Lêwi 2:10 - Sơ̆p Hlabơar Nơ̆r 'Bok Kei-Dei

¹⁰ Dôm tơmam soi phe 'ba mă oei đei gô lê̆ đĭ kơ Arôn păng kon drŏ-nglo sư; noh jơ̆ tơmam soi 'lơ̆ng rơgoh hloh lăm lu tơmam soi soh hăm ŭnh sa pơyơ̆r kơ Kră Yang.

Lêwi 2:10 Iomraidhean Croise

II Ho 31:14

Kôrê kon drŏ-nglo Imna, bơngai Lêwi bơngai wei 'Măng Jang Hơlĕch, sư yŏng wei-lăng tơmam đe pơyơ̆r kơ Kră Yang 'Bok Kei-Dei hăm jơhngơ̆m hiôk păng lu tơmam 'lơ̆ng rơgoh.

Esơra 2:63

'Bok pơgơ̆r ưh kơ ăn lu sư sa tơmam rơgoh 'lơ̆ng tôch bơneh wă gô dĭng truh tơ layơ đei 'bok soi yua Urim păng Thumim mă krao apinh Kră Yang 'Bok Kei-Dei. Wă kơ băt lu sư hăm trŏ kơ adrĕch 'bok soi ưh.

Êsêkiên 44:29

Lu sư gô sa lu tơmam soi pơyơ̆r phe ba, tơmam soi huai đơ̆ng yoch păng tơmam soi huai đơ̆ng tơdrong glăi; tơmam kiơ pơyơ̆r đơ̆ng lu bơngai Isơrael noh jing tơmam lu sư.

Êsêkiên 46:20

Sư khan kơ inh: “'Nâu anih lu 'bok soi hơtŭk 'nhĕm tơmam soi huai đơ̆ng yoch păng tơmam soi huai đơ̆ng glăi păng soh tơmam soi phe ba wă huay kơ anhăk ba tơ cham gah 'nguaih kơnh hli pơm kơ kon pơlei jing 'lơ̆ng rơgoh.”

Lêwi 10:12

Môis khan kơ Arôn păng lu kon drŏ-nglo sư oei arih, noh Êlêasar păng Ithamar. Ih iŏk bĕ tơmam pơyơ̆r, phe 'ba mă oei rơkah, đơ̆ng soh pơyơ̆r tơ chơnang soi kơ Kră Yang boih athei sa hloi hăm 'bĕng ưh kơ đei 'buih pông 'bơ̆t cheng chơnang soi; yua kơ tơmam âu jơ̆ rơgoh.

Lêwi 14:13

Sư gô pơlôch kon triu noh lăm anih đe juăt kơ pơlôch sem dơrong tơmam soi, wă pơm tơmam soi huai đơ̆ng yoch. Păng tơmam soi 'buh, tơ minh anih 'lơ̆ng rơgoh, yua kơ tơmam soi huai đơ̆ng tơdrong hơch 'bơm pơm yoch, 'nâu mơ̆ng kơ 'bok soi ngăl kư̆m thoi tơmam soi huai đơ̆ng yoch mơ̆n, noh jơ̆ minh tơmam 'lơ̆ng rơgoh hloh.

Lêwi 2:3

Dôm tơmam kiơ oei đei, đơ̆ng tơmam pơyơ̆r tơpŭng lê̆ đĭ kơ lu 'bok soi kon drŏ-nglo Arôn. Noh jơ̆ tơmam 'lơ̆ng rơgoh lăm lu tơmam pơyơ̆r soh hăm ŭnh sa mă pơyơ̆r ăn kơ Kră Yang.

Lêwi 21:22

Sư gơh sa tơmam sa Kră Yang 'Bok Kei-Dei sư, mă tơmam 'lơ̆ng rơgoh hloh păng tơmam 'lơ̆ng rơgoh.

Lêwi 5:13

Thoi noh 'bok soi gô soi sơmah wă huai đơ̆ng yoch yua kơ sư pơm yoch boih iŏk minh lăm tơmam 'nâu, bơngai noh gơh đei mơnat ăn; tơpŭng mă oei rơkah noh gô lê̆ kơ 'bok soi kư̆m thoi tơmam soi pơyơ̆r phe 'ba mơ̆n.

Lêwi 6:16

Lu tơmam mă oei oei Arôn păng lu kon drŏ-nglo sư gô sa tơmam noh, ưh kơ đei 'buih pông, tơ lăm minh anih rơgoh, wă khan sa tơ cham Bơsŭn Anih Akŭm.

Lêwi 6:23

Dôm rim tơmam soi hăm phe 'ba đơ̆ng 'bok soi athei soh lê̆ đĭ ưh kơ gơh sa.

Lêwi 6:9

Tơtă bĕ kơ Arôn hăm lu kon drŏ-nglo sư: 'Nâu Jơ̆ tơdrong juăt gah tơmam soi 'buh, tơmam soi 'buh athei dan kơpal ŭnh tơ chơnang soi prăt măng dĭng truh tơ pơgê. Ŭnh kơpal chơnang soi athei wei khơ̆ng hơnơ̆ng.

Lêwi 7:7

Tơmam soi huai iŏk đơ̆ng pơm glăi kơ tơdrong juăt kư̆m thoi tơmam soi huai iŏk đơ̆ng pơm yoch, đei tơdrong juăt kơ lu sư 'bok soi gô soi sơmah wă sut tơdrong yoch păng 'bok soi yua sư.

Jo 18:9

Lăm lu tơmam 'lơ̆ng rơgoh dêh 'nâu ưh kơ đei soh 'buh mă đơ̆ng kon pơlei Isơrael pơyơ̆r ăn kơ Inh tơmam 'nâu lê̆ kơ ih: Đĭ-đăng dôm tơmam soi pơyơ̆r đơ̆ng lu sư, tơmam soi phe 'ba, tơmam soi wă huai tơdrong yoch, tơmam soi kơ tơdrong yoch hơch 'bơm; dôm tơmam rơgoh 'lơ̆ng 'nâu lê̆ kơ ih păng lu kon drŏ-nglo ih,

I Sam 2:28

Inh đei rơih iŏk 'bok sư bơih 'bok ih đơ̆ng lăm adrĕch bơngai Isơrael ăn kơ sư pơm 'bok soi Inh, tŏk tơ chơnang soi Inh, soh pơgang 'bâu phu, hrŭk ao Êphôt 'bơ̆t anăp Inh; Inh kư̆m ăn bơih kơ adrĕch ih dôm tơmam soi 'buh đơ̆ng adrĕch lu bơngai Isơrael.