Lêwi 18:21 - Sơ̆p Hlabơar Nơ̆r 'Bok Kei-Dei

²¹ 'Nĕ kơ pơyơ̆ra kon hơ'lơ̆p ih kơ yang Mơlŏk, b 'nĕ kơ pơm 'mê̆-'mach kơ anăn Kră Yang 'Bok Kei-Dei ih, inh bơih Kră Yang.

Lêwi 18:21 Iomraidhean Croise

I Pot 11:33

Inh pơm thoi noh yua kơ sư achăng lê̆ Inh năm kơkuh kơ Astoret yang drŏ-kăn lu bơngai Siđôn, Kêmôs yang lu bơngai Môap, Milkôm yang lu bơngai Ammôn, sư ưh pă năm kiơ̆ trong Inh, ưh pă pơm 'lơ̆ng 'bơ̆t anăp Inh, păng kư̆m ưh kơ wă răk tơdrong juăt Inh păng nơ̆r Inh tơtă thoi Đawit, 'bă sư đei pơm.

I Pot 11:7

Kơpal groi gah hơlĕch kơ pơlei Jêrusalem Sôlômôn man minh pôm hnam kơ Kêmôs yang lu bơngai Môap păng kơ yang Môlek yang lu bơngai Ammôn.

II Pot 16:3

Mă-lei sư năm kiơ̆ trong lu pơtao đe Isơrael, sư pơyơ̆r kon drŏ-nglo sư pơm tơmam soi 'buh pơkhôi, pơm tơdrong kơnê̆ 'mê̆-'mach thoi lu adrĕch adrung nai đei pơm, mă Kră Yang 'Bok Kei-Dei puh lê̆ lu sư đơ̆ng lu bơngai Isơrael.

II Pot 17:31

lu bơngai Awit pơm rup yang Niphas păng Tartak lu bơngai Sêpharwaim soh kon lu sư lăm ŭnh sơmah kơ yang Adrammelek păng yang Anamêlek, lu bơngai Sêpharwaim đei 'bar tŏ yang noh.

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

II Pot 23:10

Pơtao kư̆m pơm pơ'mê̆ lê̆ anih Tôphêt lăm Thŭng Ben Hinôm, wă kơ đơ̆ng âu tơ anăp, ưh kơ đei bu gơh soh pơyơ̆r kon drŏ-nglo dah kon drŏ-kăn sư soi sơmah kơ yang Mơlek.

II Ho 28:3

Sư soh pơyơ̆r tơmam 'bâu phu lăm Thŭng Ben Hinôm păng 'buh pơyơ̆r lu kon drŏ-nglo sư kơdih lăm ŭnh pơm tơmam soi, kiơ̆ kơ tơdrong kơnê̆ krưp dêh tơpă lu kon pơlei mă Kră Yang puh tơweh lê̆ lu sư đơ̆ng anăp lu bơngai Isơrael.

Je 19:5

Lu sư man pơdơ̆ng anih kơjung kơ yang Baal; 'buh kon hơ'lơ̆p pơm tơmam soi pơyơ̆r ăn kơ yang Baal, noh tơdrong mă Inh ưh kơ đei bơtho athei lu sư, Inh kư̆m ưh kơ đei tơchĕng.’ ”

Je 32:35

Lu sư man pơdơ̆ng boih anih tih kơjung kơ yang Baal lăm Thŭng Ben Hinôm, wă pơyơ̆r kơ yang Mơlek lu kon drŏ-nglo kon drŏ-kăn lu sư, noh tơdrong mă Inh ưh kơ đei bơtho; Inh ưh kơ đei tơchĕng. Lu sư mă đei pơm tơdrong kơnê̆ 'mê̆-'mach thoi noh na pơm kơ adrĕch Juđa yoch.

Je 7:31

Lu sư man dơ̆ng anih kơjung tơ Tôphet, lăm Thŭng Ben Hinôm, wă 'buh pơyơ̆r kon drŏ-nglo drŏ-kăn lăm ŭnh; tơdrong noh Inh ưh kơ đei bơtho tơtă, Inh kư̆m ưh kơ tơchĕng mơ̆n tơdrong noh.

Êsêkiên 20:26

Inh pơm kơ tơdrong lu sư soi pơyơ̆r kon kơdră lu sư jing kơnê̆ 'mê̆-'mach đơ̆ng tơmam soi noh Inh pơm kơ lu sư hli krưp, wă kơ lu sư băt inh boih Kră Yang.

Êsêkiên 20:31

Kơplah lu iĕm pơyơ̆r tơmam soi, pơyơ̆r kon drŏ-nglo soh hăm ŭnh, kơdih lu iĕm pơm kơnê̆ 'mê̆-'mach kơkuh kơ rup yang truh tơ dang ei? Ơ adrĕch Isơrael, Inh ưh kơ lê̆ lu iĕm krao apinh Inh. Kră Yang khan: Thoi Inh mă arih ling-lang, Inh ưh kơ ăn lu iĕm krao apinh Inh.

Êsêkiên 23:37

Lu sư pơm yoch pơm pơyô kư̆ kă păng ti lu sư 'bơm pham; lu sư pơm yoch ngôi pơyô kư̆ kă hăm lu rup yang; păng pơyơ̆r kon lu sư, kon mă lu sư tơpŭ ăn kơ Inh, pơm tơmam sa ăn kơ rup yang.

Lêwi 19:12

Lu iĕm 'nĕ kơ yua anăn Inh na pơkă hơlĕnh, yua kơ ih pơm kơnê̆ kơ Kră Yang 'Bok Kei-Dei ih, Inh boih Kră Yang.

Lêwi 21:6

Lu sư athei arih 'lơ̆ng rơgoh kơ Kră Yang 'Bok Kei-Dei, 'nĕ kơ pơm mơgrĭ kơ Anăn Kră Yang 'Bok Kei-Dei lu sư; yua kơ lu sư pơyơ̆r kơ Kră Yang dôm tơmam pơyơ̆r soh hăm ŭnh, wă khan pơyơ̆r 'bĕng tơmam sa kơ Kră Yang, yua kơ noh lu sư jing 'lơ̆ng rơgoh.

Lêwi 22:2

Khan bĕ kơ Arôn păng lu kon drŏ-nglo sư, wă kơ lu sư kơchăng pơm mă 'lơ̆ng lu tơmam pơyơ̆r kon pơlei Isơrael, mă đei 'măn pơyơ̆r pơm rơgoh ăn kơ Inh, wă kơ lu sư huay kơ pơm kơnê̆ 'mê̆-'mach kơ anăn 'lơ̆ng rơgoh Inh, Inh boih Kră Yang.

Lêwi 22:32

'Nĕ pơm 'mê̆-'mach kơ anăn 'lơ̆ng rơgoh Inh, na Inh đei tơdrong 'lơ̆ng rơgoh lăm kon pơlei Isơrael, Inh boih Kră Yang Tơ'ngla pơm kơ iĕm jing rơgoh.

Lêwi 24:15

Păng khan bĕ kơ kon pơlei pơla Isơrael, bơngai hiap Kră Yang 'Bok Kei-Dei sư gô pŭ iŏk tơdrong phak đơ̆ng tơdrong yoch sư kơdih.

Am 2:7

Lu sư pơjuă lê̆ kơ̆l lu bơngai dơnuh hin tơ teh păng pơm kơ trong lu bơngai iơ̆m dim đŏng đĕo. 'Bă kon kư̆m ngôi kư̆ kă hăm minh 'nu drŏ-kăn, thoi noh pơm pơ'mê̆ kơ anăn 'lơ̆ng rơgoh Inh.

Am 5:26

Tă tơ, lu iĕm tung hnam bơsŭn pơtao iĕm, bơwei rup yang iĕm man păng yang sơnglŏng mă lu iĕm đei man kơdih.

Mi 6:7

Hăm trŏ Kră Yang lăp đon rơbâu tŏ triu tơno, dah hơngan glung đak rơmă ôliwơ ưh? Hăm trŏ inh pơyơ̆r kon kơdră inh yua kơ inh pơm glăi păng plei đơ̆ng blu pôih inh yua kơ tơdrong yoch hăm bơhngol inh?

Malachi 1:12

Mă-lei lu iĕm pơma kơnê̆ 'mê̆ brư̆ kơ anăn Inh boih khan: “Gơ'bang soi Kră Yang 'mê̆-'mach, tơmam soi kơpal gơ'bang noh trŏ kơ pơjăm.”

Jang 7:43

Iĕm tung ba hnam yang Malŏk noh, păng rup sơnglŏng yang Rapan; dôm lu rup âu iĕm pơm kơdih wă kơkuh kơ sư đĕch, na Inh gô pơpuh lê̆ iĕm jăk oei tơ pah to Pơlei Babilôn.’

Rom 1:23

'Bok Kei-Dei mơsêh mơyang tih-tin arih ling-lang mă kuă kơ kơkuh kơ Sư, na man kơdih rup kon bơngai rup sem brem, noh boih kơkuh khan yang.

Rom 2:24

Tơdrong noh 'blep thoi sơ̆p hla bơar 'Bok Kei-Dei sơ̆ khan thoi âu: “Lu bơngai tơmoi nai pơjăm 'Bok Kei-Dei yua kơ lu bơngai Juđê ưh kơ kiơ̆ tơdrong juăt 'Bok Kei-Dei pơkă.”

Both 12:31

'Nĕ kơ bơ̆jang kơkuh kơ Kră Yang 'Bok Kei-Dei iĕm thoi noh, yua kơ lu sư đei pơm boih dôm tơdrong kơnê̆ krưp Kră Yang areh hloh kơ noh đơ̆ng lu sư soh pơyơ̆r kon drŏ-nglo kon drŏ-kăn lu sư kơdih tơ ŭnh pơm tơmam soi 'buh arih kơ yang kơnê̆.

Both 18:10

Mă-lei iĕm 'nĕ kơ đei bơngai bu pơyơ̆r kon drŏ-nglo kon drŏ-kăn sư 'buh arih pơm tơmam soi, kơ yang, 'nĕ kơ pơm bơngai chă tơng lăng, bơngai mă juăt lăng sơnglŏng khan lê̆ adrol tơdrong wă truh, bơngai pơjâu tơwir,