Lêwi 20:3 - Sơ̆p Hlabơar Nơ̆r 'Bok Kei-Dei

³ Inh kơdih gô hil mĭl kơ bơngai noh păng pơtôch lê̆ sư đơ̆ng kon pơlei pơla sư, yua kơ sư jao kon hơ'lơ̆p sư kơ yang Mơlŏk, pơm kơ anih 'lơ̆ng rơgoh Inh jing kơnê̆ 'mê̆-'mach păng pơ'mê̆ kơ anăn 'lơ̆ng rơgoh Inh.

Lêwi 20:3 Iomraidhean Croise

Le 30:33

Tơdah bơngai bu pơm rok pơgang 'bâu phu nhen thoi noh na tuh hling tơ minh bơngai nai, đe gô puh jăk đơ̆ng kon pơlei pơla sư.

Êsêkiên 20:39

Gah lu iĕm, ơ adrĕch Isơrael, Kră Yang khan thoi âu: Rim 'nu kơ lu iĕm năm kơkuh bĕ kơ rup yang! Mă-lei đơ̆ng rŏng kơ noh, lu iĕm gô mơ̆ng kiơ̆ Inh, ưh pă pơ'mê̆ kơ anăn Inh dơ̆ng hăm tơmam soi kơkuh kơ rup yang.

Êsêkiên 5:11

Lei na Kră Yang Tih Hloh khan: Tơpă thoi Inh oei arih, yua kơ ih pơm kơnê̆ 'mê̆-'mach lăm anih rơgoh Inh hăm pơm kơnê̆ krưp, mă Inh areh dêh. Thoi noh na Inh pơrăm ih, măt Inh ưh kơ wă lăng păng ưh pă mơnat.

Lêwi 15:31

Thoi noh ih athei klah lê̆ lu bơngai Isơrael ataih đơ̆ng lu tơdrong kơnê̆ 'mê̆-'mach lu sư, kơnh hli kơ lu sư lôch lăm tơdrong kơnê̆ 'mê̆-'mach lu sư noh na pơm 'mê̆-'mach kơ Bơsŭn Anih Akŭm Inh mă oei tŏk-bŏk lu sư.

Lêwi 17:10

Tơdah bơngai bu mă đơ̆ng lăm adrĕch Isơrael, dah bơngai tơmoi oei hăm sư, sa pham kiơ bưh, lei Inh gô iung hil mĭl kơ bơngai sa pham noh, Inh gô puh tơhiong lê̆ sư đơ̆ng bơngai Isơrael sư.

Lêwi 18:21

'Nĕ kơ pơyơ̆ra kon hơ'lơ̆p ih kơ yang Mơlŏk, b 'nĕ kơ pơm 'mê̆-'mach kơ anăn Kră Yang 'Bok Kei-Dei ih, inh bơih Kră Yang.

Lêwi 19:12

Lu iĕm 'nĕ kơ yua anăn Inh na pơkă hơlĕnh, yua kơ ih pơm kơnê̆ kơ Kră Yang 'Bok Kei-Dei ih, Inh boih Kră Yang.

Lêwi 20:4

Tơdah kon pơlei lăm char âu đơ̆p muh măt sư ưh kơ wă lăng dah ưh kơ pơlôch bơngai noh, kơplah bơngai noh jao kon hơ'lơ̆p sư kơ yang Mơlŏk,

Lêwi 21:6

Lu sư athei arih 'lơ̆ng rơgoh kơ Kră Yang 'Bok Kei-Dei, 'nĕ kơ pơm mơgrĭ kơ Anăn Kră Yang 'Bok Kei-Dei lu sư; yua kơ lu sư pơyơ̆r kơ Kră Yang dôm tơmam pơyơ̆r soh hăm ŭnh, wă khan pơyơ̆r 'bĕng tơmam sa kơ Kră Yang, yua kơ noh lu sư jing 'lơ̆ng rơgoh.

Lêwi 7:20

Bu mă đei tơdrong kơnê̆ 'mê̆-'mach na sa tơmam soi 'blŏk bơnê pơyơ̆r kơ Kră Yang, bơngai noh đe gô puh tơlĕch sư đơ̆ng kon pơlei pơla.

Lêwi 7:21

Tơdah bơngai bu hơtŭt 'bơm tơmam kơnê̆ 'mê̆-'mach dah đơ̆ng kon bơngai 'mê̆-'mach, đơ̆ng kon sem brem ưh kơ rơgoh dah đơ̆ng tơdrong kiơ mă Kră Yang areh na sa 'nhĕm tơmam soi 'blŏk bơnê pơyơ̆r kơ Kră Yang, bơngai noh đe gô puh tơlĕch sư đơ̆ng kon pơlei pơla.

Jo 19:13

Bơngai bu mă hơtŭt 'bơm akâu bơngai lôch păng ưh kơ ôp sut sư rơgoh, gô pơm ăn kơ Bơsŭn Anih Akŭm Kră Yang 'mê̆-'mach. Bơngai noh đe gô pơpuh tơlĕch sư đơ̆ng lăm khŭl bơngai Isơrael; yua kơ đak ôp sut tơdrong 'mê̆-'mach ưh kơ đei tơtreh tơ akâu sư, lei na sư oei 'mê̆-'mach đĕch, tơdrong 'mê̆-'mach oei tơ lăm akâu sư.

Jo 19:20

Gah bơngai bu hơtŭt 'bơm 'mê̆ mă ưh kơ pơm hơmet kơdih akâu rơgoh, minh 'nu bơngai thoi noh đe gô puh tơweh tơlĕch sư đơ̆ng tơpôl kon pơlei, yua kơ sư pơm kơ hnam Kră Yang jing 'mê̆-'mach. Đak ôp sut tơdrong 'mê̆ ưh kơ đei tơtraih tơ akâu sư, sư noh đe jô̆ oei 'mê̆-'mach.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

I Pet 3:12

Yua kơ 'Bok Kei-Dei wei-lăng lu bơngai 'lơ̆ng ling-lang, păng mơ̆ng tơdrong lu sư krao khan; gah lu bơngai pơm kơnê̆, 'Bok Kei-Dei hil dêh.”