Lêwi 13:2 - Sơ̆p Hlabơar Nơ̆r 'Bok Kei-Dei

² Tơdah minh 'nu bơngai 'bôh akâu sư pơ'ngeh păng wă đuh, dah jĭ sư thoi lak kok păng jing hloi chin tơ akâu sư, athei đe chông ba sư tơ 'bok soi tơm Arôn, dah năm ba sư tơ minh 'nu lăm lu kon drŏ-nglo sư, mă pơm 'bok soi.

Lêwi 13:2 Iomraidhean Croise

II Sam 3:29

Thŭ pham Apner noh tuh tơ kơpal kơ̆l Jôap hăm đĭ-đăng adrĕch 'bă sư păng adrĕch sư ưh kơ đei bu huay kơ đei jĭ krơ, jĭ chin, jopo, mơ'nah lôch kơ đao, mơ'nah tơmam sa ưh mah”

II Pot 5:1

Naaman 'bok yŏng pơgơ̆r linh pơtao đe Aram, sư noh jơ̆ minh 'nu bơngai đei tơdrong gơh kĕ 'bơ̆t anăp yŏng tơ'ngla sư; đe kư̆m pơyom kơ sư dêh yua kơ Kră Yang yua sư tơblah ăn kơ lu kon Pơlei Aram kĕ jei, bơngai 'nâu sư nuih, pran kơtang, mă-lei sư 'bơm chin.

II Pot 5:27

Yua kơ thoi noh bơih, jĭ chin Naaman gô hơpoh tơ ih păng adrĕch adrung ih ling-lang ưh kơ layơ tôch.” Gêhasi weh hloi đơ̆ng Êlisê, 'bơm hloi chin tơbôk thoi prĕl.

Êsai 1:6

Đơ̆ng tơpang jơ̆ng truh tơ kơpal kơ̆l, ưh kơ đei 'bơ̆t yơ 'lơ̆ng. Tă kơ pơ'ngeh đêl teh păng rơka pham ro, tam mă ôp hăm pơ̆n hơmet păng tam mă pik đak pơgang rơmă ôliwơ mơ̆n.

Êsai 3:17

Na Kră Yang gô pơm kơ kon drŏ-kăn Siôn jĭ tơ'boch 'bĕnh kơpal kơ̆l lu sư, păng pơm kơ kơ̆l lu sư hok sŏk ưh kơ chăt.”

Lêwi 13:1

Kră Yang khan dơ̆ng kơ Môis păng Arôn:

Lêwi 13:3

'Bok soi gô lăng lăng rơka jĭ tơ akâu sư, tơdah sŏk sop 'bơ̆t jĭ tơ akâu sư noh tơplih jing kok păng Jĭ sư jrŭ 'biơ̆ kơ akar so, noh jing jĭ chin, tơdah 'bok soi lăng đang bơih, sư gô jô̆ bơngai âu jing jĭ kơnê̆.

Lêwi 13:8

'Bok soi gô lăng hơlen tơdah jĭ đuh sư iung lanh dơ̆ng tơ akâu akar sư na pơm kơ bơngai noh jing kơnê̆ 'mê̆-'mach; lei noh jơ̆ Jĭ chin bơih.

Lêwi 14:3

'Bok soi gô lĕch tơ 'nguaih kơ kơđông na sư lăng bơngai noh. Tơdah rơka jĭ chin sư klaih bơih,

Lêwi 14:35

tơ'ngla hnam noh athei năm roi kơ 'bok soi thoi âu: Inh đei 'bôh tơdrong jĭ phơ̆k tơ hnam nhôn.

Lêwi 14:56

'Bơ̆t anih pơ'ngeh, djah, rơka tơlŏng.

Malachi 2:7

Yua kơ hơkŭng 'bơ̆r 'bok soi athei wei tơdrong hlôh wao, lu đe chă tơdrong juăt đơ̆ng lăm 'bơ̆r lu sư, yua kơ lu sư jơ̆ bơngai đơ̆ng Kră Yang Tih Hloh.

Jo 12:10

Kơplah hơmơ̆l tŏk đông đơ̆ng Bơsŭn Anih Akŭm, na Miriam 'bơm kơnê̆ jĭ chin 'bĕnh akâu tơkhôih nhen prĕl, Arôn lăng tơ Miriam, 'bôh sư đĭ jĭ chin boih.

Jo 12:12

Apinh ih 'nĕ ăn kơ sư thoi minh 'nu kon nge sĕch akâu sư đĭ bluch răm minh puăt boih.

Mathiơ 8:4

Yêsu khan: “Ih 'nĕ chă roi kơ đe. Dang ei ih klaih boih na ih năm tơ'bôh akâu ih kơ 'bok soi păng ih soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Markôs 1:44

“Ih 'nĕ chă roi kơ đe hŏ. Dang ei ih klaih boih na ih năm tơ'bôh akâu ih kơ 'bok soi păng soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Luka 17:14

Yêsu 'bôh lu đe ei na Sư khan thoi âu: “Iĕm năm tơ'bôh akâu iĕm tơ 'bok soi bĕ, wă kơ sư lăng iĕm tam klaih kơ jĭ.” Đơ̆ng noh na lu sư năm. Kơplah lu sư oei năm rok trong, na jĭ lu sư klaih hloi.

Luka 5:14

Na Yêsu pơkă kơ sư khan: “Ih 'nĕ chă roi kơ đe hŏ. Dang ei ih klaih boih na ih năm tơ'bôh akâu ih kơ 'bok soi păng soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Both 24:8

Lăm tơdrong jĭ chin kren, athei kơchăng pơm kiơ̆ mă tơpă dôm tơdrong mă 'bok soi bơtho adrĕch Lêwi pơkă boih lu iĕm athei kơchăng pơm kiơ̆ thoi inh đei bơtho pơkă boih hăm 'bok soi.

Both 28:27

Kră Yang gô ăn kơ iĕm jĭ pơtôch đuh đơ̆ng dêh Êyiptơ, pơ'ngeh đek, rơka tơlŏng, đơđik, lu iĕm hơmet ưh kơ klaih.