Lêwi 12:8 - Sơ̆p Hlabơar Nơ̆r 'Bok Kei-Dei

⁸ Tơdah sư chă ưh kơ kĕ đei minh pôm kon triu, sư athei rôp 'bar tŏ sem pơgâm dah 'bar tŏ kon kơtơp. Minh pôm 'măn kơ tơmam soi 'buh, minh pôm yua pơm kơ tơmam soi huai đơ̆ng yoch, 'bok soi gô soi sơmah huai yoch sư, na sư gô rơgoh.

Lêwi 12:8 Iomraidhean Croise

Lêwi 1:14

Tơdah tơmam sư pơyơ̆r ăn kơ Kră Yang tơmam soi 'buh hăm sem păr, athei iŏk pơyơ̆r sem pơgâm bri dah kon sem kơtơp.

Lêwi 12:7

'Bok soi gô pơyơ̆r tơmam soi noh, 'bơ̆t anăp Kră Yang wă soi sơmah huai yoch sư, kơplah noh sư gô jing rơgoh đơ̆ng pham sư, noh jơ̆ tơdrong juăt bơngai drŏ-kăn hơiơch kơ kon drŏ-nglo dah drŏ-kăn.

Lêwi 13:1

Kră Yang khan dơ̆ng kơ Môis păng Arôn:

Lêwi 14:21

Mă-lei tơdah bơngai 'noh dơnuh hin ưh kơ kĕ đei dôm tơmam noh ôh, ăn kơ sư rôp minh pôm kon triu tơno, yua lăm tơdrong soi sơmah huai đơ̆ng tơdrong hơch 'bơm pơm yoch, pơyơ̆r 'ma 'ngiĕo, wă pơm tơmam soi wă rơgoh đơ̆ng yoch sư păng minh lăm mơjĭt kĭ tơpŭng bơlah, hrâu hăm đak rơmă ôliwơ, pơm tơmam soi phe 'ba păng minh puăt lit đak ôliwơ.

Lêwi 14:22

Kŭm thoi noh mơ̆n, kiơ̆ kơ sư đei athei chĕp ba 'bar tŏ kon sem pơgâm dah kon sem kơtơp, sem minh pôm âu pơm tơmam soi huai đơ̆ng yoch, sem minh pôm noh pơm tơmam soi 'buh.

Lêwi 15:14

Truh năr mă tơhngam sư gô rôp 'bar tŏ sem pơgâm dah 'bar tŏ kon sem kơtơp, năm ba 'bơ̆t anăp Kră Yang tơ 'măng Bơsŭn Anih Akŭm păng jao sem noh ăn kơ 'bok soi.

Lêwi 15:15

'Bok soi gô pơyơ̆r, minh pôm sem pơm tơmam soi huai đơ̆ng yoch minh pôm sem pơm tơmam soi 'buh, thoi noh 'bok soi gô soi sơmah wă kơ goh tơdrong yoch sư 'bơ̆t anăp Kră Yang yua kơ đei tơdrong jĭ lĕch đak đuh đơ̆ng akâu.

Lêwi 15:29

Lăm năr mă tơhngam, sư gô rôp 'bar tŏ sem pơgâm dah 'bar tŏ kon sem kơtơp păng sư athei chĕp ba kơ 'bok soi tơ 'măng Bơsŭn Anih Akŭm.

Lêwi 4:26

Đĭ rơmă sư gô 'buh tơ kơpal chơnang soi, thoi rơmă tơmam soi 'blŏk bơnê mơ̆n, noh na 'bok soi gô pơm tơdrong sut rơgoh yoch sư, na sư gơh đei tơdrong mơnat ăn.

Lêwi 5:11

Tơdah sư ưh kơ kĕ đei wă pơyơ̆r minh hơgrop sem pơgâm dah sem kơtơp kon ôh. Na yua kơ tơdrong yoch sư đei pơm sư athei pơyơ̆r minh lăm mơjĭt êphaa tơpŭng rơgoh 'lơ̆ng wă pơm tơmam soi huai đơ̆ng yoch, 'nĕ kơ tuh đak rơmă ôliwơ păng đak rơmă 'bâu phu kơpal yua kơ 'nâu jơ̆ tơmam soi huai đơ̆ng yoch.

Lêwi 5:7

Tơdah sư chă ưh kơ kĕ đei minh pôm kon triu akăn dah bơbe akăn, yua kơ yoch sư đei pơm bơih, na sư athei anhăk ba kơ Kră Yang minh hơgrop sem pơgâm dah kơtơp kon, minh pôm wă yua lăm tơmam sư huai đơ̆ng yoch, minh pôm wă yua lăm tơmam soi 'buh.

Mathiơ 21:12

Yêsu mơ̆t tơ hnam akŭm 'Bok Kei-Dei tơm, Sư 'bôh đe mơdro lăm hnam noh, na Sư pơpuh tơlĕch lu đe mă mơdro noh, tơlơ̆ tơpơ̆k lu gơ'bang lu đe tơplih băl jên. Lu tang-dŏ lu đe mă tĕch sem kơtơp Sư tơlơ̆ tơpơ̆k đĭ-đăng.

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.