Lêwi 18:26 - Sơ̆p Hlabơar Nơ̆r 'Bok Kei-Dei

²⁶ Gah lu iĕm, kon pơlei kơtă dah đơ̆ng tơmoi oei hơdai lu iĕm, athei bơwei răk khôi juăt păng nơ̆r Inh tơtă 'nĕ kơ pơm minh tơdrong kơnê̆ chư̆ tơdrong mă Inh areh,

Lêwi 18:26 Iomraidhean Croise

I Pot 14:24

Đei lu drŏ-kăn ngôi kư̆ kă pơm đi oei tơ lăm char 'noh, lu sư pơm tơdrong yoch kơnê̆ krưp dêh thoi lu adrĕch adrung mă Kră Yang areh pơpuh tơweh lê̆ bơih đơ̆ng anăp lu bơngai Isơrael.

Lêwi 17:10

Tơdah bơngai bu mă đơ̆ng lăm adrĕch Isơrael, dah bơngai tơmoi oei hăm sư, sa pham kiơ bưh, lei Inh gô iung hil mĭl kơ bơngai sa pham noh, Inh gô puh tơhiong lê̆ sư đơ̆ng bơngai Isơrael sư.

Lêwi 17:8

Thoi noh ih athei khan kơ lu sư: Tơdah bu mă lăm bơngai Isơrael, dah bơngai tơmoi oei lăm lu kon pơlei, sư pơyơ̆r minh pôm tơmam soi 'buh dah pơyơ̆r tơmam soi kiơ,

Lêwi 18:25

Teh âu, yua kơ lu sư na kơnê̆ 'mê̆-'mach boih, Inh gô phak tơdrong kơnê̆ lu sư, teh gô hăk tơlĕch lê̆ kon pơlei sư.

Lêwi 18:27

yua kơ dôm tơdrong kơnê̆ 'mê̆ brư̆ Inh areh noh, lu bơngai oei lăm char âu hlôi pơm, lu bơngai mă oei adrol kơ lu iĕm, yua kơ thoi noh na char âu jing kơnê̆ 'mê̆-'mach boih;

Lêwi 18:30

Thoi noh na lu iĕm athei wei răk bĕ tơdrong Inh tơtă, 'nĕ kơ pơm ôh minh lăm tơdrong juăt kơnê̆ mă Inh areh âu, mă lu oei adrol kơ iĕm lu sư pơm boih păng lu iĕm 'nĕ yua tơdrong kơnê̆ noh na pơm kơ iĕm jing kơnê̆ 'mê̆-'mach, Inh boih Kră Yang 'Bok Kei-Dei lu iĕm.

Lêwi 18:5

Thoi noh lu iĕm athei wei răk tơdrong juăt Inh păng nơ̆r Inh tơtă, bu mă pơm kiơ̆ tơdrong noh, sư gô arih, Inh boih Kră Yang.

Luka 11:28

Mă-lei Yêsu khan: “Bơngai bu mơ̆ng nơ̆r 'Bok Kei-Dei păng pơm kiơ̆, sư boih hiôk hloh.”

Luka 8:15

Lu găr mă huŏng tơ teh 'lơ̆ng wă pơtih gia kơ lu bơngai kơtơ̆ng đe bơtho nơ̆r 'Bok Kei-Dei na kiơ̆ hloi kơjăp hăm pơm 'lơ̆ng tơpăt. Sư kư̆m adrin lui khŏm khŏm pơyua tơdrong jang 'Bok Kei-Dei tơpă.”

Yo 14:15

“Dah iĕm 'mêm kơ Inh, lei iĕm chu dôm tơdrong Inh pơkă hŏ,

Yo 15:14

Dah iĕm răk dôm tơdrong Inh pơkă lei iĕm buăl juăt Inh tơpă.

Both 12:32

Lu iĕm athei kơchăng; pơm kiơ̆ mă trŏ thoi noh 'nĕ kơ hŭt dah pơthim kiơ.

Both 4:40

Wei răk bĕ dôm lu khôi juăt păng nơ̆r tơtă đơ̆ng Sư, tơdrong mă inh bơtho boih kơ iĕm năr 'nâu, wă kơ iĕm păng kon sâu iĕm gơh đei hiôk-hian wă kơ lu iĕm oei arih sot lăm dêh Kră Yang 'Bok Kei-Dei iĕm ăn kơ iĕm ling-lang truh ning-mônh.