Lêwi 22:3 - Sơ̆p Hlabơar Nơ̆r 'Bok Kei-Dei

³ Khan bĕ kơ lu sư. Tơdah đei bu lăm lu kon sâu iĕm lăm đĭ chăl arih lu iĕm năm jê̆ lu tơmam 'lơ̆ng rơgoh mă kon pơlei Isơrael pơyơ̆r 'măn lê̆ kơ Kră Yang, na bơngai noh sư đei tơdrong kơnê̆ 'mê̆-'mach, đe gô puh tơlĕch sư weh đơ̆ng anăp Inh, Inh boih Kră Yang.

Lêwi 22:3 Iomraidhean Croise

Esơra 8:28

Na inh khan kơ lu sư thoi âu: Lu iĕm jơ̆ bơngai 'lơ̆ng rơgoh Kră Yang păng lu tơmam yua lăm hnam Kră Yang 'Bok Kei-Dei noh kư̆m 'lơ̆ng rơgoh mơ̆n. Hu păng maih âu jơ̆ tơmam soi pơyơ̆r lăp đon Kră Yang Kră Yang 'Bok Kei-Dei 'bok lu iĕm.

Horiso 16:11

Ih gô tơ'bôh ăn kơ inh trong tơdrong arih; 'Bơ̆t anăp Ih 'bĕnh hăm tơdrong chhôk hal. Gah 'ma kơ Kră Yang đei tơdrong chơt hiôk ling-lang khŏm khŏm.

Horiso 51:11

Apinh 'nĕ puh lê̆ inh đơ̆ng anăp Ih. Kŭm 'nĕ kơ iŏk lê̆ Yang Bơhngol 'lơ̆ng Ih đơ̆ng inh.

Le 30:33

Tơdah bơngai bu pơm rok pơgang 'bâu phu nhen thoi noh na tuh hling tơ minh bơngai nai, đe gô puh jăk đơ̆ng kon pơlei pơla sư.

Lêwi 22:2

Khan bĕ kơ Arôn păng lu kon drŏ-nglo sư, wă kơ lu sư kơchăng pơm mă 'lơ̆ng lu tơmam pơyơ̆r kon pơlei Isơrael, mă đei 'măn pơyơ̆r pơm rơgoh ăn kơ Inh, wă kơ lu sư huay kơ pơm kơnê̆ 'mê̆-'mach kơ anăn 'lơ̆ng rơgoh Inh, Inh boih Kră Yang.

Jo 19:13

Bơngai bu mă hơtŭt 'bơm akâu bơngai lôch păng ưh kơ ôp sut sư rơgoh, gô pơm ăn kơ Bơsŭn Anih Akŭm Kră Yang 'mê̆-'mach. Bơngai noh đe gô pơpuh tơlĕch sư đơ̆ng lăm khŭl bơngai Isơrael; yua kơ đak ôp sut tơdrong 'mê̆-'mach ưh kơ đei tơtreh tơ akâu sư, lei na sư oei 'mê̆-'mach đĕch, tơdrong 'mê̆-'mach oei tơ lăm akâu sư.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

II Tes 1:9

Đơ̆ng rŏng kơ sek tơlang, 'Bok Kei-Dei wă phak lu sư ling-lang. Lu sư ưh kơ layơ gơh oei hơdai hăm Kră Yang Yêsu Krist ôh păng lu sư ưh kơ layơ gơh 'bôh Kră Yang Yêsu Krist mă 'lơ̆ng rŏ mơsêh mơyang tơpă.