Lêwi 14:5 - Sơ̆p Hlabơar Nơ̆r 'Bok Kei-Dei

⁵ 'Bok soi gô athei lu sư pơlôch minh lăm 'bar tŏ sem noh, lăm gŏ 'bei tơ đak ro hlăng.

Lêwi 14:5 Iomraidhean Croise

Lêwi 14:4

'bok soi tơtă kơ lu sư, chĕp 'bar tŏ sem oei arih păng rơgoh hăm 'long hơngo bri, che hơhĭm păng hla 'long pơgang (Hisôp).a

Lêwi 14:50

Sư gô pơlôch minh pôm sem lăm gŏ teh, tơ đak ro hlăng.

Lêwi 14:6

Đơ̆ng noh 'bok soi iŏk sem mă oei arih hơbĭ 'long hơngo bri, che 'brê hơhĭm păng hla 'long pơgang, năm djrŭ tơ pham sem đêl pơlôch tơ đak ro hlăng.

Jo 5:17

Đơ̆ng noh 'bok soi iŏk đak rơgoh tuh lăm bô̆i glah, chup iŏk 'bruih đơ̆ng hơnă Anih Akŭm na tah lăm đak noh.

II Kor 13:4

Sư lôch tơ 'long pơglang sơ̆ kư̆m thoi noh mơ̆n, bơ̆n lăng Sư lôch thoi Sư rơdu, mă-lei Sư đei mơsêh mơyang 'Bok Kei-Dei kơtang, ăn kơ Sư iung arih dơ̆ng. Nhôn kư̆m rơdu tơrăn thoi Sư sơ̆, mă-lei nhôn đei mơsêh mơyang 'Bok Kei-Dei kơtang, tơdrong arih nhôn năm tơ iĕm kơnh kư̆m thoi noh.

II Kor 4:7

Tơdrong jang mă Sư pơjao kơ nhôn jang âu dang lĕ kơ tơmam hu, tơmam maih pơ'mêm tah lăm bô̆i teh mă 'bônh kơ pơchah. 'Bok Kei-Dei ăn kơ nhôn jang pran noh Sư wă kơ đe băt đơ̆ng Sư ăn, đơ̆ng 'Bok mă mơsêh mơyang, ưh kơ sĭ đơ̆ng nhôn kơdih ôh.

II Kor 5:1

Akâu bơ̆n tơ ala teh âu thoi lĕ kơ hnam oei. Tơ̆ng bơ̆n băt kơ hnam bơ̆n oei noh răm boih, bơ̆n gô đei hnam 'nao tơ plĕnh ti kơjăp hloh, ưh kơ layơ răm dơ̆ng. Hnam noh đơ̆ng tơ'ngla 'Bok Kei-Dei pơm kơ bơ̆n, ưh kơ sĭ đơ̆ng ti kon bơngai pơm ôh.

Hêbrơ 2:14

Lu kon Sư noh wă khan kon bơngai bơ̆n, na Sư kư̆m jing thoi kon bơngai bơ̆n mơ̆n, wă kơ gơh lôch tang kon bơngai păng pơrăm yŏng pơgơ̆r yang sơmăt mă pơgơ̆r pơlôch kon bơngai.