Lêwi 15:5 - Sơ̆p Hlabơar Nơ̆r 'Bok Kei-Dei

⁵ Bu mă hơtŭt 'bơm giơng tep sư, athei pih hơbĕn ao sư, hum lăm đak păng sư jing kơnê̆ 'mê̆-'mach truh kơmăng.

Lêwi 15:5 Iomraidhean Croise

Horiso 26:6

Ơ Kră Yang, inh gô ôp ti inh Tơ lăm tơdrong rơgoh 'lơ̆ng, Păng yak dăr kơ chơnang soi Ih.

Horiso 51:2

Apinh Ih ôp rơgoh đĭ dôm tơdrong kơnê̆ inh, Păng ăn kơ inh 'lơ̆ng rơgoh đơ̆ng yoch.

Horiso 51:7

Apinh Ih iŏk hla bơngăl sut rơgoh yoch inh, na inh gô 'lơ̆ng, Apinh ôp inh, na inh gô jing kok hloh kơ prĕl.

Le 19:10

Kră Yang khan kơ Môis: Ih năm bĕ tơ kon pơlei, Isơrael athei kon pơlei hơmet akâu kơdih mă 'lơ̆ng rơgoh năr 'nâu păng năr dơning, athei lu sư pih ao tai.

Êsai 1:16

Hum hơrao bĕ mă rơgoh! 'Bơ̆t anăp Inh lu iĕm athei hŭt lê̆ đĭ dôm tơdrong kơnê̆. 'Nĕ pă pơm tơdrong kơnê̆ dơ̆ng.

Êsai 22:14

Kră Yang Tih Hloh roi tơbăt lăm đon inh: “Tơdrong yoch 'nâu ưh kơ gơh mơnat ăn ôh dĭng truh năr lu iĕm lôch.” Kră Yang Tih Hloh khan thoi noh.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Êsêkiên 36:29

Inh gô dŏng pơklaih lu iĕm đơ̆ng tơdrong kơnê̆ 'mê̆-'mach; Inh gô ăn kơ 'ba mi jing 'lơ̆ng kơchar rai lơ păng ưh pă ăn kơ lu iĕm pơngot rơwĕt.

Lêwi 11:24

Yua kơ lu kon sem 'nâu bơih na lu iĕm jing 'mê̆-'mach, bu mă hơtŭt 'bơm akâu lôch lu kon sem âu gô đei 'mê̆-'mach truh kơmăng.

Lêwi 11:25

Bu chĕp akâu lôch kon sem noh, athei pih hơbĕn ao tai sư păng jing kơnê̆ 'mê̆-'mach truh kơmăng.

Lêwi 11:28

Na bơngai bu mă chĕp ba akâu lôch lu kon sem brem noh athei pih hơbĕn ao tai sư păng gô kơnê̆ 'mê̆-'mach truh kơmăng, dôm lu adrĕch tơmam noh ưh kơ rơgoh kơ lu iĕm.

Lêwi 11:32

Dôm lu adrĕch tơmam 'nâu, akâu lôch sư mă huŏng 'bơm tơ kơpal tơmam kiơ, pơm kơ tơmam noh jing kơnê̆ 'mê̆-'mach, lu tơmam pơm hăm 'long, hơbĕn ao, tơmam pơm păng akar, kơdŭng wă khan tơmam mă bơ̆n juăt kơ yua, athei tong tơmam noh lăm đak, sư gô kơnê̆ 'mê̆-'mach truh kơmăng păng đơ̆ng noh gô jing rơgoh dơ̆ng.

Lêwi 13:34

'Bok soi gô lăng dơ̆ng tơdrong đơđik sư tơ lăm năr mă tơpơh, tơdah đơđik sư ưh kơ lanh rai să, ưh kơ jrŭ hloh kơ akar so, 'bok soi gô jô̆ sư jing rơgoh, bơngai jĭ noh athei pih ao tai sư na jing rơgoh.

Lêwi 13:6

Hlôi kơ tơpơh năr noh 'bok soi gô lăng sư dơ̆ng. Tơdah lak sư noh yơ̆m bơih ưh pă lanh tơ akar nai, 'bok soi gô jô̆ sư rơgoh, noh jĭ pơtôch đĕch. Lei sư gô pih hơbĕn ao sư jing rơgoh.

Lêwi 14:27

tôt hơnglâu ti 'ma sư tơ đak ôliwơ, mă tơ tơpang ti 'ngiĕo sư noh, na tơtraih tơpơh wơ̆t 'bơ̆t anăp Kră Yang.

Lêwi 15:18

Tơdah bơngai drŏ-nglo ngôi hăm minh 'nu drŏ-kăn na lĕch đak kơtăk, 'bar 'nu măr sư athei hum lăm đak păng gô jing kơnê̆ 'mê̆-'mach truh kơmăng.

Lêwi 15:4

Anih giơng tep bơngai đei tơdrong jĭ đuh lĕch đơ̆ng akâu, gô jing 'mê̆-'mach păng dôm tơmam kiơ mă sư ngăl hơ-oei kư̆m gô jing 'mê̆-'mach mơ̆n.

Lêwi 15:6

Bu hơ-oei kơpal tơmam kiơ mă đêl bơngai đei tơdrong jĭ đuh lĕch đơ̆ng akâu hơ-oei bơih, sư athei pih hơbĕn ao sư, hum lăm đak păng sư gô jing kơnê̆ 'mê̆-'mach truh kơmăng.

Lêwi 16:26

Bơngai mă dui tơlĕch bơbe tơno gah pŭ tơdrong yoch kon pơlei athei pih hơbĕn ao sư păng hum lăm đak, đơ̆ng noh sư gơh brŏk mơ̆t tơ gơđông.

Lêwi 16:28

Bơngai mă soh athei pih hơbĕn ao sư păng hum; đơ̆ng noh na gơh brŏk mơ̆t tơ gơđông.

Lêwi 17:15

Bơngai bu đơ̆ng pơlei kơtă dah đơ̆ng tơmoi, na sa 'nhĕm sem brem lôch kơmăp kơdih dah lôch đơ̆ng đêl sem bri kăp bơngai noh athei pih hơbĕn ao sư, hum lăm đak păng gô đei kơnê̆ 'mê̆-'mach truh kơmăng, klaih kơ noh sư jing rơgoh.

Jo 19:10

Bơngai bu mă kôch tơnuh rơnok rơmo adruh noh gô năm pih hơbĕn ao sư păng bơngai âu jing mơgrĭ yoch truh kơsơ̆ măng. Tơdrong 'nâu gô pơm jing tơdrong juăt ling-lang lăm bơngai Isơrael păng lu bơngai tơmoi mă oei hơdai hăm kon pơlei noh.

Jo 19:22

Mă tơmam kiơ bơngai 'bơm 'mê̆ hơtŭt 'bơm gô apoh 'mê̆-'mach; dah bu hơtŭt 'bơm bơngai noh gô apoh 'mê̆-'mach truh kơsơ̆ măng.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

Hêbrơ 9:26

Tơ̆ng Sư soi kơ 'Bok Kei-Dei akâu Sư lơ 'măng, lei Sư lôch pơmat rim sơnăm jô̆ đơ̆ng pơjing plĕnh teh sơ̆ khơ̆ dang ei ưh kơ băt hơdôm 'măng. Mă tơpă Sư jur minh 'măng sơ̆ đĕch, yua kơ trŏ năr hơtuch boih. Sư jur soi kơ 'Bok Kei-Dei akâu Sư, wă pơrăm đĭ dôm tơdrong yoch.

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.

I Sam 20:26

Năr noh, Sôl ưh kơ đei pơma kiơ, tơchĕng khan băt đei tơdrong kiơ truh kơ Đawit boih 'nâu! Hơbŏ sư ưh kơ rơgoh, đei tơdrong 'mê̆-'mach boih 'nâu.