Lêwi 11:8 - Sơ̆p Hlabơar Nơ̆r 'Bok Kei-Dei

⁸ Lu iĕm ưh kơ gơh sa 'nhĕm lu sem noh păng ưh kơ gơh hơtŭt 'bơm akâu lu kon sem brem noh dah sư lôch boih; ưh kơ rơgoh kơ iĕm ôh.

Lêwi 11:8 Iomraidhean Croise

Êsai 52:11

Lu iĕm weh bĕ, weh bĕ, weh lĕch bĕ đơ̆ng anih noh. 'Nĕ hơtŭt 'bơm tơmam 'mê̆-'mach. Lĕch bĕ đơ̆ng noh pơm akâu kơdih mă rơgoh. Ơ lu bơngai chĕp tơmam Kră Yang.

Hôsia 9:3

Lu sư ưh kơ gơh oei ôh tơ lăm char Kră Yang; mă-lei Êphraim gô wih brŏk tơ char Êyiptơ, lu sư gô sa tơmam sa ưh kơ 'lơ̆ng rơgoh lăm char Asiri.

Lêwi 11:7

Nhŭng sư đei kơchôp blah, jơ̆ng ti 'bar pah hơtuch adrol mă-lei ưh kơ mơkan, jing ưh kơ rơgoh.

Lêwi 11:9

Dôm lu kon sem oei lăm đak lu iĕm gơh sa, noh lu kon sem mă đei hla đon păng đei kơchap mă oei lăm đak dơsĭ dah oei lăm đak krong.

Lêwi 5:2

Tơdah bơngai bu ưh kơ băt ôh hơtŭt 'bơm minh pôm tơmam 'mê̆-'mach đêl akâu sem bri lôch ưh kơ rơgoh dah akâu sem dơrong ưh kơ rơgoh, dah akâu 'bih kơep lep-ler ưh kơ rơgoh, mă khan kơdih sư ưh kơ băt ră, lei bơngai noh ưh kơ rơgoh mơ̆n păng kư̆m yoch bơih.

Mathiơ 15:11

Dôm lu tơmam sa kon bơngai sa ưh kơ đei pơm kơ kon bơngai jing yoch ôh, tơdrong pơm yoch noh lĕch đơ̆ng 'bơ̆r kon bơngai na kon bơngai jing yoch.”

Mathiơ 15:20

Tôm tơdrong kơnê̆ noh lĕch đơ̆ng jơhngơ̆m đon kon bơngai na jing yoch. Tơdrong iĕm sŏng sa ưh kơ ôp ti noh ưh kơ đei pơm kơ iĕm yoch ôh.”

Markôs 7:15

Dôm lu tơmam sa kon bơngai sa, ưh kơ đei pơm kơ kon bơngai jing yoch ôh. Tơdrong pơm yoch noh lĕch đơ̆ng jơhngơ̆m kon bơngai na kon bơngai jing yoch.

Markôs 7:18

Na Yêsu khan kơ lu sư: “Tơdrong pơtih gia 'noh hei iĕm kư̆m ưh kơ hlôh mơ̆n hă? Tơmam sa đơ̆ng 'ngoaih mơ̆t lăm klak kon bơngai ưh kơ gơh pơm kơ kon bơngai yoch ôh.

Markôs 7:2

Lăp lu sư akŭm, na lu sư 'bôh 'bar pêng 'nu bơngai pơhrăm păng Yêsu sŏng sa ti ưh kơ rơgoh yua kơ lu sư ưh kơ ôp ti kiơ̆ thoi tơdrong juăt lu bơngai Pharisi pơkă.

Jang 10:28

Pêtrôs khan kơ lu sư: “Iĕm kư̆m băt boih tơdrong juăt nhôn bơngai Juđê ưh kơ ăn nhôn mơ̆t tơ hnam đe tơmoi phara khŭl păng ngôi hơdai păng đe. Mă-lei 'Bok Kei-Dei tơbăt kơ inh nhên boih, inh ưh kơ gơh jô̆ kơ bơngai phara khŭl kơnê̆ ôh.

Jang 15:29

Iĕm 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. 'Nĕ kơ sa pham dôm sem bơ̆n rong dah sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư 'noh; păng 'nĕ ngôi pơyô kư̆ kă. Yah iĕm pơm kiơ̆ kơ nơ̆r pơkă lăm kơthơ âu lei trŏ tơpă. Oei kơ iĕm mă 'lơ̆ng.”

Rom 14:21

Tơ̆ng bơ̆n kuă kơ pơyoch 'nhŏng oh bôl buăl, lei bơ̆n 'nĕ kơ pơm minh tơdrong kiơ kiơ hli kơ sư yoch, thoi lĕ kơ sa 'nhĕm 'nhot, dah et sik, dah tơdrong kiơ kiơ nai.

I Kor 8:8

Dôm tơmam sa ưh kơ đei tơgŭm bơ̆n lui kơ 'Bok Kei-Dei kơjăp ôh. Păng mă tơmam đe sơmah dah đe pơm kiơ kiơ, dah bơ̆n kơ̆m kơ sa, sư kư̆m ưh kơ pơm kơ bơ̆n lui rơdu ôh. Mă bơ̆n pơm kư̆ kă sa tôm tĕch tơmam đe sơmah dah đe 'buh sa pơm kiơ kiơ, sư kư̆m ưh kơ gơh pơm kơ bơ̆n lui rai kơjăp hloh mơ̆n.

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

Êphêsô 5:11

Iĕm 'nĕ pă kiơ̆ tơdrong măng mu, tơdrong noh tơdrong ưh kơ yua kơ bơ̆n. Bơ̆n athei tơbăt kơ đe tơdrong yoch noh mơ̆n.

Êphêsô 5:7

Thoi noh na iĕm 'nĕ kơ pơm buăl hăm lu bơngai thoi noh.

Kôlôsê 2:16

Kơlih kơ thoi noh na iĕm 'nĕ kơ chu kiơ̆ tơdrong giĕng kon bơngai, mă lu sư hil, lu sư sek tơlang tơdrong iĕm sa et tôm tơdrong tơmam, dah hil kơ iĕm ưh kơ chu oei kiơ̆ tơdrong giĕng lu sư; lê̆ lu sư hil kư̆m bưh, mă giĕng tơdrong kiơ, bơyan kiơ, khei năr kiơ, lu bơ̆n ưh kơ kăl oei kiơ̆ ôh.

Hêbrơ 9:10

Lu tơdrong juăt noh sơ̆ khă gah tơdrong sa et tơmam giĕng, tơdrong hum 'nhao. Dôm tơdrong giĕng lu sư pơm giĕng tơ 'ngoaih akâu đĕch. Mă-lei khan wă kơ đe kiơ̆ khŏm khŏm truh tơ 'Bok Kei-Dei tơplih tơdrong so ăn tơdrong 'nao.