Lêwi 19:8 - Sơ̆p Hlabơar Nơ̆r 'Bok Kei-Dei

⁸ Bu sa tơmam soi thoi noh gô pŭ iŏk tơdrong yoch sư kơdih, yua kơ sư pơm 'mê̆-'mach kơ tơmam rơgoh 'lơ̆ng Kră Yang bơngai noh; đe gô puh tơlĕch đơ̆ng kon pơlei pơla sư.

Lêwi 19:8 Iomraidhean Croise

Le 30:33

Tơdah bơngai bu pơm rok pơgang 'bâu phu nhen thoi noh na tuh hling tơ minh bơngai nai, đe gô puh jăk đơ̆ng kon pơlei pơla sư.

Lêwi 19:7

Tơdah đe sa 'nhĕm 'măn truh kơ năr mă pêng noh jơ̆ minh tơdrong kơnê̆ Inh Kră Yang areh dêh; ưh kơ iŏk ôh.

Lêwi 19:9

Tơdah lu iĕm kĕch yuă 'ba lăm tơring iĕm, 'nĕ kơ yuă truh tơ tôch mum chŭn. Păng kư̆m 'nĕ kơ chă dônh mok lu ba oei đei.

Lêwi 22:15

'Bok soi ưh kơ gơh pơm 'mê̆-'mach kơ tơmam soi mă kon pơlei Isơrael pơyơ̆r ăn kơ Kră Yang.

Lêwi 5:1

Tơdah bơngai bu pơm kơdranh mă đei pơkăm pơkă bơih. Păng pơm glăi yua kơ ưh pơdah kơ đe tơdrong sư đêl 'bôh, dah đêl băt lei bơngai noh pŭ yoch sư kơdih bơih.

Lêwi 7:20

Bu mă đei tơdrong kơnê̆ 'mê̆-'mach na sa tơmam soi 'blŏk bơnê pơyơ̆r kơ Kră Yang, bơngai noh đe gô puh tơlĕch sư đơ̆ng kon pơlei pơla.

Lêwi 7:21

Tơdah bơngai bu hơtŭt 'bơm tơmam kơnê̆ 'mê̆-'mach dah đơ̆ng kon bơngai 'mê̆-'mach, đơ̆ng kon sem brem ưh kơ rơgoh dah đơ̆ng tơdrong kiơ mă Kră Yang areh na sa 'nhĕm tơmam soi 'blŏk bơnê pơyơ̆r kơ Kră Yang, bơngai noh đe gô puh tơlĕch sư đơ̆ng kon pơlei pơla.