Lêwi 20:9 - Sơ̆p Hlabơar Nơ̆r 'Bok Kei-Dei

⁹ Tơdah bơngai bu blei hiap mĕ dah 'bă sư đe gô pơlôch. Sư hiap boih mĕ 'bă sư na pham sư gô tuh tơ sư kơdih.

Lêwi 20:9 Iomraidhean Croise

II Sam 1:16

Đawit khan: “Pham ih tuh plơ̆ kơpal kơ̆l ih! Nơ̆r ih roi kơdih tơdrong noh, yua kơ ih khan: ‘Kơdih inh pơlôch bơngai mă Kră Yang rơih.’ ”

I Pot 2:32

Kră Yang gô pơm tơwih kơ Jôap đêl sư pơlôch tuh pham tuh plơ̆ tơ kơ̆l sư dơ̆ng, mă-lei Đawit 'bă inh, ưh kơ băt sư pơlôch 'bar 'nu bơngai 'lơ̆ng tơpăt hloh kơ sư, hăm đao gưm noh bre Apner kon drŏ-nglo Nêr, yŏng linh bơngai Isơrael păng Amasa kon drŏ-nglo Jêther, yŏng linh bơngai Juđa.

Le 21:17

Bơngai bu blei hiap 'bă dah mĕ sư kơdih, đe gô sek pơlôch sư,

Tơdrông Pơđơk 20:20

Lu bơngai hiap mĕ 'bă, Ŭnh kơđeng sư gô păt hơngăm lăm măng mu.

Tơdrông Pơđơk 30:11

Đei bơngai mơ'nah hiap 'bă lu sư, Păng kư̆m ưh kơ sơkat pŭn hiôk kơ mĕ lu sư.

Tơdrông Pơđơk 30:17

Măt blei hiap 'bă, Kuă kơ chu yom nơ̆r mĕ sư, Sem ak đơ̆ng thŭng gô choh iŏk măt noh, Păng sem grơ̆ gô sa măt noh.

Êsêkiên 18:13

ăn tŏk iŏk sa lơi adrol păng iŏk lơi lơ, kon sư noh hăm gơh arih ưh? Sư ưh kơ đei arih ôh! Yua kơ sư hlôi pơm yoch dôm tơdrong kơnê̆, tơpă sư gô lôch păng pham sư gô tuh kơ kơ̆l sư.

Êsêkiên 22:7

Tơ lăm ih đei bơngai, pơjăm mĕ 'bă; pơgŏ pơđep lu tơmoi; pơjuă lu kon mơti pơm kơnê̆ kơ lu bơngai adro.

Lêwi 20:16

Tơdah bơngai drŏ-kăn năm 'bĭch pơm kư̆ kă hăm kon sem brem ih athei pơlôch lê̆ bơngai drŏ-kăn hăm kon sem brem noh hloi. Pham lu sư gô tuh tơ lu sư kơdih.

Lêwi 20:27

Bơngai drŏ-nglo dah drŏ-kăn pơm pơjâu dah pơm pơma hăm yang kơnê̆, đe gô pơlôch sư, klơ̆m sư păng tơmo, pham lu sư gô tuh tơ lu sư kơdih.

Mathiơ 15:4

'Bok Kei-Dei pơkă thoi âu: ‘Iĕm athei lui yom kơ mĕ 'bă păng dah bơngai bu pơma kơnê̆ kơ mĕ 'bă sư, athei pơlôch tŭk bơngai noh.’

Mathiơ 27:25

Na đĭ-đăng kơ lu kon pơlei pơla ei khan: “Lê̆ 'Bok Kei-Dei phak nhôn păng lu kon nhôn kư̆m bưh yua kơ nhôn pơlôch Sư.”

Markôs 7:10

Môis khan boih thoi âu: ‘Iĕm athei lui yom kơ lu mĕ 'bă păng dah bơngai bu pơma kơnê̆ kơ mĕ 'bă sư, athei pơlôch tŭk bơngai noh.’

Both 27:16

Hiap pơtê̆ bĕ kơ bơngai bu pơdê mĕ 'bă sư! Đĭ-đăng kon pơlei gô khan: A-men!

Jôsuê 2:19

tơdah đei bơngai bu lĕch tơ 'nguaih đơ̆ng 'măng hnam ih, na pham lu sư gô tuh kơpal kơ̆l lu sư kơdih, lei lu nhôn ưh kơ đei yoch ôh, mă-lei tơdah bơngai bu mă pơlôch bơngai oei lăm hnam ih, pham sư gô tuh tơ kơpal kơ̆l lu nhôn.

Lu 9:24

Tơdrong kơnê̆ 'nâu wă pơm plơ̆ đêl tơdrong yoch sư pơlôch tơpơh-jĭt 'nu kon drŏ-nglo Jêrup Baal păng pham tuh kơ Abimêlek hăm bơngai mă đêl pơlôch lu 'nhŏng oh sư păng kư̆m tuh kơ lu bơngai pơlei Sichem lu bơngai mă đei tơgŭm Abimêlek mă pơlôch 'nhŏng oh sư kơdih.