Lêwi 22:6 - Sơ̆p Hlabơar Nơ̆r 'Bok Kei-Dei

⁶ Bu hơtŭt 'bơm dôm tơmam noh jing kơnê̆ 'mê̆-'mach truh kơmăng, ưh kơ gơh sa tơmam đe 'măn lê̆ rơgoh mă-lei đang kơ hum lăm đak.

Lêwi 22:6 Iomraidhean Croise

Lêwi 11:27

Lu adrĕch ayơ mă đei puăn pah jơ̆ng ti na yak nơnăm hăm tơpang jơ̆ng noh jing tơmam ưh kơ rơgoh kơ lu iĕm, bu mă hơtŭt 'bơm akâu lôch lu sem brem noh gô đei tơdrong kơnê̆ 'mê̆-'mach truh kơmăng.

Lêwi 11:28

Na bơngai bu mă chĕp ba akâu lôch lu kon sem brem noh athei pih hơbĕn ao tai sư păng gô kơnê̆ 'mê̆-'mach truh kơmăng, dôm lu adrĕch tơmam noh ưh kơ rơgoh kơ lu iĕm.

Lêwi 11:31

Lăm lu adrĕch noh pơm kơ lu iĕm ưh kơ rơgoh, bu hơtŭt 'bơm akâu lôch sư gô đei kơnê̆ 'mê̆-'mach truh kơmăng.

Lêwi 11:32

Dôm lu adrĕch tơmam 'nâu, akâu lôch sư mă huŏng 'bơm tơ kơpal tơmam kiơ, pơm kơ tơmam noh jing kơnê̆ 'mê̆-'mach, lu tơmam pơm hăm 'long, hơbĕn ao, tơmam pơm păng akar, kơdŭng wă khan tơmam mă bơ̆n juăt kơ yua, athei tong tơmam noh lăm đak, sư gô kơnê̆ 'mê̆-'mach truh kơmăng păng đơ̆ng noh gô jing rơgoh dơ̆ng.

Lêwi 11:39

Tơdah minh pôm kon sem brem iĕm gơh sa na lôch hĭ, bu mă hơtŭt 'bơm akâu sư kư̆m jing kơnê̆ 'mê̆-'mach truh kơmăng.

Lêwi 11:40

Bu mă sa 'nhĕm lôch noh athei pih hơbĕn ao tai sư păng gô 'bơm 'mê̆-'mach truh kơmăng păng bu mă chĕp ba akâu lôch noh kư̆m athei pih hơbĕn ao sư gô đei 'mê̆-'mach truh kơmăng.

Lêwi 15:5

Bu mă hơtŭt 'bơm giơng tep sư, athei pih hơbĕn ao sư, hum lăm đak păng sư jing kơnê̆ 'mê̆-'mach truh kơmăng.

Lêwi 22:5

tơdah hơtŭt 'bơm hơdrông kơep lep-ler, dah hơtŭt 'bơm minh 'nu bơngai đei tơdrong kơnê̆, pơm kơ sư kư̆m kơnê̆ 'mê̆-'mach. Mă tôm tơdrong kiơ nai kư̆m kơnê̆ 'mê̆-'mach lei-lăi.

Lêwi 22:7

Đang kơ 'năr mơ̆t bơih, sư jing rơgoh lei na gơh sa tơmam rơgoh yua kơ tơmam noh tơmam sa sư.

Hagai 2:13

Hagai khan dơ̆ng: “Tơdah bu mă 'mê̆-'mach yua kơ pel akâu bơngai lôch na hơtŭt 'bơm dôm tơmam noh, na dôm lu tơmam noh hăm tơ 'bơm hơpoh 'mê̆-'mach ưh?” Lu 'bok soi tơl thoi âu: “Lu tơmam noh gô kơnê̆ 'mê̆-'mach.”

Jo 19:22

Mă tơmam kiơ bơngai 'bơm 'mê̆ hơtŭt 'bơm gô apoh 'mê̆-'mach; dah bu hơtŭt 'bơm bơngai noh gô apoh 'mê̆-'mach truh kơsơ̆ măng.

I Kor 6:11

Lu iĕm mơ'nah pơm thoi noh tơpă mơ̆n sơ̆, mă-lei dang ei 'Bok Kei-Dei ôp rơgoh tơdrong yoch iĕm boih, iĕm jing kon Sư 'lơ̆ng tơpăt boih, Sư jô̆ iĕm bơngai 'lơ̆ng yua kơ Kră Yang Yêsu Krist păng Yang Bơhngol 'Lơ̆ng 'Bok Kei-Dei tơgŭm bơ̆n.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.