Lêwi 11:42 - Sơ̆p Hlabơar Nơ̆r 'Bok Kei-Dei

⁴² Thoi noh ưh kơ gơh sa 'nhĕm sư ôh lu kon sem mă mơmŏ kơpal teh, kon sem ayơ mă mơmŏ hor hăm klak yak nơnăm hăm puăn pah jơ̆ng ti dah nơnăm hăm lơ jơ̆ng, yua kơ noh lăng krưp dêh.

Lêwi 11:42 Iomraidhean Croise

Bl 1:20

Kră Yang 'Bok Kei-Dei khan dơ̆ng thoi âu: “Athei đei pơjing lu kon sem brem arih lăm đak mă lơ. Păng lu sem păr tơ kơpal teh păr tơ anê̆ rơwơ̆ng tơ plĕnh ti.”

Êsai 65:25

Kŏ-so hăm triu kon gô sa hơdai, dăm-brang sa hơnong 'ba thoi rơmo, 'bih gô sa 'mui teh. Gô ưh pă đei bu wă pơm kơnê̆, dah wă pơrăm lăm jơ̆p-jang kông rơgoh Inh,” Kră Yang khan thoi noh.

Lêwi 11:41

Đĭ-đăng kon sem ayơ mă mơmŏ kơpal teh tă kơ lăng kơnê̆ krưp ngăl, ưh kơ gơh kơ sa 'nhĕm sư ôh.

Lêwi 11:43

Lu iĕm 'nĕ kơ ăn minh pôm kon sem mă 'bơm tơ akâu lu iĕm pơm kơ lu iĕm 'mê̆-'mach, kơnh lu iĕm jing ưh kơ rơgoh. Athei lăng krưp dêh tơdrong noh.

Mi 7:17

Lu sư gô liah 'mui teh thoi 'bih păng hli tơrơ lĕch đơ̆ng lăm trôm teh lu sư thoi lu sem brem mơmŏ kơpal teh; lu sư gô hli tơrơ na lu sư wih tơ Kră Yang 'Bok Kei-Dei lu bơ̆n, yua kơ ih na lu sư hli tơrơ.

Mathiơ 23:23

“Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơm hăt hot tĕch lu tơmam hơi thoi lĕ kơ hla lŭng-hŭng, hla gơsơ̆m, hla ĕch, hla hla-kat, iŏk jên noh pơm pơyơ̆r kơ 'Bok Kei-Dei minh lăm mơjĭt. Mă-lei dôm tơdrong juăt 'Bok Kei-Dei mă kăl hloh thoi lĕ kơ pơm 'lơ̆ng kơ đe, athei 'mêm kơ 'Bok Kei-Dei hăm bôl buăl, tơdrong lui kơ 'Bok Kei-Dei, dôm tơdrong noh iĕm pơhơi ưh kơ wă pơm. Mă tơdrong iĕm pơyơ̆r tơmam hơi noh kư̆m trŏ mơ̆n, mă-lei ưh kơ dang bơ̆n kiơ̆ tơdrong juăt noh hei.

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

II Kor 11:13

Iĕm ngêh kơ lu bơngai noh pơm jơ̆ng 'bang Yêsu Krist tơpă hă? Ưh ôh. Lu sư hơlĕnh dêh ưh kơ đei layơ tơpăt, chă pôk pơang pơ'brơh kơ akâu kơdih đĕch khan pơm jơ̆ng 'bang Yêsu Krist.

II Kor 11:3

Inh hli kơ lu bơngai mă pơjăm inh pơhlŭ iĕm jing jrok trong ưh pă 'mêm kơ Yêsu Krist, thoi yă bơ̆n Ewơ lui kơ 'bih hơlĕnh pơdăr kơ sư sơ̆.

Tit 1:12

Âu minh 'nu 'bok thây 'lơ̆ng oei tơ bŏl đak Kret sơ̆, sư bơtho pơhil kơ lu buăl sư kơlih kơ lu buăl sư bơngai kơchu, sư khan: “Nhôn bơngai tơring đak Kret hơlĕnh plơ̆ plĕch kơ đe. Nhôn 'maih chă tơdrong blah 'bet đe. Nhôn bơngai sa dư păng alah kơ jang.”