Lêwi 14:3 - Sơ̆p Hlabơar Nơ̆r 'Bok Kei-Dei

³ 'Bok soi gô lĕch tơ 'nguaih kơ kơđông na sư lăng bơngai noh. Tơdah rơka jĭ chin sư klaih bơih,

Lêwi 14:3 Iomraidhean Croise

II Pot 5:14

Na Naaman jur hĭ lăm đak krong Jôrđăn păng môch tơpơh wơ̆t kiơ̆ thoi Êlisê bơngai mă 'Bok Kei-Dei yua noh athei sư. Sư klaih hloi kơtă ei, păng akar sư jing lei-lăi dang thoi so dơ̆ng, akar sư thoi akar nge.

II Pot 5:3

Drŏ-kăn 'lơ̆p ei khan kơ yă mă akăn yŏng tơ'ngla sư: “Ô dah yŏng tơ'ngla ĭnh năm tơ 'bok khan lê̆ adrol tơ Pơlei Samari, sư gô pơklaih yŏng tơ'ngla inh đơ̆ng jĭ chin noh.”

Jop 5:18

Sư teh rơka, mă-lei Sư gô pơ̆n ming hơmet, Sư teh jĭ, mă-lei Sư gô pơklaih.

Le 15:26

Sư khan: Tơdah iĕm mơ̆ng nơ̆r Kră Yang 'Bok Kei-Dei, pơm 'lơ̆ng tơpăt 'bơ̆t anăp Inh tơdah iĕm mơ̆ng nơ̆r tơtă păng wei răk dôm tơdrong juăt Inh, lei Inh ưh kơ đei tuh kơ iĕm minh tơdrong jĭ jăn mă inh tuh ăn boih kơ dêh Êyiptơ; Inh boih Kră Yang, tơ'ngla pơklaih iĕm đơ̆ng jĭ jăn.

Lêwi 13:2

Tơdah minh 'nu bơngai 'bôh akâu sư pơ'ngeh păng wă đuh, dah jĭ sư thoi lak kok păng jing hloi chin tơ akâu sư, athei đe chông ba sư tơ 'bok soi tơm Arôn, dah năm ba sư tơ minh 'nu lăm lu kon drŏ-nglo sư, mă pơm 'bok soi.

Lêwi 13:46

Lăm khei năr tơdrong jĭ, bơngai noh kơnê̆ 'mê̆-'mach sư athei oei hơdrô̆ 'nguaih kơ anih hơdrŭm.

Lêwi 14:48

Mă-lei đơ̆ng rŏng kơ hnam mă đei man bah ming tơdah 'bok soi wơ̆t lăng, ưh pă đei 'bôh tơdrong jĭ phơ̆k sa lanh lăm hnam, 'bok soi gô khan hnam noh rơgoh, yua kơ tơdrong jĭ phơ̆k klaih bơih.

Mathiơ 10:8

Păng iĕm chă pơklaih hloi lu bơngai jĭ jăn, tơiung arih lu bơngai đơ̆ng lôch, pơklaih lu bơngai jĭ chin păng pơpuh tơlĕch lu yang kơnê̆ đơ̆ng akâu bơngai. Inh asong đĕch tôm tơdrong iĕm gơh pơm noh. Na iĕm kư̆m bơtho asong đe thoi Inh asong iĕm mơ̆n, ưh kơ iŏk jên ôh.

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Luka 4:27

Kư̆m thoi noh mơ̆n, kơplah Êlisê pơtruh nơ̆r 'Bok Kei-Dei tơ dêh char Isơrael âu sơ̆ đei lơ bơngai jĭ chin lăm dêh âu. Mă-lei Êlisê ưh kơ đei pơklaih lu sư ôh. Sư pơklaih pôm 'bok Naman, bơngai đơ̆ng dêh char Siri đĕch, sư dêh char tơmoi mơ̆n.”

Luka 7:22

Na đơ̆ng noh Yêsu khan kơ bre sư: “Biĕm wih roi kơ Yôhan tơdrong mă biĕm kơtơ̆ng đơ̆ng Inh bơtho, hăm biĕm 'bôh noh bĕ: Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk jing hơbăng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.