Lêwi 23:19 - Sơ̆p Hlabơar Nơ̆r 'Bok Kei-Dei

¹⁹ Lu iĕm athei pơyơ̆r minh pôm bơbe tơno pơm tơmam soi huai đơ̆ng yoch păng 'bar tŏ kon triu đei minh sơnăm wă pơm tơmam soi 'blŏk bơnê.

Lêwi 23:19 Iomraidhean Croise

Lêwi 16:15

Đơ̆ng noh sư gô pơlôch bơbe tơno pơm tơmam soi yua huai đơ̆ng yoch kon pơlei pơla; sư chĕp ba pham bơbe noh tơ lăm che pĕng, kư̆m thoi yua pham rơmo dăm mơ̆n, tơtraih tơ kơpal tơnglơ̆p tơdrong mơnat ăn păng tơ anăp tơ'bơ̆p mơnat ăn.

Lêwi 23:18

Lu iĕm kư̆m athei pơyơ̆r hloi 'bĕng noh hăm tơpơh tŏ triu kon dang minh sơnăm, ưh kơ đei jĭ kiơ, minh pôm kon rơmo tơno păng 'bar tŏ triu tơno hơdai hăm tơmam soi phe 'ba păng tơmam soi huch wă pơm tơmam soi 'buh hăm ŭnh, pơyơ̆r đei 'bâu phu 'lơ̆ng ăn kơ Kră Yang.

Lêwi 23:20

'Bok soi gô iŏk tơmam soi noh hơdai hăm 'bar tŏ 'bĕng pơm păng 'ba blŭng-a lăm bơyan hơdai hăm 'bar tŏ kon triu na pơyơ̆r ba 'ma 'ngiĕo 'bơ̆t anăp Kră Yang, lu tơmam noh athei 'măn lê̆ rơgoh pha ăn kơ Kră Yang păng gô ăn kơ 'bok soi.

Jo 15:24

tơdah tơdrong yoch glăi hơch 'bơm mă kon pơlei ưh tam băt, lei đĭ-đăng kơ bơngai tơpôl kiơ̆ nơ̆r tơtă athei yua minh pôm rơmo dăm pơm tơmam soi 'buh đei 'nhui 'bâu phu ăn kơ Kră Yang, hơdai hăm tơmam soi phe 'ba pham hăm tơmam soi huch; păng minh pôm bơbe tơno pơm tơmam soi huai tơdrong yoch.

Jo 28:30

kư̆m athei pơyơ̆r minh pôm bơbe tơno, wă pơm tơmam soi huai đơ̆ng yoch kơ bơ̆n kơdih.

Rom 8:3

Tơ̆ng bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, bơ̆n ưh kơ gơh klaih rơngei păng ưh kơ gơh pơm 'lơ̆ng hăm 'Bok Kei-Dei ôh yua kơ akâu kon bơngai bơ̆n ưh kơ kĕ ĕnh kơ tơdrong pơm yoch. Yua kơ thoi noh na 'Bok Kei-Dei Sư wă tơgŭm bơ̆n, Sư tơgŭm tơpă. Sư wơh Kon pôm Sư jur jing thoi kon bơngai bơ̆n, Kon Sư noh pơklaih bơ̆n đơ̆ng dôm tơdrong kơnê̆ ngăl pơm kơ bơ̆n yoch, na dang ei bơ̆n ưh pă hli kơ yoch dơ̆ng, yua kơ jei Yêsu boih.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.