Lêwi 19:3 - Sơ̆p Hlabơar Nơ̆r 'Bok Kei-Dei

³ Rim 'nu lu iĕm athei lui yom kơ mĕ 'bă păng răk năr Sa'bat Inh, Inh boih Kră Yang 'Bok Kei-Dei lu iĕm.

Lêwi 19:3 Iomraidhean Croise

Bl 48:12

Jôsep iŏk bre kon sư đơ̆ng blu păng kŭl-tăng 'bă sư na drap bon tơ teh.

Ne 9:14

Ih tơbăt kơ lu sư năr Sa'bat năr 'lơ̆ng rơgoh đơ̆ng Ih, yua Môis đĭch đam Ih, bơtho kơ lu sư dôm tơdrong tơtă tơdrong rơgoh 'lơ̆ng păng khôi juăt.

Le 16:29

Athei tơchĕng lăng, Kră Yang ăn boih kơ lu iĕm năr Sa'bat; na lei, truh năr tơdrâu Kră Yang ăn kơ lu iĕm 'bĕng sa mah kơ 'bar năr. Wă kơ rim 'nu bơngai athei oei kơtă anih kơdih, ưh kơ gơh bơngai bu lĕch tơ 'nguaih ôh lăm năr tơpơh.

Le 20:12

Athei chu yom kơ mĕ 'bă ih, wă kơ ih gơh arih sot tơ kơpal teh mă Kră Yang 'Bok Kei-Dei đei ăn.

Le 20:8

Athei 'blŏk kơ năr tơpơh wă pơm năr giĕng.

Le 21:15

Bơngai bu teh 'bă dah mĕ sư kơdih, đe gô sek tơlang pơlôch sư.

Le 21:17

Bơngai bu blei hiap 'bă dah mĕ sư kơdih, đe gô sek pơlôch sư,

Tơdrông Pơđơk 1:8

Ơ dăm, mơ̆ng bĕ nơ̆r mĕ bơtho pơkă; păng 'nĕ hiơt kơ nơ̆r 'bă ih bơtho khan,

Tơdrông Pơđơk 23:22

Mơ̆ng bĕ nơ̆r 'bă mă bơngai pơjing kơ ih; 'Nĕ areh kơ mĕ đĭ kră pă kĕ jang.

Tơdrông Pơđơk 30:11

Đei bơngai mơ'nah hiap 'bă lu sư, Păng kư̆m ưh kơ sơkat pŭn hiôk kơ mĕ lu sư.

Tơdrông Pơđơk 30:17

Măt blei hiap 'bă, Kuă kơ chu yom nơ̆r mĕ sư, Sem ak đơ̆ng thŭng gô choh iŏk măt noh, Păng sem grơ̆ gô sa măt noh.

Êsai 58:13

“Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Êsêkiên 20:12

Inh ăn boih kơ lu sư năr giĕng Sa'bat wă pơm tơdra tŏk-bŏk lu sư hăm Inh, wă kơ lu sư băt Inh boih Kră Yang pơm kơ lu sư rơgoh.

Lêwi 11:44

Yua kơ Inh boih Kră Yang 'Bok Kei-Dei lu iĕm, Inh 'lơ̆ng rơgoh, lu iĕm kư̆m athei oei rơgoh, na gơh rơgoh tơpă. Lu iĕm 'nĕ kơ ăn minh pôm kon sem kiơ mơmŏ kơpal teh mă pơm kơ lu iĕm jing kơnê̆ 'mê̆-'mach.

Lêwi 19:25

Truh lăm sơnăm mă pơđăm lu iĕm gơh sa plei noh, wă kơ plei rai lơ hloh ăn kơ iĕm, inh boih Kră Yang 'Bok Kei-Dei lu iĕm.

Lêwi 19:30

Lu iĕm athei bơwei năr Sa'bat păng pơyom kơ Anih 'Lơ̆ng Rơgoh Inh, Inh boih Kră Yang lu iĕm.

Lêwi 19:31

'Nĕ kơ năm tơ lu bơngai mă juăt kơ pơma hăm yang kơnê̆ dah lu pơjâu, 'nĕ kơ chă apinh lu sư ôh kơnh pơm kơ iĕm jing kơnê̆ đơ̆ng lu sư, Inh boih Kră Yang 'Bok Kei-Dei lu iĕm.

Lêwi 19:34

Bơngai tơmoi mă chă oei pơdơh hơdai lu iĕm, athei lăng sư thoi kon pơlei iĕm kơdih. Athei 'mêm kơ lu sư thoi iĕm 'mêm akâu kơdih; yua kơ lu iĕm kư̆m đêl jing bơngai tơmoi oei tơ char Êyiptơ sơ̆. Inh boih Kră Yang 'Bok Kei-Dei lu iĕm.

Lêwi 23:3

Đe gô bơ̆jang lăm tơdrâu năr; mă-lei năr tơpơh, noh năr Sa'bat, năr đe pơdơh wă khan năr akŭm kơkuh 'lơ̆ng rơgoh. 'Nĕ kơ bơ̆jang kiơ; noh năr Sa'bat kơ Kră Yang tơ lăm jơ̆p-jang anih lu iĕm.

Lêwi 26:2

Wei răk bĕ năr pơdơh Sa'bat Inh păng pơyom kơ anih 'lơ̆ng rơgoh Inh, Inh boih Kră Yang.

Malachi 1:6

“Kon drŏ-nglo kơkuh pơyom kơ 'bă sư, đĭch đam hli yom kơ yŏng tơ'ngla sư. Thoi noh tơdah Inh jing 'Bă iĕm, lei tơdrong lu iĕm kơkuh pơyom kơ Inh? Păng tơdah Inh jing yŏng tơ'ngla, lei lu sư hli yom kơ Inh tơ yơ?” Kră Yang Tih Hloh khan kơ lu sư thoi noh. “Ơ lu 'bok soi pơdê anăn Inh!” Lu iĕm đei khan: “Tơ yơ nhôn đei pơdê anăn Ih?”

Both 27:16

Hiap pơtê̆ bĕ kơ bơngai bu pơdê mĕ 'bă sư! Đĭ-đăng kon pơlei gô khan: A-men!

Both 5:16

Athei lui yom kơ mĕ 'bă ih, kiơ̆ thoi Kră Yang tơtă boih kơ ih wă kơ ih gơh arih sot păng đei tơdrong pŭn hiôk tơ kơpal teh âu mă Kră Yang 'Bok Kei-Dei ih ăn kơ ih.

Hêbrơ 12:9

Mĕ 'bă pơjing bơ̆n tơ teh âu, sư kư̆m bơtho pơjĭ bơ̆n na bơ̆n băt chu yom kơ sư. Na 'nei 'Bă Tơm tơdrong arih bơhngol bơ̆n; bơ̆n athei chu yom kơ Sư rai loi, na bơ̆n gơh arih ling-lang.