Lêwi 19:15 - Sơ̆p Hlabơar Nơ̆r 'Bok Kei-Dei

¹⁵ Lăm iĕm sek tơlang 'nĕ kơ pơm glăi tơdrong tơpăt. 'Nĕ kơ mơ̆t bơngai dơnuh hin dah bơngai pơm yŏng tih ôh, na athei sek tơlang tơpăt kơ bơngai rông 'bôt bơ̆n.

Lêwi 19:15 Iomraidhean Croise

Jop 13:8

Iĕm hăm wă pơdê Sư? Iĕm wă pơma dŏng Kră Yang 'Bok Kei-Dei ah?

Jop 32:21

Inh ưh kơ đei 'mêm kơ mah kah kơ hu ôh, Kŭm ưh kơ đei pôk hơtŏk bơngai ayơ.

Jop 34:19

Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

Horiso 82:2

“Lu iĕm gô sek tơlang ưh kơ tơpăt păng mơ̆t lu bơngai kơnê̆ dĭng dang yơ? Sêla

Le 18:21

Lei na rơih iŏk bĕ lăm kon pơlei dôm bơngai drŏ-nglo gơh hơgei hlôh wao, băt hli yom kơ Kră Yang 'Bok Kei-Dei mă tơpă, areh kơ tơdrong ưh kơ trŏ, na pôk lu sư pơm bơngai wei-lăng minh-rơbâu 'nu, minh-hrĕng 'nu, kơ pơđăm-jĭt 'nu, kơ mơjĭt 'nu bơngai.

Tơdrông Pơđơk 18:5

Ưh kơ trŏ ôh mơ̆t bơngai kơnê̆; Sek pơglăi lê̆ bơngai tơpăt.

Tơdrông Pơđơk 24:23

Nơ̆r 'nâu gơh đei lĕch đơ̆ng bơngai hơgei pơma; Sek tơlang 'nĕ kơ mơ̆t minh pah ưh kơ 'lơ̆ng.

Tơdrông Pơđơk 31:9

Pơih 'bơ̆r ih ha pơma sek mă tơpăt. Tơgŭm kiơ̆ kơ trŏ lăp kơ lu bơngai dơnuh hin, hăm bơngai pơmat-tat.

Lêwi 19:35

Lu iĕm 'nĕ kơ pơm glăi kơplah iĕm đei sek tơlang kơ đe, dah hơgăt tơdrong kiơ kơjung dah kơđeh, 'lơ̆ng dah kơnê̆, trăp dah hơiơch.

Yo 7:24

Iĕm 'nĕ kơ sek tơlang kiơ̆ kơ jơhngơ̆m iĕm pran. Iĕm athei sek tơlang mă tơpăt, athei tơchĕng mă tôm tơdrong hơdrol 'mơ̆i.”

Jang 23:3

Pôl pơma kơ 'bok soi tơm ei khan: “Ih athei đe tap inh, na 'Bok Kei-Dei gô tap ih mơ̆n, ih bơngai 'bơ̆r đak klak ŭnh. Ih sek tơlang tơdrong inh kiơ̆ kơ tơdrong juăt bơ̆n ră, mă-lei ih athei đe tap inh; ih pơm thoi noh ưh kơ trŏ kơ tơdrong juăt bơ̆n ôh. 'Noh ih dơ̆ng pơm yoch kơ tơdrong juăt bơ̆n.”

Both 1:17

Lăm tơdrong jang sek tơlang, lu iĕm 'nĕ kơ mơ̆t minh pah; athei mơ̆ng mă bơngai iĕ dah bơngai pơm tih, 'nĕ hli kơ bơngai bu, yua kơ tơdrong sek tơlang âu kiơ̆ kơ Kră Yang 'Bok Kei-Dei, tơdah đei tơdrong kiơ anat kơ lu iĕm, athei chông ba tơ inh, inh gô mơ̆ng lăm tơdrong noh.

Both 10:17

Yua kơ Kră Yang 'Bok Kei-Dei lu iĕm jơ̆ Kră Yang 'Bok Kei-Dei kơ lu yang păng yŏng kơ đĭ-đăng lu yŏng, wă khan Kră Yang 'Bok Kei-Dei Tih Hloh, mơsêh mơyang păng trŏ kơ hli yom. Sư ưh kơ pơdê bơngai bu, kư̆m ưh kơ đei pơgâm sa bu.

Both 16:19

'Nĕ kơ pơm glăi kơ tơdrong tơpăt; 'nĕ kơ mơ̆t minh pah; 'nĕ kơ sa tơmam đe răt apah, yua kơ tơmam đe răt apah noh pơm ăn kơ lu bơngai rơngei măt tol păng gơwĕch lê̆ nơ̆r bơngai tơpăt.

Both 27:19

Hiap pơtê̆ bĕ kơ bơngai bu sek ưh kơ tơpăt kơ lu bơngai tơmoi, lu bơngai mơti păng lu yă adro! Đĭ-đăng kon pơlei gô khan: A-men!