Lêwi 16:2 - Sơ̆p Hlabơar Nơ̆r 'Bok Kei-Dei

² Kră Yang khan kơ Môis thoi âu: Khan bĕ kơ Arôn 'nhŏng ih 'nĕ kơ mơ̆t ling-lang tơ anih 'lơ̆ng rơgoh tơ lăm kơ che đe pĕng 'bơ̆t anăp tơnglơ̆p mơnat ăn 'măn tơ kơpal kơ hom tơdrong pơgơ̆p, kơnh hli kơ sư lôch, yua kơ Inh gô oei lăm hơmơ̆l tơ'bôh tơ anih mơnat ăn.

Lêwi 16:2 Iomraidhean Croise

I Pot 6:16

Pơtao iŏk 'long hơngo, sư pĕng pơgăn anih mơjĭt hlok lăm Hnam akŭm, đơ̆ng hơnă truh tơ bơbŭng, noh Anih Rơgoh đe krao Anih Rơgoh Hloh.

I Pot 8:6

Lu 'bok soi tơm tung ba Hom Pơgơ̆p Kră Yang tơ anih sư, anih rơgoh hloh lu sư 'măn gah ala pơnăr chêrubim.

II Ho 5:14

dĭng mah lu 'bok soi ưh kơ kĕ dơ̆ng wă bơ̆jang yua kơ hơmơ̆l jur tơdrong ư-ang rang mơnhal đơ̆ng Kră Yang mơ̆t 'bĕnh-'bang jơ̆p-jang kơ hnam akŭm 'Bok Kei-Dei.

Le 30:10

Minh sơnăm minh wơ̆t, Arôn gô iŏk pham kon sem dơrong soi 'buh huai đơ̆ng tơdrong yoch, pik tơ kơpal ake chơnang soi wă pơm kơ chơnang soi rơgoh minh wơ̆t rim sơnăm lăm đĭ-đăng jơhnơr. 'Nâu boih jing chơnang soi rơgoh 'lơ̆ng hloh ăn kơ Kră Yang.

Lêwi 16:13

Sư gô dan tơmam 'bâu phu kơpal ŭnh 'bơ̆t anăp Kră Yang wă kơ 'nhui đơ̆ng rơmă gom lê̆ tơnglơ̆p tơdrong mơnat ăn, tơ kơpal hom tơdrong pơgơ̆p. Na sư huay kơ lôch.

Lêwi 16:34

Minh sơnăm minh wơ̆t athei soi sơmah huai đơ̆ng yoch kon pơlei Isơrael, wă pơm rơgoh tơdrong yoch lu sư, noh gô jing tơdrong juăt lu iĕm ling-lang khŏm khŏm. Arôn pơm rok kiơ̆ thoi Kră Yang khan pơkă bơih kơ Môis.

Lêwi 23:27

Năr mônh khei tơpơh âu jơ̆ năr pơm giĕng huai đơ̆ng yoch; lu iĕm gô đei tơdrong akŭm rơgoh, lu iĕm athei hơdrĭ lăm jơhngơ̆m pơmat akâu iĕm kơdihe păng pơyơ̆r tơmam soi yua 'buh hăm ŭnh kơ Kră Yang.

Lêwi 8:35

Thoi noh iĕm athei oei kơtă tơ 'măng Bơsŭn Anih Akŭm măng păng 'năr, kơtĕch lăm tơpơh năr, pơm thoi Kră Yang đei pơkă boih kơnh hli kơ lu iĕm lôch, yua kơ Sư đei tơtă kơ inh thoi noh.

Jo 17:10

Kră Yang khan kơ Môis: Iŏk bĕ 'long jra Arôn na dan 'bơ̆t Hom Roi Tơbăt, wă răk tơ'blŏk pơm tơdra tơ'bôh kơ kon sâu wă iung blah, “ih athei khă chĭt lê̆ nơ̆r lu sư jŏk iung blah pơjah hăm Inh, kơnh hli kơ lu sư lôch.”

Jo 18:7

Ih păng lu kon drŏ-nglo ih athei jang mă pơ'lơ̆ng tơdrong jang 'bok soi, wei-lăng dôm tơdrong gah chơnang soi păng tơmam kiơ tơ lăm che pĕng; lu iĕm jang tơdrong jang iĕm tơ lăm noh. Tơdrong jang 'bok soi noh minh tơdrong jang inh pôk ăn jing thoi minh tơdrong pơchĕp ăn; bơngai bu năm jê̆ tơ noh gô pơlôch.

Jo 4:19

athei pơm tơdrong 'nâu ăn kơ lu sư, wă kơ tơdah năm jê̆ tơ anih rơgoh hloh, lu sư gơh arih, huay kơ lôch: Arôn păng lu kon drŏ-nglo athei jao ăn tơdrong jang kơ rim 'nu păng tơmam kiơ lu sư wă tung.

Jo 4:5

tơdah wă weh tơ nai plôh bơsŭn Anih akŭm, Arôn păng lu kon drŏ-nglo sư yaih lang che pĕng anih 'lơ̆ng rơgoh, na klơ̆p gom lê̆ hom tơdrong pơgơ̆p hăm che noh,

Mathiơ 27:51

Na che đe chô̆ pơgăn tơ hnam akŭm 'Bok Kei-Dei tơm tơhek chuơ̆ng tŏk-bŏk đơ̆ng kơpal tơ ala hloi. Teh adrŏ mơ'nưt mơ'nat păng tơmo kŭk mah pơchah.

Hêbrơ 6:19

Tơdrong bơ̆n chang gô noh, thoi lĕ kơ bơ̆n chĕp khêl pĕng akâu bơ̆n, yua kơ bơ̆n gơnang kơ 'Bok Kei-Dei mă oei tơ plĕnh ti.

Hêbrơ 9:25

Ưh kơ sĭ Sư soi hăm pham sem dơrong ôh, Sư soi hăm pham Sư kơdih hloi. Mă-lei ưh kơ sĭ soi akâu Sư kơ 'Bok Kei-Dei ling-lang thoi 'bok soi tih sơ̆ ôh, mơ̆t soi kơ 'Bok Kei-Dei ling-lang, rim sơnăm minh 'măng, tơ anih giĕng tih hăm pham sem dơrong.

Hêbrơ 9:3

Tơ rŏng, mơ̆t kơ 'măng mă 'bar đei anih lăm. Anih noh đe anăn anih giĕng soi tih.

Hêbrơ 9:5

Kơpal hom noh đe man 'bar tŏ rup linh jang 'lơ̆ng, đe anăn bre sư chêrôbin, bre sư bơyar pơnăr tơ kơpal kơ hom noh. Hom noh đe anăn anih 'Bok Kei-Dei pơklaih yoch, 'bar tŏ rup linh jang noh wă pơtih gia kơ 'Bok Kei-Dei oei lơ̆m anih noh. Inh kư̆m wă roi kơ iĕm tôm tơdrong noh, mă inh ưh kơ wăn ôh.

Tơdrông Tơ'bôh 15:8

Kơplah lu linh jang 'lơ̆ng tuh đak pơgang đơ̆ng pơnhan lu sư ei tơ teh, tơ lăm hnam 'Bok Kei-Dei 'bĕnh-'bang kơ 'nhui. 'Nhui noh wă tơbăt ăn kơ kon bơngai, mơsêh 'Bok Kei-Dei pơm ưh kơ đei bu gơh mơ̆t, mă đơ̆ng năr lu sư iŏk tơpơh tŏ pơnhan ei truh tuh đĭ.