Lêwi 23:14 - Sơ̆p Hlabơar Nơ̆r 'Bok Kei-Dei

¹⁴ Lu iĕm 'nĕ kơ sa 'bĕng, 'ba hơdrĕng, dah 'ba oei adrih, dĭng truh tơnăr âu, wă khan truh năr mă lu iĕm pơyơ̆r tơmam soi kơ Kră Yang boih. Mă khan tơ anih ayơ, noh boih tơdrong juăt pơkă kơ lu iĕm ling-lang truh tơ kon sâu iĕm.

Lêwi 23:14 Iomraidhean Croise

Ne 9:14

Ih tơbăt kơ lu sư năr Sa'bat năr 'lơ̆ng rơgoh đơ̆ng Ih, yua Môis đĭch đam Ih, bơtho kơ lu sư dôm tơdrong tơtă tơdrong rơgoh 'lơ̆ng păng khôi juăt.

Horiso 19:8

Tơdrong Kră Yang athei jơ̆ tơpăt, Pơm ăn kơ jơhngơ̆m chơt hiôk. Nơ̆r tơtă Kră Yang jơ̆ rơgoh, pơm ăn kơ măt đe hơdah hơdong.

Le 27:21

Lăm tơdrong jang tơ 'nguaih kơ che pĕng găn 'bơ̆t anăp hom tah khôi juăt lăm Bơsŭn Anih Akŭm, 'bok Arôn hăm dôm lu kon drŏ-nglo sư gô wei hơmet ŭnh kơđeng, 'bơ̆t anăp Kră Yang wă kơ khơ̆ng ling-lang đơ̆ng măng truh 'năr hơdah, 'noh jing minh tơdrong juăt ling-lang ăn kơ adrĕch adrung Isơrael athei wei răk lăm đĭ-đăng jơhnơr.

Le 34:26

Ih athei chĕp ba tơ hnam Kră Yang 'Bok Kei-Dei plei blŭng-a đơ̆ng mir ih. Ih 'nĕ kơ pai 'nhĕm bơbe kon lăm đak toh mĕ sư ôh.

Lêwi 10:11

Păng lu iĕm athei bơtho kơ bơngai Isơrael dôm tơdrong juăt mă Kră Yang đei yua Môis bơtho ăn.

Lêwi 2:14

Tơdah ih wă pơyơ̆r tơmam soi hăm tơpŭng plei 'long, phe 'ba blŭng-a lăm bơyan ăn kơ Kră Yang athei iŏk hơie 'ba oei adrih peh pơhĕch păng hơdrĕng lê̆ sư.

Lêwi 23:31

Lu iĕm ưh kơ gơh jang minh tơdrong kiơ noh jơ̆ khôi juăt pơkă ling-lang ăn kơ adrĕch adrung iĕm jơ̆p-jang mă tơ anih ayơ iĕm oei.

Lêwi 23:41

Rim sơnăm lăm khei tơpơh lu iĕm athei bơwei năr pơdơh Kră Yang âu, lăm tơpơh năr, noh jing khôi juăt pơkă ăn kơ adrĕch adrung iĕm ling-lang đĭ chăl; lu iĕm pơm 'blŏk hơdơ̆r lăm khei tơpơh.

Lêwi 3:17

'Nâu bơih jing tơdrong juăt ăn kơ lu adrĕch adrung iĕm ling-lang lăm đĭ-đăng jơhnơr lu iĕm oei arih tơ lăm đĭ-đăng anih tơ yơ lu iĕm oei, lu iĕm ưh kơ gơh sa rơmă dah pham.

Both 16:12

Iĕm athei 'blŏk kơ đêl pơm đĭch tơ dêh Êyiptơ, na iĕm athei kơchăng pơm kiơ̆ nơ̆r tơtă 'nâu.