Lêwi 23:17 - Sơ̆p Hlabơar Nơ̆r 'Bok Kei-Dei

¹⁷ Lu iĕm athei năm ba đơ̆ng hnam iĕm 'bar tŏ 'bĕng wă pơm tơmam soi ba 'ma 'ngiĕo, 'bĕng noh pơm hăm minh lăm mơjĭt êpha tơpŭng, đei 'buih pông pơtŏ tơ ŭnh; 'bĕng noh jing tơmam blŭng-a lăm bơyan pơyơ̆r kơ Kră Yang.

Lêwi 23:17 Iomraidhean Croise

Ne 10:37

Lu nhôn pơkă chĕp ba tơpŭng 'ba hle lu nhôn, dôm lu tơmam plei 'long, sik hơmu 'nao păng đak rơmă ôliwơ, na pơjao ăn kơ 'bok soi tah lăm hnam mong hnam akŭm 'Bok Kei-Dei lu nhôn; gah minh lăm mơjĭt lu nhôn chĕp ba ăn kơ bơngai Lêwi; yua kơ lu bơngai Lêwi boih gơh iŏk tơmam noh đơ̆ng kon pơlei pơla lăm đĭ pơlei iĕ lu nhôn.

Le 22:29

Ih 'nĕ kơ pơhiơ̆ pơyơ̆r kơ Inh dôm lu plei blŭng-a ih đơ̆ng mir chŭn păng sik hơmu ih, ih kư̆m athei pơyơ̆r ăn kơ Inh kon kơdră drŏ-nglo ih.

Le 23:16

Ih athei wei năr 'blŏk hơdơ̆r kơ bơyan phĕ kĕch yuă wă khan bơyan plei 'long blŭng-a đơ̆ng ih bơ̆jang păng dôm adrĕch ih rei boih tơ chŭn mir; păng 'blŏk hơdơ̆r kơ bơyan phĕ kĕch yuă wă hlôi, kơplah lu iĕm đei phĕ kĕch yuă plei đơ̆ng chŭn mir,

Le 23:19

Dôm lu plei bơyan blŭng-a đơ̆ng teh, athei năm ba tơ hnam Kră Yang 'Bok Kei-Dei iĕm, iĕm 'nĕ kơ pai hơbĭ bơbe triu kon lăm đak toh mĕ sư.

Le 34:22

Ih athei 'blŏk răk năr giĕng, bơyan blŭng-a ih kĕch phĕ, yuă 'ba mi, hăm bơyan ih phĕ kĕch yuă tuch-luch lăm sơnăm.

Le 34:26

Ih athei chĕp ba tơ hnam Kră Yang 'Bok Kei-Dei plei blŭng-a đơ̆ng mir ih. Ih 'nĕ kơ pai 'nhĕm bơbe kon lăm đak toh mĕ sư ôh.

Lêwi 2:12

Lu iĕm gơh pơyơ̆r tơmam soi noh ăn kơ Kră Yang thoi tơmam soi pơyơ̆r plei blŭng-a. Mă-lei iĕm 'nĕ kơ 'buh tơ ŭnh tơ kơpal chơnang soi thoi tơmam soi đei 'bâu phu.

Lêwi 23:10

Khan bĕ kơ kon pơlei Isơrael: Tơdah lu iĕm mơ̆t tơ lăm char mă Inh ăn kơ lu iĕm păng lu iĕm đei kĕch yuă, bơyan 'ba tơ noh, iĕm athei năm ba minh hơchô̆ ba plei blŭng-a ăn kơ 'bok soi.

Lêwi 23:18

Lu iĕm kư̆m athei pơyơ̆r hloi 'bĕng noh hăm tơpơh tŏ triu kon dang minh sơnăm, ưh kơ đei jĭ kiơ, minh pôm kon rơmo tơno păng 'bar tŏ triu tơno hơdai hăm tơmam soi phe 'ba păng tơmam soi huch wă pơm tơmam soi 'buh hăm ŭnh, pơyơ̆r đei 'bâu phu 'lơ̆ng ăn kơ Kră Yang.

Lêwi 7:13

'Bĕng tơpŭng hrâu hăm 'buih, na pơyơ̆r hơdai hăm tơmam soi 'blŏk bơnê.

Jo 15:17

Kră Yang kư̆m khan kơ Môis thoi âu:

Jo 18:12

Inh kư̆m đei ăn kơ ih dôm tơmam bơngai Isơrael pơyơ̆r plei blŭng-a kơ Kră Yang, đĭ-đăng pơyơ̆r tơmam blŭng-a, sik hơmu păng 'ba tơ'bâu iŏk lu 'lơ̆ng hloh.

Jo 18:13

Dôm tơmam plei 'long sa mă đơ̆ng teh, plei blŭng-a bơngai Isơrael pơyơ̆r kơ Kră Yang boih, noh 'măn kơ ih ngăl; hăm bơngai bu lăm hnam ih mă 'lơ̆ng rơgoh gơh sa.

Jo 28:26

Lăm năr giĕng phĕ yuă blŭng-a, lăp iĕm đei plei blŭng-a kĕch yuă đei 'ba hle lăm bơyan, kơplah iĕm pơyơ̆r ăn kơ Kră Yang tơmam soi phe 'ba hle, iĕm athei akŭm 'lơ̆ng rơgoh; lăm năr noh lu iĕm ưh kơ gơh jang minh tơdrong kiơ gah sĕch akar.

Mathiơ 13:33

Yêsu oei bơtho pơtih gia kơ lu sư dơ̆ng: “Tơdrong 'Bok Kei-Dei pơgơ̆r kon bơngai thoi lĕ kơ 'buih pông. Minh 'nu drŏ-kăn iŏk 'buih pông tŏ sĕt bơlŭ păng tơpŭng mi minh kơthŭng na tơpŭng noh kư̆m pông pơđĭ kơ minh kơthŭng noh mơ̆n.”

Rom 8:23

Ưh kơ sĭ dôm lu tơmam 'Bok Kei-Dei pơjing noh đĕch ôh pơmat-tat. Lu bơ̆n bơngai mă đei Yang Bơhngol 'Lơ̆ng kư̆m hang nuih pơmat-tat thoi lu tơmam noh mơ̆n. Na dang ei chang jah truh khei 'năr 'Bok Kei-Dei pơkă khan wă ăn kơ bơ̆n jing kon Sư ei đĕch hiôk, wă kơ bơ̆n dah tơplih jing akâu 'nao thoi Yêsu. Bơ̆n băt kơ Sư wă ăn kơ bơ̆n hiôk ning-mônh, yua kơ Sư ăn kơ bơ̆n Yang Bơhngol 'Lơ̆ng Sư dang ei.

I Kor 15:20

Mă tơpă 'Bok Kei-Dei tơiung arih Yêsu Krist boih, thoi noh bơ̆n băt 'Bok Kei-Dei kư̆m wă tơiung arih lu bơ̆n mơ̆n. Pơtih gia, Yêsu Krist thoi lĕ 'ba hrôih kơ lu bơngai mă lôch boih.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

Tơdrông Tơ'bôh 14:4

Lu sư bơngai rơgoh 'lơ̆ng ngăl ưh kơ đei kiơ̆ lu bơngai ưh kơ lui pơm yoch ôh. Lu sư thoi bơngai drŏ-nglo mă ưh kơ pơ̆n ngôi jê̆ bơngai drŏ-kăn, thoi bơngai drŏ-kăn mă ưh kơ pơ̆n ngôi jê̆ hăm bơngai drŏ-nglo. Kon Triu 'Bok Kei-Dei năm tơ yơ lu sư kiơ̆ tơ noh, yua kơ 'Bok Kei-Dei huai iŏk lu sư đơ̆ng khŭl kon bơngai, na lu sư dang tơmam đe pơyơ̆r ăn kơ 'Bok Kei-Dei păng pơyơ̆r ăn kơ Kon Triu.