Lêwi 2:15 - Sơ̆p Hlabơar Nơ̆r 'Bok Kei-Dei

¹⁵ Ih athei tuh đak rơmă ôliwơ păng tơmam 'bâu phu tơ kơpal sư, noh bơih tơmam soi tơpŭng phe 'ba ưh kơ đei pham.

Lêwi 2:15 Iomraidhean Croise

Le 29:2

Yua tơpŭng ưh kơ đei 'buih pông hrâu păng rơmă ôliwơ păng 'bĕng klang ưh kơ đei 'buih pông; dah pung hăm rơmă ôliwơ. Ih athei pơm 'bĕng noh hăm tơpŭng 'ba mi.

Le 30:34

Kră Yang khan kơ Môis: Ih athei iŏk dôm tơmam 'bâu phu wă khan chai 'long hold, kơđoh hmok ka Ônichae, chai 'long Phrankincensef, chai 'long Galbuniumg, đĭ-đăng lu sư iŏk dôm ăi.h

Lêwi 2:1

Layơ bu wă pơyơ̆r ăn kơ Kră Yang tơmam soi phe 'ba, bơngai noh athei iŏk tơpŭng hĕch lŭk hrâu hăm đak rơmă ôliwơ păng dan tơmam 'bâu phu tơ kơpal.

Lêwi 2:14

Tơdah ih wă pơyơ̆r tơmam soi hăm tơpŭng plei 'long, phe 'ba blŭng-a lăm bơyan ăn kơ Kră Yang athei iŏk hơie 'ba oei adrih peh pơhĕch păng hơdrĕng lê̆ sư.

Lêwi 2:16

Đơ̆ng noh 'bok soi iŏk minh puăt lăm lu tơpŭng mă đei hrâu hăm đak rơmă ôliwơ păng tơmam 'bâu phu na soh. Wă pơm 'blŏk hơdơ̆r, noh jơ̆ tơmam soi phe 'ba hle soh lăm ŭnh pơyơ̆r ăn kơ Kră Yang.

Lêwi 5:11

Tơdah sư ưh kơ kĕ đei wă pơyơ̆r minh hơgrop sem pơgâm dah sem kơtơp kon ôh. Na yua kơ tơdrong yoch sư đei pơm sư athei pơyơ̆r minh lăm mơjĭt êphaa tơpŭng rơgoh 'lơ̆ng wă pơm tơmam soi huai đơ̆ng yoch, 'nĕ kơ tuh đak rơmă ôliwơ păng đak rơmă 'bâu phu kơpal yua kơ 'nâu jơ̆ tơmam soi huai đơ̆ng yoch.

Jo 15:4

na bơngai bu wă pơyơ̆r tơmam ăn kơ Kră Yang athei pơyơ̆r tơmam soi phe 'ba dang minh lăm mơjĭt êpha tơpŭng bơlŭ hăm minh lăm puăn hin đak rơmă ôliwơ.