Lêwi 11:44 - Sơ̆p Hlabơar Nơ̆r 'Bok Kei-Dei

⁴⁴ Yua kơ Inh boih Kră Yang 'Bok Kei-Dei lu iĕm, Inh 'lơ̆ng rơgoh, lu iĕm kư̆m athei oei rơgoh, na gơh rơgoh tơpă. Lu iĕm 'nĕ kơ ăn minh pôm kon sem kiơ mơmŏ kơpal teh mă pơm kơ lu iĕm jing kơnê̆ 'mê̆-'mach.

Lêwi 11:44 Iomraidhean Croise

Horiso 99:5

Athei pôk pơư Kră Yang 'Bok Kei-Dei lu bơ̆n Păng drap kơkuh 'bơ̆t jơ̆ng Sư; Sư boih 'lơ̆ng rơgoh!

Horiso 99:9

Athei pôk pơư bĕ kơ Kră Yang 'Bok Kei-Dei lu bơ̆n, Păng drap kơkuh tơ kơpal kông rơgoh Sư. Yua kơ Kră Yang 'Bok Kei-Dei bơ̆n 'lơ̆ng rơgoh!

Le 16:12

Inh kơtơ̆ng boih nơ̆r kon pơlei Isơrael hil jŏk. Na ih athei khan kơ lu sư: Gơsơ̆ kơnh lu iĕm gô sa 'nhĕm hrăp; pơgê dơning lu iĕm gô sa 'bĕng phĭ rơkah; na lu iĕm gô băt Inh boih Kră Yang 'Bok Kei-Dei lu iĕm.

Le 19:10

Kră Yang khan kơ Môis: Ih năm bĕ tơ kon pơlei, Isơrael athei kon pơlei hơmet akâu kơdih mă 'lơ̆ng rơgoh năr 'nâu păng năr dơning, athei lu sư pih ao tai.

Le 19:6

Gah lu iĕm jing teh đak 'bok soi păng adrĕch adrung kon pơlei 'lơ̆ng rơgoh Inh, noh boih nơ̆r ih gô pơma hăm kon pơlei Isơrael.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Le 22:30

Gah lu triu păng rơmo ih kư̆m athei pơm thoi noh mơ̆n, lăm tơpơh năr blŭng-a lê̆ oei hơdai mĕ sư, năr mă tơhngam ih athei pơyơ̆r sư kơ Inh.

Le 22:31

Lu iĕm gô jing bơngai 'lơ̆ng rơgoh 'măn kơ Inh, yua kơ thoi noh 'nĕ kơ sa 'nhĕm mă đơ̆ng sem bri kăp tơ bri brah; athei klơ̆m ăn kơ kŏ sa.

Le 23:25

Iĕm athei kơkuh kơ Kră Yang 'Bok Kei-Dei iĕm; sư Kră Yang gô tơgŭm iĕm tơmam sŏng sa, ăn kơ iĕm liĕm akâu păng huay kơ đei jĭ jăn.

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Êsai 43:3

Yua kơ Inh Kră Yang 'Bok Kei-Dei iĕm, Tơ'ngla 'lơ̆ng rơgoh Isơrael, Tơ'ngla dŏng pơklaih iĕm. Inh ăn bơih dêh char Êyiptơ jing tơmam huai iŏk iĕm. Char Kus păng Sêba pơm tơmam huai tơplih kơ iĕm.

Êsai 51:15

Inh jơ̆ Kră Yang 'Bok Kei-Dei iĕm Tơ'ngla pơm ăn đak dơsĭ poh-yă păng poh-yă re jơwa. Kră Yang Tih Hloh jơ̆ anăn Sư

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Lêwi 11:43

Lu iĕm 'nĕ kơ ăn minh pôm kon sem mă 'bơm tơ akâu lu iĕm pơm kơ lu iĕm 'mê̆-'mach, kơnh lu iĕm jing ưh kơ rơgoh. Athei lăng krưp dêh tơdrong noh.

Lêwi 18:2

Khan bĕ kơ kon pơlei Isơrael, Inh jing Kră Yang lu iĕm.

Lêwi 19:10

Iĕm kư̆m 'nĕ kơ phĕ hơlơ̆k plei hơmu 'bar wơ̆t, kư̆m 'nĕ kơ dônh lu plei hơmu đêl huŏng, iĕm athei lê̆ kơ lu bơngai dơnuh hin păng bơngai tơmoi 'bĭch ngôi dônh. Inh boih Kră Yang lu iĕm.

Lêwi 19:2

Roi tơbăt ăn bĕ kơ đĭ-đăng kon pơlei Isơrael khŭl akŭm, lu iĕm athei oei sa mă 'lơ̆ng rơgoh bĕ, yua kơ Inh Kră Yang lu iĕm 'lơ̆ng rơgoh.

Lêwi 19:3

Rim 'nu lu iĕm athei lui yom kơ mĕ 'bă păng răk năr Sa'bat Inh, Inh boih Kră Yang 'Bok Kei-Dei lu iĕm.

Lêwi 19:4

'Nĕ kơ man rup yang păng kư̆m 'nĕ kơ tuh hling pơm rup yang, Inh boih Kră Yang 'Bok Kei-Dei lu iĕm.

Lêwi 20:26

Ăn kơ lu iĕm arih hăm Inh 'lơ̆ng rơgoh; yua kơ Inh boih Kră Yang 'lơ̆ng rơgoh, Inh klah lu iĕm bơih đơ̆ng kon pơlei âu, wă kơ lu iĕm jing khŭl kon pơlei gah Inh.

Lêwi 20:7

Lu iĕm athei wei akâu iĕm jing 'lơ̆ng rơgoh, yua kơ Inh jơ̆ Kră Yang 'Bok Kei-Dei lu iĕm.

Lêwi 21:8

Thoi noh ih athei lăng jô̆ sư 'lơ̆ng rơgoh, yua kơ sư pơyơ̆r 'bĕng tơmam sa kơ Kră Yang 'Bok Kei-Dei ih. Sư jing rơgoh 'lơ̆ng kơ Inh; yua kơ Inh Kră Yang 'lơ̆ng rơgoh. Tơ'ngla mă pơm kơ lu iĕm jing rơgoh 'lơ̆ng.

Am 3:3

Tơdah 'bar 'nu ưh kơ lăp đon băl, lei bre sư hăm gơh yak minh pôm trong?

Jo 15:40

Thoi noh, lu iĕm gô 'blŏk păng pơm kiơ̆ dôm tơdrong inh tơtă păng oei sa rơgoh ăn kơ Kră Yang 'Bok Kei-Dei iĕm.

Mathiơ 5:48

Thoi noh na iĕm athei 'mêm kơ đĭ-đăng bơngai kư̆m thoi 'Bă bơ̆n tơ plĕnh ti 'mêm kơ đĭ-đăng bơngai thoi noh mơ̆n.

Both 14:2

yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Kră Yang rơih iŏk boih iĕm đơ̆ng lăm lu adrĕch kon pơlei kơpal teh âu. Wă jing tơmam Sư kơdih lĕch đơ̆ng đĭ-đăng, adrĕch kon pơlei pơla oei ala teh âu.

I Tes 4:7

'Bok Kei-Dei krao iŏk lu bơ̆n wă kơ bơ̆n jing kon Sư. Sư ưh kơ wă kơ bơ̆n pơm pơyô kư̆ kă ôh. Sư wă kơ bơ̆n pơm đon 'lơ̆ng kơ đe păng pơm 'lơ̆ng kơ Sư.

Jôsuê 24:19

Jôsuê khan kơ kon pơlei: “Lu iĕm ưh kơ kĕ ôh wă chu yom kơ Kră Yang, yua kơ Sư Kră Yang 'Bok Kei-Dei 'lơ̆ng rơgoh, Kră Yang 'Bok Kei-Dei băt kơ gar. Sư ưh kơ lê̆ ôh tơdrong lu iĕm pơm kơnê̆ păng tơdrong yoch lu iĕm.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Tơdrông Tơ'bôh 22:11

Bơngai bu arăng kơ̆l oei 'maih pơm kơnê̆, lê̆ sư pơm kơnê̆ khŏm khŏm kư̆m bưh. Bơngai bu pơm 'lơ̆ng, sư athei kơchăng pơm 'lơ̆ng ling-lang.”

I Sam 2:2

Ưh kơ đei bu 'lơ̆ng rơgoh thoi Kră Yang ôh, Ưh kơ đei bu nai thoi Ih; ưh kơ đei tơmo ayơ pĕng lu nhôn thoi Kră Yang 'Bok Kei-Dei.

I Sam 6:20

Kon pơlei Bêt Sêmes khan: Bu kĕ dơ̆ng 'bơ̆t anăp Kră Yang 'Bok Kei-Dei 'lơ̆ng rơgoh 'nâu? Lu bơ̆n wă năm ba Hom Pơgơ̆p âu đơ̆ng lu bơ̆n kơ bu.