Lêwi 21:9 - Sơ̆p Hlabơar Nơ̆r 'Bok Kei-Dei

⁹ Tơdah kon adruh 'bok soi ngôi kư̆ kă, noh jơ̆ pơm kơnê̆ kơ anăn 'bă sư, na đe gô soh sư lăm ŭnh.

Lêwi 21:9 Iomraidhean Croise

Bl 38:24

Dang pêng khei đơ̆ng rŏng, đe đei roi dơ̆ng kơ Juđa thoi âu: Tamar, mŏ mai ih pơm adruh đi păng yua kơ thoi noh na sư đei anăp. Juđa khan rôp tơlĕch soh lê̆ sư bĕ.

Le 31:14

Thoi noh, lu iĕm athei bơwei năr Sa'bat yua kơ năr noh jing năr 'lơ̆ng rơgoh ăn kơ lu iĕm. Bơngai bu pơm pơ'mê̆ kơ năr noh, đe gô pơlôch sư; hăm bơngai bu jang minh tơdrong kiơ lăm năr noh, đe gô pơpuh tơweh lê̆ sư.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Êsêkiên 9:6

Athei pơlôch đĭ lu kră, lu hơmuh hơmŏng, lu hơdruh, lu hơ'lơ̆p, lu drŏ-kăn, mă-lei 'nĕ kơ pơlôch lu bơngai bu mă đei chih 'bơ̆t klĕng sư. Năm iŏk đơ̆ng Anih 'lơ̆ng rơgoh Inh.” Thoi noh lu sư pơtơm pơlôch iŏk đơ̆ng lu kră đơ̆ng 'bơ̆t anăp hnam akŭm.

Lêwi 19:29

'Nĕ kơ pơm pơ'mê̆ kơ kon adruh ih, 'nĕ kơ lê̆ sư pơm đi kư̆ kă, kơnh lăm tơring bơ̆n jing pơm đi păng 'bĕnh kơ tơdrong kơnê̆.

Lêwi 20:14

Tơdah minh 'nu bơngai drŏ-nglo iŏk bre mĕ kon na pơm akăn, noh jing tơdrong kơnê̆ chư̆ dêh; đe gô soh pơđĭ pêng 'nu lu sư, wă kơ tơdrong kơnê̆ chư̆ noh huay pă đei lăm lu iĕm.

Malachi 2:3

Tơpă, Inh gô chrih kơ adrĕch lu iĕm rei, kon sâu iĕm păng Inh gô săi 'mê̆ tơ muh măt lu iĕm, wă khan 'mê̆ đơ̆ng ĭch đơ̆ng sem dơrong lu iĕm pơyơ̆r; na Inh gô puh tơweh lu iĕm đơ̆ng anăp Inh.

Both 22:21

Lei lu kră pơlei athei chông ba drŏ-kăn noh truh 'bơ̆t 'măng hnam 'bă sư, kon pơlei gô klơ̆m pơlôch drŏ-kăn noh hăm tơmo, yua kơ bơngai drŏ-kăn noh đei pơm tơdrong yoch kơnê̆ lăm Isơrael. Pơm pơyô ngôi kư̆ kă adrol kơ chă klo, kơplah sư oei lăm hnam 'bă sư. Thoi noh. Lu iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu iĕm.

Tit 1:6

Inh wă kơ ih rơih chă lu bơngai lui trŏ thoi âu: Bơngai bu đon 'lơ̆ng tơpăt mă đe ưh kơ lah bâu roi sư; păng sư bơngai iŏk akăn minh, kon sư kư̆m lui kơ 'Bok Kei-Dei mơ̆n; lu kon sư mă ưh kơ pơm kư̆ kă, sư băt chu yom kơ mĕ 'bă sư, hăm chu yom kơ 'Bok Kei-Dei đĕch.

Jôsuê 7:15

Bơngai bu mă đei tơhlâu, bơngai noh boih đei iŏk tơmam pơyơ̆r, pơlôch bơngai noh lăm ŭnh hơdai hăm lu tơmam sư, yua kơ sư pơm glăi kơ nơ̆r pơgơ̆p Kră Yang pơm ăn kơ adrĕch Isơrael mơlâu.

Jôsuê 7:25

Jôsuê khan: Yua kơ kiơ ih pơm tơdrong răm kơ lu bơ̆n? Kră Yang kư̆m pơrăm ih thoi noh mơ̆n năr 'nâu, đĭ-đăng kon pơlei Isơrael, klơ̆m tơmo tơ Akan. Đơ̆ng rŏng kơ klơ̆m tơmo đĭ-đăng hnam dơnŏ sư, đe iŏk ŭnh soh pơlôch đĭ lu sư.

I Sam 2:17

Noh tơdrong yoch bre kon drŏ-nglo âu tih tơpă 'bơ̆t anăp Kră Yang. Yua kơ lu sư pơjăm tơmam soi pơyơ̆r kơ Kră Yang lăng ưh kơ gĭt.

I Sam 2:34

Tơdrong âu gô truh kơ 'bar 'nu kon drŏ-nglo ih Hopni păng Phinêhas wă tơbăt kơ ih; dôm tơdrong gô trŏ thoi Inh đei khan bre sư gô lôch lăm minh năr.