Biblia Todo Logo
Bìoball air-loidhne

- Sanasan -




Lêwi 18:25 - Sơ̆p Hlabơar Nơ̆r 'Bok Kei-Dei

25 Teh âu, yua kơ lu sư na kơnê̆ 'mê̆-'mach boih, Inh gô phak tơdrong kơnê̆ lu sư, teh gô hăk tơlĕch lê̆ kon pơlei sư.

Faic an caibideil Dèan lethbhreac




Lêwi 18:25
25 Iomraidhean Croise  

Dôm tơdrong sư pơm kơ Kră Yang areh dêh, sư kơkuh kơ rup yang thoi lu bơngai Amôrit kơkuh, lu sư noh kon pơlei pơla mă Kră Yang pơpuh tơlĕch bơih lu sư đơ̆ng anăp lu bơngai Isơrael.


Ih đei tơtă kơ lu 'bok khan lê̆ adrol, đĭch đam Ih, khan kơ lu nhôn: Dêh char mă lu iĕm wă mơ̆t iŏk noh, jơ̆ minh pôm dêh 'mê̆-'mach, yua kơ đơ̆ng kon pơlei oei tơ noh pơm yoch boih păng đơ̆ng tơdrong lu sư kơkuh kơ yang mă Inh areh tơ jơ̆p-jang kơ dêh noh đơ̆ng pah âu truh tơ pah to.


Tuh pham tơdrong ưh kơ đei. Pham lu kon drŏ-nglo drŏ-kăn sư kơdih. Lu sư pơm tơmam soi ăn kơ rup yang char Kanaan; Na, char noh jing 'mê̆ kơnê̆ yua kơ pham noh.


Na Inh gô yua sơnguĕt teh bơtho tơdrong lu sư pơm glăi. Păng teh bơtho lu sư yua kơ tơdrong kơnê̆ lu sư.


Teh đak âu jing kơnê̆ 'mê̆ mach, đơ̆ng kon pơlei pơm yoch. Ưh kơ kiơ̆ khôi juăt, pơm yoch hăm nơ̆r tơtă, pơm glăi hăm tơdrong pơgơ̆p ling-lang.


Lăng to, Kră Yang lĕch đơ̆ng anih Sư jur wă phak kon bơngai oei kơpal teh âu, yua kơ tơdrong yoch lu sư. Kơplah noh kơnh teh gô pơdah tơ'bôh pham đêl lu đe pơlôch păng ưh kơ gơh ôn dơ̆ng lu bơngai đêl đe pơlôch.


Kră Yang khan gah kon pơlei 'nâu: “Lu sư 'maih kơdâu tơklah thoi noh, ưh kơ băt pơkơ̆ng jơ̆ng lu sư; Na Kră Yang ưh kơ sơng iŏk lu sư; Dang ei, Kră Yang 'blŏk kơ tơdrong kơnê̆ lu sư, Kră Yang wă phak lu sư đơ̆ng pơm yoch.”


Inh gô pơm 'mong kơ lu sư 'bar wơ̆t hloh, tơdrong yoch kơnê̆ lu sư pơm, yua kơ lu sư pơm 'mê̆-'mach kơ teh đak păng tơdrong jang Inh 'bĕnh hăm akâu lôch lu tơmam Inh areh,


Inh chông ba iĕm mơ̆t lăm teh đak mơ̆r 'lơ̆ng, ăn kơ iĕm yua sa plei 'long păng yua iŏk lu tơmam sa 'lơ̆ng. Mă-lei lăp 'nao truh lu iĕm pơm pơ'mê̆ hloi kơ teh đak Inh, pơm kơ dôm tơdrong Inh pơjing đe lăng krưp.


Thoi noh na, Kră Yang, 'Bok Kei-Dei bơngai Isơrael khan kơ lu bơngai wei triu, wei-lăng kon pơlei Inh. “Lu iĕm pơm kơ triu Inh tơklah tơklang, pơpuh tơweh tơ nai ưh kơ wei rong lu sư, Kră Yang khan. 'Nâu Inh gô phak lu iĕm yua kơ tơdrong kơnê̆ iĕm pơm.”


Kră Yang khan: “Lei na Inh ưh kơ sek tơlang phak lu sư kơ tơdrong noh hă? Hăm kon pơlei thoi noh lei na Inh ưh kơ sek tơpăt hă?


Kră Yang khan: “Lei na Inh ưh kơ hil kơ lu sư yua kơ tơdrong noh hă? Hăm adrĕch adrung thoi noh na Inh wă ưh kơ pơm tơdrong tơpăt hă?


Kră Yang khan: “Inh ưh kơ phak lu sư hă kơ tơdrong âu? Na Inh ưh iung kơting hă kơ lu dêh char thoi âu?”


Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.


Mă khan lu sư soi pơyơ̆r kơ Inh, păng sa sĕch 'nhĕm noh, Kră Yang ưh kơ hiôk ôh kơ lu sư. Na Kră Yang 'blŏk kơ tơdrong kơnê̆ đêl lu sư pơm, păng gô phak pơjĭ lu sư yua kơ tơdrong yoch lu sư pơm; lu sư gô wih brŏk tơ dêh Êyiptơ.


Khŭl Isơrael pơ̆k huŏng răm jrŭ dêh tơpă lăm tơdrong kơnê̆, kư̆m dang tơdrong kơnê̆ lăm pơlei Gibêah. Kră Yang gô 'blŏk kơ tơdrong kơnê̆ lu sư, na gô phak pơbral lu sư yua kơ tơdrong yoch lu sư.


Gah lu iĕm, kon pơlei kơtă dah đơ̆ng tơmoi oei hơdai lu iĕm, athei bơwei răk khôi juăt păng nơ̆r Inh tơtă 'nĕ kơ pơm minh tơdrong kơnê̆ chư̆ tơdrong mă Inh areh,


thoi noh 'nĕ pơm kơ teh đak jing kơnê̆ 'mê̆-'mach, kơnh hli kơ teh đak gô hăk tơlĕch lê̆ lu iĕm, thoi đei hăk lê̆ bơih kon pơlei mă oei tơ lăm char âu adrol kơ lu iĕm.


Bơ̆n băt lu tơmam 'Bok Kei-Dei pơjing noh kư̆m hơdai pơmat-tat đơ̆ng sơ̆ khơ̆ dang ei, lu sư dang lĕ kơ bơngai drŏ-kăn jĭ anăp wă tơpŭ.


Yua kơ Kră Yang areh păng lăng krưp dêh lu bơngai bu bơ̆jang pơm tơdrong noh păng yua kơ đĭ dôm tơdrong jang kơnê̆ krưp noh, na Kră Yang 'Bok Kei-Dei iĕm pơpuh lê̆ đĭ lu adrĕch adrung lu đe noh đơ̆ng 'bơ̆t anăp iĕm.


atâu sư 'nĕ kơ lê̆ kơpal gơ̆ng 'long noh truh minh măng, athei 'bŭ lăm năr noh hloi, yua bơngai đe hrek atol noh Kră Yang 'Bok Kei-Dei hiap pơtê̆ boih, na iĕm 'nĕ kơ pơm 'mê̆-'mach kơ teh đak iĕm mă Kră Yang 'Bok Kei-Dei ăn kơ iĕm jang sa.


Iĕm mơ̆t iŏk dêh đơ̆ng lu adrĕch âu ưh kơ sĭ yua kơ đơ̆ng tơdrong iĕm pơm 'lơ̆ng tơpăt ôh, dah kiơ̆ tơnăp ưh ôh, mă-lei yua kơ đơ̆ng tơdrong yoch kơnê̆ lu sư, na Kră Yang 'Bok Kei-Dei blah puh lê̆ lu sư đơ̆ng anăp iĕm, wă pơsĭt kơ nơ̆r sư pơkă pơkăm hăm lu 'bok iĕm Abraham, Isăk păng Jakôp.


Lean sinn:

Sanasan


Sanasan