Lêwi 14:10 - Sơ̆p Hlabơar Nơ̆r 'Bok Kei-Dei

¹⁰ Truh năr mă tơhngam, sư gô rôp 'bar tŏ kon triu tơno ưh kơ đei jĭ kiơ, b minh pôm kon triu akăn mă tơ'bưh kơ đêl, ưh kơ đei jĭ kiơ, iŏk pêng lăm mơjĭt tơpŭng hĕch, tuh hrâu đak rơmă ôliwơ.c

Lêwi 14:10 Iomraidhean Croise

Le 29:40

Hăm kon triu mă minh, ih athei pơyơ̆r 'bar lich,a êpha tơpŭng 'ba mi hĕch pơjrâu hăm minh lăm puăn hin,b đak ôliwơ păng iŏk minh lăm puăn hin đak hơmu, jing tơmam pơyơ̆r huch.c

Lêwi 1:10

Tơdah tơmam sư wă pơyơ̆r soi 'buh hăm triu dah bơbe sư athei rơih chă tơno mă ưh kơ đei jĭ kiơ,

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Lêwi 14:11

'Bok soi tơ'ngla mă pơm rơgoh kơ sư, gô chông ba bơngai mă wă kơ rơgoh noh păng dôm lu tơmam noh 'bơ̆t anăp Kră Yang, năm tơ Bơsŭn Anih Akŭm.

Lêwi 14:12

Đơ̆ng noh 'bok soi gô rôp minh lăm 'bar tŏ kon triu tơno wă pơyơ̆r huai đơ̆ng tơdrong hơch 'bơm kơ pơm yoch, hăm đak rơmă ôliwơ, na ba pơm tơmam soi pơyơ̆r 'ma 'ngiĕo 'bơ̆t anăp Kră Yang.

Lêwi 14:15

'Bok soi iŏk tŏ sĕt đak rơmă ôliwơ hling tơ tơpang ti 'ngiĕo sư kơdih.

Lêwi 14:21

Mă-lei tơdah bơngai 'noh dơnuh hin ưh kơ kĕ đei dôm tơmam noh ôh, ăn kơ sư rôp minh pôm kon triu tơno, yua lăm tơdrong soi sơmah huai đơ̆ng tơdrong hơch 'bơm pơm yoch, pơyơ̆r 'ma 'ngiĕo, wă pơm tơmam soi wă rơgoh đơ̆ng yoch sư păng minh lăm mơjĭt kĭ tơpŭng bơlah, hrâu hăm đak rơmă ôliwơ, pơm tơmam soi phe 'ba păng minh puăt lit đak ôliwơ.

Lêwi 2:1

Layơ bu wă pơyơ̆r ăn kơ Kră Yang tơmam soi phe 'ba, bơngai noh athei iŏk tơpŭng hĕch lŭk hrâu hăm đak rơmă ôliwơ păng dan tơmam 'bâu phu tơ kơpal.

Lêwi 2:11

Dôm tơmam soi pơyơ̆r hăm tơpŭng phe 'ba mă lu iĕm pơyơ̆r kơ Kră Yang 'nĕ kơ hrâu hăm 'buih pông; yua kơ iĕm ưh kơ soh 'buih pông hăm đak sut ôh lăm tơmam soi pơyơ̆r soh hăm ŭnh sa wă pơyơ̆r ăn kơ Kră Yang.

Lêwi 2:13

Ih athei tah 'boh lăm dôm tơmam pơyơ̆r tơpŭng; 'nĕ ăn tơmam tơpŭng pơyơ̆r mă ưh kơ đei 'boh ôh. Yua kơ 'boh wă tơ'bôh kơ tơdrong pơgơ̆p hăm Kră Yang 'Bok Kei-Dei ih lăm dôm lu tơmam ih pơyơ̆r athei đei 'boh.

Lêwi 23:13

Păng pơyơ̆r tơmam soi phe 'ba, dang 'bar lăm mơjĭt êpha tơpŭng, b lŭk hrâu hăm đak rơmă ôliwơ pơm tơmam soi soh hăm ŭnh, pơyơ̆r đei 'bâu phu 'lơ̆ng ăn kơ Kră Yang păng pơyơ̆r tơmam huch hai sik plei hơmu, minh lăm puăn hin.c

Lêwi 4:32

Tơdah tơmam soi huai đơ̆ng yoch, athei pơyơ̆r triu akăn ưh kơ đei jĭ kiơ.

Lêwi 9:1

Lăm năr mă tơhngam Môis krao Arôn păng lu kon drŏ-nglo sư păng đĭ-đăng lu kră bơngai Isơrael.

Jo 28:20

Tơmam soi phe 'ba gô iŏk tơpŭng jrâu bơlŭ hăm đak rơmă ôliwơ; lu iĕm iŏk pêng lăm mơjĭt êpha kơ minh pôm rơmo tơno, iŏk 'bar lăm mơjĭt êpha kơ kon triu tơno,

Jo 6:14

sư athei pơyơ̆r tơmam soi sư kơ Kră Yang, wă khan minh pôm triu kon tơno minh sơnăm ưh kơ đei jĭ kiơ, pơm tơmam soi 'buh, iŏk minh pôm kon triu akăn dơ̆ng ưh kơ đei jĭ kiơ, dang minh sơnăm pơm tơmam soi pơyơ̆r yua kơ tơdrong yoch, iŏk dơ̆ng minh pôm kon triu tơno ưh kơ jĭ kiơ pơyơ̆r pơm tơmam soi bơnê hiôk-hian,

Jo 7:43

tơmam soi lu sư noh, minh hlak chhĕr trăp minh-hrĕng pêng-jĭt seikơl, minh hlak pơnhan trăp tơpơh-jĭt seikơl, kiơ̆ kơ seikơl lăm anih rơgoh, pơđĭ kơ 'bar hlak pơnhan noh 'bĕnh kơ tơpŭng bơlŭ hrâu hăm đak rơmă ôliwơ, yua wă pơm tơmam soi phe 'ba;

Mathiơ 8:4

Yêsu khan: “Ih 'nĕ chă roi kơ đe. Dang ei ih klaih boih na ih năm tơ'bôh akâu ih kơ 'bok soi păng ih soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Markôs 1:44

“Ih 'nĕ chă roi kơ đe hŏ. Dang ei ih klaih boih na ih năm tơ'bôh akâu ih kơ 'bok soi păng soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Luka 5:14

Na Yêsu pơkă kơ sư khan: “Ih 'nĕ chă roi kơ đe hŏ. Dang ei ih klaih boih na ih năm tơ'bôh akâu ih kơ 'bok soi păng soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Yo 6:33

kơlih kơ tơmam sa đơ̆ng 'Bok Kei-Dei ei na gơh jur đơ̆ng plĕnh wă ăn kon bơngai jơ̆p kơ teh arih.”

Yo 6:51

Inh boih tơmam sa arih kơ kon bơngai mă jur đơ̆ng plĕnh; bơngai bu sa tơmam sa âu sư gô arih ling-lang. Tơmam sa mă Inh ăn noh wă khan sĕch akar Inh ăn kơ kon bơngai arih.”

I Pet 1:19

Tơdrong Sư huai iŏk kăl tơpă, hăm pham Kon Sư Yêsu Krist kơdih hloi; Yêsu Sư thoi lĕ triu mă rơgoh 'lơ̆ng đe wă soi kơ 'Bok Kei-Dei.