Lêwi 19:17 - Sơ̆p Hlabơar Nơ̆r 'Bok Kei-Dei

¹⁷ 'Nĕ kơ đei jơhngơ̆m areh arĕnh kơ 'nhŏng oh bơ̆n, athei bơtho pơlung rông 'bôt ih, 'nĕ kơ ăn kơdih akâu puh yoch yua kơ lu sư pơm glăi.

Lêwi 19:17 Iomraidhean Croise

Bl 27:41

Êsâu đei jơhngơ̆m blĕk kơ Jakôp yua kơ 'bă sư sơkat ăn pŭn hiôk kơ Jakôp, sư tơchĕng lăm jơhngơ̆m đon sư khan: Năr 'bă inh lôch wă jê̆ boih, thoi noh, na inh gô pơlôch Jakôp, oh inh.

II Sam 13:22

Apsalôm blĕk dêh kơ Amnôn ưh pă đei gơh pơma nơ̆r ayơ 'lơ̆ng dah kơnê̆ hăm Amnôn, yua kơ Amnôn pơ'brơh kơ Tamar, oh drŏ-kăn sư.

Ne 13:17

Kơplah ei inh khă lu bơngai mơdrŏng lăm Juđa, khan kơ lu sư: Lu iĕm pơm tơdrong kơnê̆ kiơ âu? Mă pơm pơ'mê̆ kơ lăm năr Sa'bat.

Horiso 141:5

Ăn kơ bơngai tơpăt teh inh, chrih kơ inh hăm tơdrong 'lơ̆ng. Noh thoi tuh đak rơmă tơ kơ̆l inh; 'Nĕ ăn kơ inh sơngah kơ tơdrong noh. Yua kơ inh ngăl krao khan blah tơdrong kơnê̆ đe pơm.

Tơdrông Pơđơk 9:8

'Nĕ chrih bơtho bơngai juăt kơ blei hiap đe, kơnh sư hil kơ ih. Chrih bĕ kơ bơngai gơh hơgei, na sư gô 'mêm kơ ih.

Luka 17:3

Na iĕm athei kơchăng. Dah 'nhŏng oh iĕm pơm yoch kơ iĕm, lei iĕm athei bơtho khan kơ sư. Dah sư lung iĕm mơnat tơdrong yoch sư, lei iĕm 'nĕ pă jô̆ yo kơ sư.

Rom 1:32

Bơ̆n băt kơ ning-mônh 'Bok Kei-Dei wă phak dôm lu bơngai thoi noh ră, mă-lei bơ̆n kư̆m oei pơm khŏm khŏm thoi noh. Bơ̆n 'bôh đe pơm yoch thoi noh, bơ̆n khan tơdrong 'lơ̆ng tơdrong trŏ.

I Kor 5:2

Sư pơm thoi noh, liơ lu iĕm mơ'nah oei pơma pơang kơ đe khan iĕm oei lui kơjăp? Sư pơm thoi noh trŏ kơ iĕm ơh klai tơpă. Wă kơ mă trŏ iĕm athei pơpuh sư weh tơ nai đĕch 'lơ̆ng hloh.

Galati 6:1

Ơ 'nhŏng oh, dah iĕm 'bôh lu 'nhŏng oh bơ̆n bơngai lui pơm tơdrong yoch, na lu iĕm mă lui kơjăp, iĕm athei tơgŭm sư pơm mă 'lơ̆ng hŏ. Iĕm tơgŭm sư, iĕm kư̆m athei 'mêm mơnat kơ sư mơ̆n, 'nĕ hil kơ sư păng iĕm athei kơchăng akâu iĕm kơdih mơ̆n, hli kơ yang Satan kư̆m wă pơhlŭ pơlung iĕm.

Êphêsô 5:11

Iĕm 'nĕ pă kiơ̆ tơdrong măng mu, tơdrong noh tơdrong ưh kơ yua kơ bơ̆n. Bơ̆n athei tơbăt kơ đe tơdrong yoch noh mơ̆n.

I Tim 5:20

Bơngai bu pơm yoch tơpă ih athei pơma khă sư 'bơ̆t anăp đe tơpôl lu bơngai lui wă kơ lu bơngai lui kơchăng đon ưh kơ wă pơm yoch thoi bơngai 'noh dơ̆ng.

I Tim 5:22

Ih 'nĕ kơ hăt hot pel kơ̆l krao khan kơ đe wă ăn kơ đe wei-lăng bơngai lui. Ih athei gô pơlong lăng sư đunh 'mơ̆i. Dah ih hơloh pel kơ̆l krao khan kơ sư, na sư ưh tam tơchĕng đon hơdrol noh, hli kơ sư pơm yoch ning-mônh, dang lĕ ih athei sư pơm yoch. Ih athei pơm 'lơ̆ng tơpăt ling-lang.

Tit 1:13

Sư bơtho khan thoi noh trŏ tơpă. Na ih athei khă lu sư 'nĕ pă bơtho tơdrong kư̆ kă, wă kơ lu sư jah lui mă kơjăp.

Tit 2:15

Dôm tơdrong inh bơtho ih âu ih bơtho ăn kơ đe dơ̆ng hŏ. Păng ih pơlung lu sư lui mă kơjăp. Ih khă lu sư 'nĕ pă pơm yoch. Ih tơbăt ăn kơ lu sư dôm tơdrong ih bơtho đơ̆ng nơ̆r 'Bok Kei-Dei, na ih athei đĭ-đăng kơ lu sư pơm kiơ̆ tơdrong ih bơtho noh.

I Yo 2:11

Na dah bơngai bu hil areh kơ 'nhŏng oh sư, bơngai 'noh sư oei lăm măng mu khŏm khŏm. Sư yak nơnăm lăm măng mu. Sư ưh kơ băt trong sư wă năm tơ yơ kơlih kơ măng mu klơ̆p măt sư.

I Yo 2:9

Tơdrong pơkă 'noh thoi âu: Bơngai bu khan sư oei lăm tơdrong hơdah, sơmă oei hil areh kơ 'nhŏng oh sư ling-lang, bơngai 'noh oei lăm măng mu khơ̆ dang ei đĕch.