Lêwi 18:8 - Sơ̆p Hlabơar Nơ̆r 'Bok Kei-Dei

⁸ 'Nĕ kơ hưch pơm kư̆ kă hăm akăn 'bă ih; tơdrong noh pơm mơlâu pơ'brơh kơ 'bă ih.

Lêwi 18:8 Iomraidhean Croise

Bl 35:22

Kơplah, lu đe Isơrael oei tơ dêh noh, na Rubên đei năm 'bĭch hơdai Bila, akăn kơnhŏng 'bă sư; Isơrael băt tơdrong noh.

Bl 49:4

Kon nhen thoi đak poh-yă, na e pă đei tih hloh boih. Yua kơ kon tŏk tơ giơng 'bă, E tŏk kơpal giơng 'bă pơm mơgrĭ kơnê̆ noh!

Êsêkiên 22:10

Lăm ih đei bơngai 'bĭch hăm akăn 'bă sư; đei bơngai pơm kơnê̆ hăm drŏ-kăn kơplah oei 'bôh hơbĕn.

Lêwi 20:11

Tơdah bơngai bu mă 'bĭch hăm akăn 'bă sư kơdih, noh jơ̆ pơm mơlâu pơ'brơh kơ 'bă sư. Bre sư pơm kư̆ kă noh đe gô pơlôch đĭ, pham lu sư gô tuh tơ kơ̆l lu sư kơdih.

Am 2:7

Lu sư pơjuă lê̆ kơ̆l lu bơngai dơnuh hin tơ teh păng pơm kơ trong lu bơngai iơ̆m dim đŏng đĕo. 'Bă kon kư̆m ngôi kư̆ kă hăm minh 'nu drŏ-kăn, thoi noh pơm pơ'mê̆ kơ anăn 'lơ̆ng rơgoh Inh.

I Kor 5:1

Nhôn kơtơ̆ng ang minh 'nu bơngai lăm lu iĕm pơm kư̆ kă dêh pơm hloh kơ đe, mă lu bơngai ưh kơ lui kư̆m ưh kơ lah mah pơm thoi noh mơ̆n; na bơngai noh đe khan sư oei kơ duch sư đêl akăn 'bă sư.

Both 22:30

Ưh kơ đei bơngai bu gơh iŏk oei đêl akăn kơnhŏng 'bă sư pơm pơ'brơh kơ 'bă sư.

Both 23:1

Bơngai drŏ-nglo krĕo, kăt trong hơyô dah pơchah bŏng ưh kơ gơh mơ̆t lăm khŭl kon pơlei Kră Yang ôh.

Both 27:20

Hiap pơtê̆ bĕ kơ bơngai bu 'bĭch hơdai hăm akăn kơnhŏng 'bă sư kơdih; bơngai 'noh pơm pơ'brơh kơ 'bă sư kơdih! Đĭ-đăng kon pơlei gô khan: A-men!