Lêwi 11:7 - Sơ̆p Hlabơar Nơ̆r 'Bok Kei-Dei

⁷ Nhŭng sư đei kơchôp blah, jơ̆ng ti 'bar pah hơtuch adrol mă-lei ưh kơ mơkan, jing ưh kơ rơgoh.

Lêwi 11:7 Iomraidhean Croise

Êsai 65:4

Lu sư ngôi tơ lăm bơsat; oei kơmăng tơ lăm anih hrĕp, sa 'nhĕm nhŭng păng mong đak 'nhĕm ưh kơ rơgoh lăm gŏ lu sư.

Êsai 66:17

“Lu bơngai mă hơmet akâu sư kơdih, wă năm mơ̆t tơ lu pơgar, kiơ̆ minh 'nu bơngai dơ̆ng tŏk-bŏk noh, sa 'nhĕm nhŭng, 'nhĕm kơne, lu tơmam sa kơnê̆ krưp.” Kră Yang khan: “Lu sư gô tơ'bơ̆p tơdrong tôch hiong răm pơđĭ.

Êsai 66:3

Mă-lei bơngai bu pơlôch minh pôm kon rơmo soi sơmah, kư̆m thoi pơlôch minh 'nu bơngai; bu soi sơmah hăm minh pôm kon triu kư̆m thoi gơ̆ hơko minh pôm kŏ bu pơyơ̆r tơmam soi phe 'ba kư̆m thoi pơyơ̆r pham nhŭng; bu soh tơmam 'bâu phu kư̆m thoi kơkuh kơ rup yang. Lu bơngai noh rơih bơih trong lu sư kơdih, jơhngơ̆m lu sư 'maih wă pơm tơdrong jang krưp kơnê̆,

Lêwi 11:3

Kon sem brem ayơ mă đei kơchôp blah, kơchôp jơ̆ng blah 'bar păng gơh mơkan noh lu iĕm gơh sa.

Lêwi 11:6

Tơpai bri sư mơkan mă-lei ưh kơ đei kơchôp blah jing ưh kơ rơgoh kơ iĕm, ưh kơ gơh sa.

Lêwi 11:8

Lu iĕm ưh kơ gơh sa 'nhĕm lu sem noh păng ưh kơ gơh hơtŭt 'bơm akâu lu kon sem brem noh dah sư lôch boih; ưh kơ rơgoh kơ iĕm ôh.

Mathiơ 7:6

“Iĕm 'nĕ pă bơtho tơdrong 'Bok Kei-Dei kơ lu bơngai mă ưh kơ lui mă wă pơjăm pơjuă iĕm ling-lang. 'Noh dang bơ̆n tŭk 'nhĕm giĕng ăn kơ kŏ sa, dang dơmŏng đe gĭt mă ăn kơ nhŭng, hli kơ lu sư pơm kơnê̆ kơ iĕm dơ̆ng.

Luka 15:15

na sư chă jang kơ đe. Minh 'nu bơngai lăm pơlei 'nei athei sư wei nhŭng tơ mir.

Luka 8:33

Thoi noh na lu sư jăk hloi đơ̆ng bơngai 'nei mơ̆t hĭ tơ lu nhŭng. Lu nhŭng ei kơdâu jur đơ̆ng kông groi ei huŏng hơtat tơ đak dơsĭ, glơ̆k lôch đĭ minh tơpôl nhŭng ei.

Both 14:8

Păng nhŭng kư̆m ưh kơ 'lơ̆ng rơgoh; yua kơ sư đei kơchôp blah 'bar, mă-lei ưh kơ gơh mơkan: Jô̆ tơmam noh ưh kơ rơgoh ăn kơ lu iĕm, 'nĕ kơ sa 'nhĕm kon sem brem noh păng kư̆m 'nĕ kơ hơtŭt 'bơm akâu dah lu sư lôch.