Lêwi 11:47 - Sơ̆p Hlabơar Nơ̆r 'Bok Kei-Dei

⁴⁷ Klah lê̆ pha wă kơ băt kon sem brem ayơ mă ưh kơ rơgoh păng ayơ mă rơgoh, kon sem arih đe gơh sa păng ưh kơ gơh sa.

Lêwi 11:47 Iomraidhean Croise

Bl 7:2

Lăm lu kon sem brem 'lơ̆ng rơgoh, ih athei anhăk ba minh adrĕch tơpơh hơgrop, tơno păng akăn; gah lu sem brem mă ưh kơ 'lơ̆ng rơgoh minh adrĕch minh hơgrop, wă kơ pơm adrĕch jơ̆p kơpal teh đak.

Êsêkiên 22:26

Lu 'bok soi pơm glăi kơ khôi juăt Inh, pơm 'mê̆-'mach kơ tơmam rơgoh Inh. Lu sư ưh kơ băt lăng ayơ rơgoh, ayơ hmă, ưh kơ băt bơtho tơ'bôh ayơ 'mê̆-'mach, ayơ rơgoh. Lu sư tep măt ưh kơ kiơ̆ lu năr Sa'bat Inh, lei na pơm pơ'mê̆ kơ Inh boih lăm lu sư.

Êsêkiên 44:23

Lu sư gô bơtho khan kơ kon pơlei băt kơ tơdrong kiơ mă 'lơ̆ng rơgoh Păng tơdrong kiơ mă hmă đĕch, tơdrong kiơ 'mê̆-'mach păng băt tơdrong kiơ mă rơgoh.

Da 1:8

'Nâu, Đaniel pơkă lăm jơhngơ̆m sư khan, ưh kơ wă sŏng sa tơmam 'lơ̆ng păng tơdrô pơtao soi kơ yang jing pơm kơ inh kơnê̆, na apinh bơngai wei-lăng 'nĕ pơgŏ sư pơm yoch kơnê̆ noh.

Lêwi 10:10

Wă kơ iĕm gơh kơnăl tơdrong 'lơ̆ng hăm tơdrong kơnê̆, tơdrong rơgoh păng tơdrong ưh kơ rơgoh.

Lêwi 11:46

Noh jơ̆ tơdrong juăt gah kon sem brem, gah lu sem păr tơ kơpal, lu ka kon sem lăm đak păng lu kơep lep-ler mơmŏ kơpal teh.

Lêwi 12:1

Kră Yang khan kơ Môis:

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”