Lêwi 13:6 - Sơ̆p Hlabơar Nơ̆r 'Bok Kei-Dei

⁶ Hlôi kơ tơpơh năr noh 'bok soi gô lăng sư dơ̆ng. Tơdah lak sư noh yơ̆m bơih ưh pă lanh tơ akar nai, 'bok soi gô jô̆ sư rơgoh, noh jĭ pơtôch đĕch. Lei sư gô pih hơbĕn ao sư jing rơgoh.

Lêwi 13:6 Iomraidhean Croise

I Pot 8:38

Mưh đei minh 'nu dah đĭ-đăng lu bơngai Isơrael, lu sư băt kơ tơdrong lu sư pơm ưh kơ trŏ, lu sư yơ̆r ti tơklă hnam âu, lu sư krao khan hơdrĭ tơdrong kiơ,

I Pot 8:45

Apinh ih đơ̆ng kơpal plĕnh mơ̆ng nơ̆r krao khan hơdrĭ lu sư, tơgŭm tơdrong mă lu sư apinh.

Horiso 19:12

Bu băt kơdih đei yoch glăi? Apinh Kră Yang mơnat tơdrong yoch mă inh ưh kơ băt.

Tơdrông Pơđơk 20:9

Bu pơ̆n khan: Inh wei-lăng jơhngơ̆m inh rơgoh, Inh rơgoh pă đei yoch boih?

Bôk Bơthô 7:20

Tơpă, lăm teh đak âu ưh kơ đei minh 'nu tơpăt, pơm 'lơ̆ng ling-lang ưh kơlah pơm yoch.

Êsai 42:3

Sư ưh kơ gơ̆ lê̆ 'long gơlăr wă tơgơ̆ bơih păng ưh kơ pĭt lê̆ ŭnh oei khơ̆ng kơplah brai wă jê̆ tôch. Sư gô ba tơdrong tơpăt hơnơ̆ng hăm tơdrong sĭt.

Lêwi 11:25

Bu chĕp akâu lôch kon sem noh, athei pih hơbĕn ao tai sư păng jing kơnê̆ 'mê̆-'mach truh kơmăng.

Lêwi 11:28

Na bơngai bu mă chĕp ba akâu lôch lu kon sem brem noh athei pih hơbĕn ao tai sư păng gô kơnê̆ 'mê̆-'mach truh kơmăng, dôm lu adrĕch tơmam noh ưh kơ rơgoh kơ lu iĕm.

Lêwi 11:40

Bu mă sa 'nhĕm lôch noh athei pih hơbĕn ao tai sư păng gô 'bơm 'mê̆-'mach truh kơmăng păng bu mă chĕp ba akâu lôch noh kư̆m athei pih hơbĕn ao sư gô đei 'mê̆-'mach truh kơmăng.

Lêwi 13:2

Tơdah minh 'nu bơngai 'bôh akâu sư pơ'ngeh păng wă đuh, dah jĭ sư thoi lak kok păng jing hloi chin tơ akâu sư, athei đe chông ba sư tơ 'bok soi tơm Arôn, dah năm ba sư tơ minh 'nu lăm lu kon drŏ-nglo sư, mă pơm 'bok soi.

Lêwi 13:5

Lăm năr mă tơpơh 'bok soi gô lăng sư dơ̆ng. Tơdah jĭ sư oei hơnơ̆ng huay kơ lanh tơ akar nai, 'bok soi gô chĭt sư mă 'bar lăm tơpơh năr dơ̆ng.

Lêwi 13:7

Mă-lei tơdah đơ̆ng rŏng kơ sư dơ̆ng 'bơ̆t anăp 'bok soi wă jô̆ sư 'lơ̆ng rơgoh, na jĭ đuh sư iung lanh dơ̆ng tơ lăm akar, bơngai noh sư athei năm pơlơ̆k tơ 'bok soi tăl mă 'bar.

Lêwi 14:8

Bơngai wă kơ đei rơgoh noh athei pih hơbĕn ao tai sư, hơkôih đĭ sŏk sư, hum lăm đak na sư gơh rơgoh, đơ̆ng noh sư gơh mơ̆t lăm kơđông, mă-lei gô oei 'nguaih kơ bơsŭn lăm tơpơh năr.

Rom 14:1

Gah lu bơngai lui mă ưh tam mă hlôh tôm tơdrong, bơ̆n athei 'mêm kơ sư mơ̆n. Bơ̆n 'nĕ kơ pơjah pơjăng tơdrong sư ưh tam mă hlôh noh.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Both 32:5

Mă-lei iĕm oei hư răm. Ưh pă rŏ trŏ jing kon drŏ-nglo Kră Yang dơ̆ng.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

Hêbrơ 9:10

Lu tơdrong juăt noh sơ̆ khă gah tơdrong sa et tơmam giĕng, tơdrong hum 'nhao. Dôm tơdrong giĕng lu sư pơm giĕng tơ 'ngoaih akâu đĕch. Mă-lei khan wă kơ đe kiơ̆ khŏm khŏm truh tơ 'Bok Kei-Dei tơplih tơdrong so ăn tơdrong 'nao.

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.