Lêwi 17:4 - Sơ̆p Hlabơar Nơ̆r 'Bok Kei-Dei

⁴ na ưh kơ dui ba tơ 'măng Bơsŭn Anih Akŭm, wă pơyơ̆r kơ Kră Yang 'bơ̆t anăp Bơsŭn Anih Akŭm kơkuh kơ Kră Yang, pham noh gô tuh tơpŭ tơdrong yoch kơ bơngai drŏ-nglo noh; sư 'bet tuh pham bơih; đe gô tơlĕch sư đơ̆ng kon pơlei Isơrael.

Lêwi 17:4 Iomraidhean Croise

Bl 17:14

Rim 'nu drŏ-nglo mă ưh kơ chu kăt tơdra sĕch akar sư kơdih, gô tơlĕch lê̆ sư đơ̆ng khŭl adrĕch sư; bơngai noh sư sơngah kơ nơ̆r Inh pơgơ̆p pơkă.”

Horiso 32:2

Pŭn dêh kơ bu mă Kră Yang huay kơ jô̆ kơnê̆, Păng lăm jơhngơ̆m ưh kơ đei hơlĕnh!

Le 12:15

Lăm tơpơh năr athei sa 'bĕng ưh kơ đei 'buih pông Lăm năr blŭng-a, athei iŏk hŭt lê̆ 'buih đơ̆ng lăm hnam lu iĕm; tơdah bơngai bu sa 'bĕng đei păng 'buih pông đơ̆ng năr blŭng-a mă truh tơ năr tơpơh, lei đe gô puh tơweh bơngai 'noh đơ̆ng lu bơngai Isơrael.

Le 12:19

Lăm tơpơh năr 'nĕ ăn đei 'buih pông tơ hnam lu iĕm; yua kơ bơngai bu, bơngai dêh iĕm, tơdah bơngai tơmoi bu sa 'bĕng đei 'buih pông gô puh tơweh sư đơ̆ng bơngai Isơrael.

Le 30:33

Tơdah bơngai bu pơm rok pơgang 'bâu phu nhen thoi noh na tuh hling tơ minh bơngai nai, đe gô puh jăk đơ̆ng kon pơlei pơla sư.

Le 30:38

Tơdah bơngai bu pơm nhen thoi noh wă yua kơdih akâu 'bâu phu, đe gô puh tơweh lê̆ sư đơ̆ng kon pơlei Isơrael.

Êsai 66:3

Mă-lei bơngai bu pơlôch minh pôm kon rơmo soi sơmah, kư̆m thoi pơlôch minh 'nu bơngai; bu soi sơmah hăm minh pôm kon triu kư̆m thoi gơ̆ hơko minh pôm kŏ bu pơyơ̆r tơmam soi phe 'ba kư̆m thoi pơyơ̆r pham nhŭng; bu soh tơmam 'bâu phu kư̆m thoi kơkuh kơ rup yang. Lu bơngai noh rơih bơih trong lu sư kơdih, jơhngơ̆m lu sư 'maih wă pơm tơdrong jang krưp kơnê̆,

Êsêkiên 20:40

Kră Yang khan: Tơ kơpal kông rơgoh Inh, tơ kơpal kông Isơrael, tơ noh đĭ adrĕch Isơrael, đĭ-đăng kơ lu sư lăm dêh char gô awih awăn kơ Inh. Tơ noh Inh gô sơng iŏk lu sư; Inh gô iŏk tơmam pơyơ̆r păng tơmam pơyơ̆r plei blŭng-a, hăm tơmam soi 'lơ̆ng rơgoh lu sư.

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Lêwi 17:10

Tơdah bơngai bu mă đơ̆ng lăm adrĕch Isơrael, dah bơngai tơmoi oei hăm sư, sa pham kiơ bưh, lei Inh gô iung hil mĭl kơ bơngai sa pham noh, Inh gô puh tơhiong lê̆ sư đơ̆ng bơngai Isơrael sư.

Lêwi 17:14

Yua kơ tơdrong arih đĭ-đăng lu kon sem brem lăm pham ngăl, yua kơ thoi noh na Inh khan boih kơ đĭ-đăng kon pơlei Isơrael, lu iĕm ưh kơ gơh sa pham dôm lu kon sem brem, yua kơ tơdrong arih lu sem brem noh jơ̆ lăm pham sư, bu sa đe gô puh tơweh lê̆ sư.

Lêwi 17:3

Tơdah minh 'nu bơngai drŏ-nglo, đơ̆ng lăm hnam Isơrael koh pơlôch minh pôm rơmo, minh pôm kon triu dah minh pôm bơbe lăm anih kơđông dah 'nguaih kơ anih kơđông,

Lêwi 17:5

Tơdrong noh wă kơ kon pơlei Isơrael iŏk tơmam soi lu sư mă đei 'bet pơlôch tơ bri tơ mir, na anhăk ba kơ 'bok soi, 'bơ̆t anăp Kră Yang tơ 'măng Bơsŭn Anih Akŭm. Wă 'bet pơyơ̆r soi sơmah kơ tơdrong 'blŏk bơnê kơ Kră Yang.

Lêwi 17:9

na ưh kơ chĕp ba tơ 'măng Bơsŭn Anih Akŭm wă pơyơ̆r kơ Kră Yang, lei bơngai noh đe gô puh tơweh sư đơ̆ng kon pơlei Isơrael.

Lêwi 18:29

Yua kơ adrĕch bu pơm minh lăm dôm lu tơdrong kơnê̆ mă Inh areh noh, đe gô puh tơweh sư lĕch đơ̆ng kon pơlei lu sư.

Lêwi 20:16

Tơdah bơngai drŏ-kăn năm 'bĭch pơm kư̆ kă hăm kon sem brem ih athei pơlôch lê̆ bơngai drŏ-kăn hăm kon sem brem noh hloi. Pham lu sư gô tuh tơ lu sư kơdih.

Lêwi 20:18

Tơdah bơngai drŏ-nglo 'bĭch hăm bơngai drŏ-kăn kơplah oei 'bôh jơ̆ng; bơngai drŏ-nglo pơm kơ pham bơngai drŏ-kăn lĕch, na bơngai drŏ-kăn tơlĕch pham sư kơdih, 'bar 'nu sư noh, đe gô puh tơlĕch weh đơ̆ng kon pơlei lu sư.

Lêwi 20:3

Inh kơdih gô hil mĭl kơ bơngai noh păng pơtôch lê̆ sư đơ̆ng kon pơlei pơla sư, yua kơ sư jao kon hơ'lơ̆p sư kơ yang Mơlŏk, pơm kơ anih 'lơ̆ng rơgoh Inh jing kơnê̆ 'mê̆-'mach păng pơ'mê̆ kơ anăn 'lơ̆ng rơgoh Inh.

Lêwi 3:2

Sư gô dan ti sư tơ kơpal kơ̆l kon rơmo mă sư pơyơ̆r noh na 'bet pơlôch hloi, 'bơ̆t 'măng tơm mơ̆t tơ Bơsŭn Anih Akŭm. Lu 'bok soi kon drŏ-nglo Arôn gô tơtraih pham noh tăp dăr kơ chơnang soi.

Lêwi 7:18

Tơdah bu sa 'nhĕm soi noh lăm năr mă pêng, Kră Yang ưh kơ lăp ôh kơ bơngai pơyơ̆r păng Kră Yang kư̆m lăng ưh kơ yua kiơ kơ sư mơ̆n; noh jing tơmam soi Kră Yang areh, na bu sa tơmam noh gô pŭ iŏk tơdrong kư̆ kă sư.

Yo 10:7

Thoi noh Yêsu bơtho kơ lu sư thoi âu dơ̆ng: “Inh khan kơ iĕm tơpăt, triu wă mơ̆t lăm hơdrong, sư athei mơ̆t trong 'măng. Na Inh thoi 'măng hơdrong, lu bơngai wă oei păng 'Bok Kei-Dei, lu sư athei mơ̆t trong Inh, noh wă khan athei lui kơ Inh.

Yo 10:9

Inh thoi 'măng hơdrong, bơngai bu mơ̆t trong Inh, lui kơ Inh, sư gô klaih đơ̆ng tơdrong yoch. Sư gơh mơ̆t păng gơh lĕch chă sa ưh kơ hli tơdrong kiơ.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Rom 4:6

Tơdrong 'bok Đawit sơ̆ kư̆m thoi noh mơ̆n. 'Bok Đawit khan dôm lu bơngai mă ưh kơ gơnang kơ akâu sư kơdih wă kiơ̆ tơdrong juăt 'Bok Kei-Dei pơkă, mă-lei gơnang kơ 'Bok Kei-Dei, 'Bok Kei-Dei kư̆m mơnat jô̆ lu sư bơngai 'lơ̆ng tơpăt na lu bơngai noh hiôk tơpă. Tơdrong sư pơma noh sơ̆ thoi âu:

Rom 5:13

Hơdrol kơ 'Bok Kei-Dei athei Môis chih tơdrong juăt Sư pơkă sơ̆, kon bơngai đĭ hlôi pơm yoch boih, mă-lei 'Bok Kei-Dei huay kơ jô̆ yo ôh, yua kơ Sư tam mă ăn kơ bơ̆n tơdrong juăt Sư pơkă noh.

Rom 5:20

'Bok Kei-Dei pơkă kơ bơ̆n tơdrong juăt Sư sơ̆, Sư wă tơbăt kơ bơ̆n đei tơdrong yoch tih; Sư 'bôh bơ̆n đei tơdrong yoch tih na Sư 'mêm kơ bơ̆n rai dêh.

Both 21:8

Kơkuh kơ Ih ơ Kră Yang apinh Ih mơnat ăn tơdrong yoch kon pơlei pơla Ih Isơrael mă Ih huai iŏk boih; apinh 'nĕ kơ jô̆ pham ưh kơ đei tơdrong yoch âu kơ kon pơlei Ih! Lei tơdrong yoch tuh pham âu gô huai iŏk.