Lêwi 16:21 - Sơ̆p Hlabơar Nơ̆r 'Bok Kei-Dei

²¹ Arôn dan 'bar pah ti sư kơpal kơ̆l bơbe tơno mă oei arih, na roi đĭ-đăng dôm tơdrong yoch kơnê̆ pơm glăi lu kon pơlei Isơrael păng dan đĭ-đăng tơdrong yoch lu sư pơm boih kơpal kơ̆l bơbe tơno. Đơ̆ng noh yua minh 'nu bơngai đei jao boih tơdrong jang 'nâu na puh achăng bơbe noh tơ tơmăn glă.

Lêwi 16:21 Iomraidhean Croise

Esơra 10:1

Lăm kơplah Esơra krao khan tơbral, nhơ̆m hmoi, roi tơbral yoch păng drap 'bơ̆t anăp hnam akŭm, na đei minh tơpôl kon pơlei Isơrael, bơngai drŏ-kăn drŏ-nglo hơ'lơ̆p lơ dêh, akŭm tăp dăr kơ sư; lu sư kư̆m nhơ̆m hmoi ơh ol.

Horiso 32:5

Inh tơbral yoch hăm Kră Yang 'Bok Kei-Dei, Ưh pă đei ôn dôm yoch kơnê̆ inh. Inh khan: “Inh tơbral roi đĭ dôm tơdrong yoch glăi inh kơ Kră Yang. Ih huay pă jô̆ yoch inh.” Sêla

Horiso 51:3

Yua kơ inh băt kơ inh đei pơm yoch, tơdrong yoch oei 'bơ̆t anăp inh ling-lang.

Le 29:10

Klaih kơ noh, ih athei dui ba rơmo dăm tơ 'măng Bơsŭn Anih Akŭm, Arôn hăm lu kon drŏ-nglo sư dan ti tơ kơpal rơmo dăm noh.

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Lêwi 1:4

Na bơngai pơyơ̆r sư dan ti sư tơ kơpal kơ̆l sem dơrong wă soi 'buh noh na kon sem noh gô jing tơmam soi pơklaih tơdrong yoch sư.

Lêwi 16:20

Layơ 'bok soi, soi sơmah huai yoch ăn kơ anih 'lơ̆ng rơgoh, kơ Bơsŭn Anih Akŭm, kơ chơnang soi đang boih, lei sư gô pơyơ̆r bơbe tơno oei arih.

Lêwi 16:22

Kon bơbe noh gô pŭ tơ akâu sư dôm tơdrong yoch kon pơlei Isơrael, lĕch tơ bri brah ưh kơ đei bơngai, đe achăng bơbe noh tơ tơmăn glă.

Lêwi 26:40

Kơplah noh sư gô roi tơdrong yoch sư kơdih păng roi tơdrong yoch lu yă 'bok sư, dôm tơdrong sư đei pơm glăi păng tơdrong sư pơm tơwih plơ̆ kơ Inh.

Lêwi 5:5

Kơplah bu mă đei pơm yoch minh lăm tơdrong âu, sư athei roi tơdrong yoch sư mă pơm boih.

Rom 10:10

Dah jơhngơ̆m đon bơ̆n lui thoi noh, 'Bok Kei-Dei jô̆ bơ̆n bơngai 'lơ̆ng hăm Sư. 'Bơ̆r bơ̆n ră roi kơ đe thoi noh, Sư pơklaih bơ̆n đơ̆ng tơdrong yoch.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.