Lêwi 12:6 - Sơ̆p Hlabơar Nơ̆r 'Bok Kei-Dei

⁶ Tơdah kơtĕch boih măng năr oei rơgoh tơpŭ nge drŏ-nglo dah drŏ-kăn sư, ăn kơ sư năm ba nge noh kơ 'bok soi tơ Bơsŭn Anih Akŭm chĕp ba minh pôm kon triu minh sơnăm, wă pơm tơmam soi 'buh păng minh pôm kon kơtơp dah pơgâm wă pơm tơmam soi huai đơ̆ng yoch.

Lêwi 12:6 Iomraidhean Croise

Bl 15:9

Kră Yang tơl: “Ih athei rôp ăn kơ Inh minh pôm kon rơmo akăn pêng sơnăm, minh pôm bơbe akăn pêng sơnăm păng minh pôm kon triu tơno pêng sơnăm, minh pôm sem pơgâm păng minh pôm kơtơp hơnar.”

Lêwi 12:2

Khan bĕ kơ kon pơlei Isơrael, tơdah đei minh 'nu drŏ-kăn anăp păng hơiơch kơ minh 'nu kon hơ'lơ̆p drŏ-nglo, sư gô jing kơnê̆ 'mê̆-'mach lăm tơpơh năr; kư̆m thoi kơplah sư 'bôh jơ̆ng mơ̆n.

Lêwi 12:5

Mă-lei tơdah sư tơpŭ minh 'nu kon drŏ-kăn, sư gô jing 'mê̆-'mach lăm 'bar giĕng kư̆m thoi kơplah sư 'bôh hơbĕn mơ̆n, sư gô oei lăm tơdrong kơnê̆ 'mê̆-'mach sư, lăm tơdrâu-jĭt tơdrâu năr, wă kơ jing rơgoh 'lơ̆ng kơ đơ̆ng pham.

Lêwi 12:7

'Bok soi gô pơyơ̆r tơmam soi noh, 'bơ̆t anăp Kră Yang wă soi sơmah huai yoch sư, kơplah noh sư gô jing rơgoh đơ̆ng pham sư, noh jơ̆ tơdrong juăt bơngai drŏ-kăn hơiơch kơ kon drŏ-nglo dah drŏ-kăn.

Lêwi 14:22

Kŭm thoi noh mơ̆n, kiơ̆ kơ sư đei athei chĕp ba 'bar tŏ kon sem pơgâm dah kon sem kơtơp, sem minh pôm âu pơm tơmam soi huai đơ̆ng yoch, sem minh pôm noh pơm tơmam soi 'buh.

Lêwi 15:14

Truh năr mă tơhngam sư gô rôp 'bar tŏ sem pơgâm dah 'bar tŏ kon sem kơtơp, năm ba 'bơ̆t anăp Kră Yang tơ 'măng Bơsŭn Anih Akŭm păng jao sem noh ăn kơ 'bok soi.

Lêwi 15:29

Lăm năr mă tơhngam, sư gô rôp 'bar tŏ sem pơgâm dah 'bar tŏ kon sem kơtơp păng sư athei chĕp ba kơ 'bok soi tơ 'măng Bơsŭn Anih Akŭm.

Jo 6:10

Truh năr mă tơhngam sư athei chĕp ba 'bar tŏ sem pơgâm dah 'bar tŏ kơtơp ăn kơ 'bok soi 'bơ̆t 'măng Bơsŭn Anih Akŭm.

Luka 2:22

Truh kơ năr mĕ Sư wă hơmet akâu kiơ̆ thoi tơdrong juăt Môis pơkă sơ̆, na mĕ 'bă Yêsu anhăk Sư năm tơ Pơlei Jêrusalem. Sư kư̆m wă pơyơ̆r Yêsu kơ Kră Yang 'Bok Kei-Dei tơ ei mơ̆n.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.