr, sơmă truh kơ năr mă tơpơh athei pơdơh, wă kơ rơmo păng aseh iĕ ih gơh pơdơh mơ̆n; hăm kon đĭch đam drŏ-kăn păng bơngai tơmoi gơh pơdơh jơhngơ̆m rơhơi.

Le 34:21

Ih athei bơ̆jang lăm tơdrâu năr, mă-lei lăm năr tơpơh ih athei pơdơh, ih athei pơdơh năr Sa'bat mă khan bơyan choh dah bơyan kĕch kư̆m pơdơh lei-lăi mơ̆n.

Êsai 56:2

Pŭn dêh kơ bơngai bu pơm tơdrong noh! Păng pŭn dêh kơ kon sâu đe bu wei kơjăp tơdrong trŏ; wă khan wei răk ưh kơ pơm glăi năr pơdơh Sa'bat păng wei ti ưh kơ pơm minh tơdrong kơnê̆ ayơ.”

Êsai 56:6

Dôm Lu bơngai tơmoi mă đei pơgơ̆p hăm Kră Yang bơih, wă chu kiơ̆ kơ Sư 'mêm kơ anăn Kră Yang păng wă pơm đĭch đam Sư; lu bơngai noh wei răk năr pơdơh Sa'bat huay kơ pơm glăi, păng chĕp kơjăp nơ̆r pơgơ̆p Inh.

Êsai 58:13

“Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Lêwi 19:3

Rim 'nu lu iĕm athei lui yom kơ mĕ 'bă păng răk năr Sa'bat Inh, Inh boih Kră Yang 'Bok Kei-Dei lu iĕm.

Luka 13:14

Kră wei-lăng hnam akŭm ei 'bôh thoi noh na sư hil dêh yua kơ Yêsu pơklaih đe lăm năr pơdơh Sa'bat wă khan năr giĕng. Na 'bok ei khan kơ lu kon pơlei pơla mă oei akŭm 'bơ̆t ei thoi âu: “Lăm minh 'măng giĕng đei tơdrâu năr bơ̆n gơh jang, iĕm athei năm tơ âu ming akâu iĕm lăm tơdrâu năr ei đĕch. Iĕm ưh kơ gơh ming akâu iĕm lăm năr pơdơh Sa'bat ôh.”

Luka 23:56

Klaih kơ noh lu sư brŏk tơ hnam chă hơmet pơgang 'bâu phu wă năm pik tơ akâu Yêsu. Kơplah năr pơdơh Sa'bat lu sư kư̆m pơdơh kiơ̆ kơ tơdrong juăt 'Bok Kei-Dei mơ̆n.

Jang 15:21

Gah tơdrong juăt Môis pơkă, lu bơngai Juđê bơtho tơdrong noh tơ rim pơlei mă đơ̆ng sơ̆. Lu sư đŏk sơ̆p hla bơar Môis tơ hnam akŭm rim kơ năr pơdơh.”

Tơdrông Tơ'bôh 1:10

Đei minh năr, mă năr giĕng kơkuh kơ Kră Yang, na Yang Bơhngol 'Lơ̆ng tơ'bôh kơ inh tơdrong hlĭch. Inh kơtơ̆ng tơ rŏng inh nhen đei nơ̆r pơma re jơwa thoi đe hlôm keng