Lêwi 20:2 - Sơ̆p Hlabơar Nơ̆r 'Bok Kei-Dei

² Ih athei khan kơ kon pơlei Isơrael. Tơdah bơngai bu lăm kon pơlei Isơrael dah bơngai tơmoi oei lăm char Isơrael jao minh 'nu kon hơ'lơ̆p sư ăn kơ yang Mơlŏk, a bơngai noh đe gô pơlôch sư, kon pơlei lăm char noh gô klơ̆m pơlôch sư hăm tơmo.

Lêwi 20:2 Iomraidhean Croise

I Pot 11:7

Kơpal groi gah hơlĕch kơ pơlei Jêrusalem Sôlômôn man minh pôm hnam kơ Kêmôs yang lu bơngai Môap păng kơ yang Môlek yang lu bơngai Ammôn.

II Pot 17:17

Lu sư 'buh kon drŏ-nglo kon drŏ-kăn lu sư lăm ŭnh pơm tơmam soi sơmah kơ yang, lui kiơ̆ kơ pơjâu tơwir păng pơjâu lăng ti lu sư tĕch akâu lu sư kơdih pơm kơnê̆ 'bơ̆t anăp Kră Yang, wă tơblĕk Kră Yang.

II Pot 23:10

Pơtao kư̆m pơm pơ'mê̆ lê̆ anih Tôphêt lăm Thŭng Ben Hinôm, wă kơ đơ̆ng âu tơ anăp, ưh kơ đei bu gơh soh pơyơ̆r kon drŏ-nglo dah kon drŏ-kăn sư soi sơmah kơ yang Mơlek.

II Ho 28:3

Sư soh pơyơ̆r tơmam 'bâu phu lăm Thŭng Ben Hinôm păng 'buh pơyơ̆r lu kon drŏ-nglo sư kơdih lăm ŭnh pơm tơmam soi, kiơ̆ kơ tơdrong kơnê̆ krưp dêh tơpă lu kon pơlei mă Kră Yang puh tơweh lê̆ lu sư đơ̆ng anăp lu bơngai Isơrael.

II Ho 33:6

Sư 'buh pơyơ̆r kon drŏ-nglo sư pơm tơmam soi tơ lăm Thŭng Ben Hinôm sư chă tơdrong apo, lăng ti wă kơ băt adrol, chă lu pơjâu tơwir, kiơ̆ lu bơngai krao pơma dơnuh hăm atâu. Sư pơm yoch kơnê̆ rai dêh 'bơ̆t anăp Kră Yang pơm tơblĕk Sư.

Horiso 106:38

Tuh pham tơdrong ưh kơ đei. Pham lu kon drŏ-nglo drŏ-kăn sư kơdih. Lu sư pơm tơmam soi ăn kơ rup yang char Kanaan; Na, char noh jing 'mê̆ kơnê̆ yua kơ pham noh.

Je 32:35

Lu sư man pơdơ̆ng boih anih tih kơjung kơ yang Baal lăm Thŭng Ben Hinôm, wă pơyơ̆r kơ yang Mơlek lu kon drŏ-nglo kon drŏ-kăn lu sư, noh tơdrong mă Inh ưh kơ đei bơtho; Inh ưh kơ đei tơchĕng. Lu sư mă đei pơm tơdrong kơnê̆ 'mê̆-'mach thoi noh na pơm kơ adrĕch Juđa yoch.

Je 7:31

Lu sư man dơ̆ng anih kơjung tơ Tôphet, lăm Thŭng Ben Hinôm, wă 'buh pơyơ̆r kon drŏ-nglo drŏ-kăn lăm ŭnh; tơdrong noh Inh ưh kơ đei bơtho tơtă, Inh kư̆m ưh kơ tơchĕng mơ̆n tơdrong noh.

Êsêkiên 20:26

Inh pơm kơ tơdrong lu sư soi pơyơ̆r kon kơdră lu sư jing kơnê̆ 'mê̆-'mach đơ̆ng tơmam soi noh Inh pơm kơ lu sư hli krưp, wă kơ lu sư băt inh boih Kră Yang.

Êsêkiên 20:31

Kơplah lu iĕm pơyơ̆r tơmam soi, pơyơ̆r kon drŏ-nglo soh hăm ŭnh, kơdih lu iĕm pơm kơnê̆ 'mê̆-'mach kơkuh kơ rup yang truh tơ dang ei? Ơ adrĕch Isơrael, Inh ưh kơ lê̆ lu iĕm krao apinh Inh. Kră Yang khan: Thoi Inh mă arih ling-lang, Inh ưh kơ ăn lu iĕm krao apinh Inh.

Êsêkiên 23:37

Lu sư pơm yoch pơm pơyô kư̆ kă păng ti lu sư 'bơm pham; lu sư pơm yoch ngôi pơyô kư̆ kă hăm lu rup yang; păng pơyơ̆r kon lu sư, kon mă lu sư tơpŭ ăn kơ Inh, pơm tơmam sa ăn kơ rup yang.

Êsêkiên 23:39

Lu sư pơlôch kon sư kơdih pơyơ̆r kơ rup yang; lăm năr noh lu sư kư̆m mơ̆t lăm anih 'lơ̆ng rơgoh Inh na pơm tơdrong 'mê̆-'mach. Noh tơdrong lu sư pơm boih kơ hnam Inh!

Lêwi 17:13

Thoi noh mơ̆n tơdah đei minh 'nu bơngai lăm kon pơlei Isơrael dah đơ̆ng lăm bơngai tơmoi, chă hơnguang đei minh pôm jĭl juei dah sem păr mă bơ̆n juăt kơ sa, 'bet lê̆ pham lĕch na iŏk teh 'bŭ lê̆.

Lêwi 17:15

Bơngai bu đơ̆ng pơlei kơtă dah đơ̆ng tơmoi, na sa 'nhĕm sem brem lôch kơmăp kơdih dah lôch đơ̆ng đêl sem bri kăp bơngai noh athei pih hơbĕn ao sư, hum lăm đak păng gô đei kơnê̆ 'mê̆-'mach truh kơmăng, klaih kơ noh sư jing rơgoh.

Lêwi 17:8

Thoi noh ih athei khan kơ lu sư: Tơdah bu mă lăm bơngai Isơrael, dah bơngai tơmoi oei lăm lu kon pơlei, sư pơyơ̆r minh pôm tơmam soi 'buh dah pơyơ̆r tơmam soi kiơ,

Lêwi 18:21

'Nĕ kơ pơyơ̆ra kon hơ'lơ̆p ih kơ yang Mơlŏk, b 'nĕ kơ pơm 'mê̆-'mach kơ anăn Kră Yang 'Bok Kei-Dei ih, inh bơih Kră Yang.

Lêwi 20:1

Kră Yang khan kơ Môis:

Lêwi 20:27

Bơngai drŏ-nglo dah drŏ-kăn pơm pơjâu dah pơm pơma hăm yang kơnê̆, đe gô pơlôch sư, klơ̆m sư păng tơmo, pham lu sư gô tuh tơ lu sư kơdih.

Lêwi 24:14

Chông ba bĕ bơngai mă hiap pơtê̆ lĕch tơ 'nguaih kơ gơđông, đĭ-đăng đe bu mă kơtơ̆ng sư athei dan ti lu sư 'bơ̆t kơ̆l bơngai noh păng ăn đĭ-đăng kon pơlei pơla klơ̆m pơlôch sư păng tơmo.

Lêwi 24:16

Bu pơma blông kơ anăn Kră Yang; đe gô pơlôch sư, kon pơlei gô klơ̆m sư păng tơmo. Mă khan bơngai đơ̆ng tơmoi nai, dah bơngai kon pơlei sư kơdih, mưh pơma blông kơ Anăn Kră Yang đe gô pơlôch đĭ.

Lêwi 24:23

Thoi noh Môis khan kơ kon pơlei Isơrael, chông anhăk bơngai hiap pơtê̆ lĕch tơ 'nguaih kơ gơđông, đơ̆ng noh klơ̆m sư păng tơmo. Na kon pơlei Isơrael pơm kiơ̆ nơ̆r Kră Yang mă đei tơtă bơih kơ Môis.

Jang 7:43

Iĕm tung ba hnam yang Malŏk noh, păng rup sơnglŏng yang Rapan; dôm lu rup âu iĕm pơm kơdih wă kơkuh kơ sư đĕch, na Inh gô pơpuh lê̆ iĕm jăk oei tơ pah to Pơlei Babilôn.’

Both 12:31

'Nĕ kơ bơ̆jang kơkuh kơ Kră Yang 'Bok Kei-Dei iĕm thoi noh, yua kơ lu sư đei pơm boih dôm tơdrong kơnê̆ krưp Kră Yang areh hloh kơ noh đơ̆ng lu sư soh pơyơ̆r kon drŏ-nglo kon drŏ-kăn lu sư kơdih tơ ŭnh pơm tơmam soi 'buh arih kơ yang kơnê̆.

Both 17:2

Tơdah đei bơngai oei hơdai, lăm pơlei mă Kră Yang 'Bok Kei-Dei ăn kơ iĕm, đei minh 'nu bơngai drŏ-nglo dah drŏ-kăn pơm tơdrong kơnê̆ 'bơ̆t anăp Kră Yang 'Bok Kei-Dei, noh pơm glăi tơdrong pơgơ̆p Sư,

Both 18:10

Mă-lei iĕm 'nĕ kơ đei bơngai bu pơyơ̆r kon drŏ-nglo kon drŏ-kăn sư 'buh arih pơm tơmam soi, kơ yang, 'nĕ kơ pơm bơngai chă tơng lăng, bơngai mă juăt lăng sơnglŏng khan lê̆ adrol tơdrong wă truh, bơngai pơjâu tơwir,

Both 21:21

Đơ̆ng noh đĭ-đăng, lu drŏ-nglo lăm pơlei klơ̆m pơlôch sư păng tơmo; iĕm pơm rơgoh tơdrong kơnê̆ đơ̆ng lăm kon pơlei păng đĭ-đăng kon pơlei Isơrael gô kơtơ̆ng tơdrong noh na hli tơrơ.

Both 22:21

Lei lu kră pơlei athei chông ba drŏ-kăn noh truh 'bơ̆t 'măng hnam 'bă sư, kon pơlei gô klơ̆m pơlôch drŏ-kăn noh hăm tơmo, yua kơ bơngai drŏ-kăn noh đei pơm tơdrong yoch kơnê̆ lăm Isơrael. Pơm pơyô ngôi kư̆ kă adrol kơ chă klo, kơplah sư oei lăm hnam 'bă sư. Thoi noh. Lu iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu iĕm.