Lêwi 16:4 - Sơ̆p Hlabơar Nơ̆r 'Bok Kei-Dei

⁴ Sư gô hrŭk ao tai che hơtăng rơgoh păng hơbĕn che, tơ̆n tơlei tơ̆n che păng yơ̆l môk che tơ kơ̆l sư, noh jơ̆ hơbĕn ao 'lơ̆ng rơgoh mă-lei sư gô hrŭk đang kơ sư hum.

Lêwi 16:4 Iomraidhean Croise

Le 28:2

Ih athei pơhrŭk ăn kơ Arôn 'nhŏng ih ao rơgoh 'lơ̆ng, wă kơ pơyom ư-ang.

Le 29:4

Thoi noh, ih athei chông Arôn hăm lu kon drŏ-nglo sư năm 'bơ̆t anăp 'măng Bơsŭn Anih Akŭm, ih iŏk đak tuh hum lu sư,

Le 30:20

Kơplah sư mơ̆t tơ lăm Bơsŭn anih akŭm lu sư ôp hơrao jơ̆ng ti, na lu sư huay kơ lôch; păng kơplah năm jê̆ chơnang soi wă 'buh tơmam soi yua ŭnh soh pơyơ̆r kơ Kră Yang, lu sư athei wei răk thoi noh.

Le 40:12

Đang kơ noh, ih chông Arôn hăm lu kon drŏ-nglo sư năm jê̆ 'bơ̆t 'măng Bơsŭn Anih Akŭm, na tuh hum lu sư.

Êsai 53:2

Sư wơ̆ kơjung 'bơ̆t anăp Kră Yang thoi lĕ minh pôm 'long 'lơ̆p chăt bluh đơ̆ng rơh lăm teh hrĕng kro. Sư ưh kơ đei 'lơ̆ng hơbŏ rŏ; wă kơ lu bơ̆n lăng tơ sư, sư ưh kơ đei tơdrong 'lơ̆ng gah 'nguaih wă kơ lu bơ̆n lăp.

Êsêkiên 44:19

Mưh lu sư lĕch năm tơ cham gah 'nguaih, anih mă đei kon pơlei, lu sư athei plôh lê̆ hơbĕn ao mă lu sư hrŭk bơ̆jang, lê̆ tơ lăm pôm anih rơgoh păng hrŭk ao nai, wă kơ lu sư huay kơ pơm kơ kon pơlei rơgoh 'lơ̆ng yua kơ đơ̆ng hơbĕn ao 'bok soi lu sư.

Êsêkiên 9:2

Inh 'bôh đei tơdrâu 'nu năm đơ̆ng gah 'măng kơpal tơ gah yă-nơ̆m. Rim 'nu ti chĕp 'long tơnôn. Lăm lu sư đei minh 'nu bơngai hrŭk ao che 'bui se kok, bĕng ba kơdŭng 'long chih đak mơ̆k. Lu sư mơ̆t păng dơ̆ng 'bơ̆t cheng chơnang soi kong.

Lêwi 16:23

Arôn gô mơ̆t lăm Bơsŭn Anih Akŭm, plôh lê̆ hơbĕn ao đêl sư hrŭk mơ̆t tơ anih 'lơ̆ng rơgoh păng sư gô lê̆ hloi hơbĕn ao tơ noh.

Lêwi 16:24

Sư gô hum tơ lăm minh anih 'lơ̆ng rơgoh, hrŭk ao sư, lĕch tơ 'nguaih, pơyơ̆r tơmam soi 'buh kơ sư kơdih păng tơmam soi 'buh kơ kon pơlei pơla, soi sơmah kơ sư kơdih păng kon pơlei pơla wă kơ rơgoh.

Lêwi 16:32

'Bok soi gô tuh rơmă păng pôk sư pơm 'bok soi tơplih kơ 'bă sư, wă soi sơmah huai đơ̆ng tơdrong yoch, gô hrŭk hơbĕn ao che wă khan hơbĕn ao 'lơ̆ng rơgoh, na soi sơmah huai iŏk tơdrong yoch.

Lêwi 6:10

'Bok soi gô hrŭk ao che 'bui hơdrông păng hơbĕn che 'bui sư, na chup tơnuh đêl ŭnh sa tơ kơpal chơnang soi tuh lê̆ tơ cheng jê̆ chơnang soi.

Lêwi 6:3

Dah mă đei dônh tơmam đe hiong mă-lei sơngah pơkă pơkăm hơlĕnh dơ̆ng păng pơm minh lăm lu tơdrong mă đe juăt kơ pơm, noh yoch bơih.

Luka 1:35

Linh jang 'lơ̆ng ei khan kơ sư dơ̆ng: “Gô đei Yang Bơhngol 'Lơ̆ng jur tơ ih, tơdrong mơsêh mơyang mă 'Bok Kei-Dei wă ăn kơ ih. Thoi noh na kon nge mă ih tơpŭ noh, Sư Kon 'Bok Kei-Dei mă 'lơ̆ng tơpăt.

Philip 2:7

Sư iŏk đon ala, păng jur jing thoi kon bơngai, păng chu phep đep yom thoi bơngai đĭch đe.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

Hêbrơ 2:14

Lu kon Sư noh wă khan kon bơngai bơ̆n, na Sư kư̆m jing thoi kon bơngai bơ̆n mơ̆n, wă kơ gơh lôch tang kon bơngai păng pơrăm yŏng pơgơ̆r yang sơmăt mă pơgơ̆r pơlôch kon bơngai.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.