Lêwi 19:9 - Sơ̆p Hlabơar Nơ̆r 'Bok Kei-Dei

⁹ Tơdah lu iĕm kĕch yuă 'ba lăm tơring iĕm, 'nĕ kơ yuă truh tơ tôch mum chŭn. Păng kư̆m 'nĕ kơ chă dônh mok lu ba oei đei.

Lêwi 19:9 Iomraidhean Croise

Lêwi 19:10

Iĕm kư̆m 'nĕ kơ phĕ hơlơ̆k plei hơmu 'bar wơ̆t, kư̆m 'nĕ kơ dônh lu plei hơmu đêl huŏng, iĕm athei lê̆ kơ lu bơngai dơnuh hin păng bơngai tơmoi 'bĭch ngôi dônh. Inh boih Kră Yang lu iĕm.

Lêwi 19:8

Bu sa tơmam soi thoi noh gô pŭ iŏk tơdrong yoch sư kơdih, yua kơ sư pơm 'mê̆-'mach kơ tơmam rơgoh 'lơ̆ng Kră Yang bơngai noh; đe gô puh tơlĕch đơ̆ng kon pơlei pơla sư.

Lêwi 23:10

Khan bĕ kơ kon pơlei Isơrael: Tơdah lu iĕm mơ̆t tơ lăm char mă Inh ăn kơ lu iĕm păng lu iĕm đei kĕch yuă, bơyan 'ba tơ noh, iĕm athei năm ba minh hơchô̆ ba plei blŭng-a ăn kơ 'bok soi.

Lêwi 23:22

Tơdah kĕch yuă 'ba lăm tơring iĕm, 'nĕ kơ yuă kĕch truh tơ mum jih kơ mir păng kư̆m 'nĕ kơ dônh lu 'ba mă huŏng. Athei 'măn lu 'ba noh kơ lu bơngai dơnuh hin păng lu bơngai tơmoi, Inh boih Kră Yang 'Bok Kei-Dei lu iĕm.

Lêwi 23:29

Lăm năr noh bu mă ưh kơ hơdrĭ kơ jơhngơ̆m pơmat akâu sư kơdih đe gô puh tơlĕch sư đơ̆ng kon pơlei pơla sư.

Ru 2:15

Đơ̆ng noh sư iung năm chă mok dơ̆ng 'Bôô pơma hơtă kơ bơngai tơdăm jang kơ sư. Ăn kơ sư chă mok măi lu hơie mă khan sơlam hơchô̆ 'ba ră iĕm 'nĕ kơ chrih pơm kơ sư mơlâu.

Ru 2:2

Rut bơngai drŏ-kăn Môap khan kơ Naômi thoi âu: Apinh ih ăn kơ inh năm tơ mir wă kơ inh chă mok 'ba kiơ̆ đơ̆ng rŏng bu mă đei jơhngơ̆m mơnat kơ inh, na inh chă mok măi 'ba. Naômi drơ̆ng sư: Ơ mŏ, năm bĕ.

Ru 2:8

'Bôô khan kơ Rut thoi âu, ơ mŏ adruh, mơ̆ng bĕ, ih 'nĕ kơ chă mok tơ mir đe nai hŏ! Păng kư̆m 'nĕ kơ weh đơ̆ng mir âu. Năm oei hơdai hăm lu adruh jang kơ inh.