Lêwi 11:3 - Sơ̆p Hlabơar Nơ̆r 'Bok Kei-Dei

³ Kon sem brem ayơ mă đei kơchôp blah, kơchôp jơ̆ng blah 'bar păng gơh mơkan noh lu iĕm gơh sa.

Lêwi 11:3 Iomraidhean Croise

Tơdrông Pơđơk 2:10

Yua kơ tơdrong gơh hơgei gô mơ̆t tơ lăm jơhngơ̆m ih, Tơdrong hlôh wao gô pơm kơ bơhngol ih hiôk chơt.

Tơdrông Pơđơk 9:6

Lê̆ bĕ tơdrong kơwao, na ih đei arih; Kiơ̆ bĕ trong tơdrong hlôh wao.

Lêwi 11:2

Khan bĕ kơ kon pơlei Isơrael: 'Nâu dôm lu kon sem brem arih kơpal teh noh iĕm gơh sa đĭ-đăng.

Lêwi 11:26

Lu kon sem brem ayơ đei kơchôp blah mă-lei ưh kơ đei 'bar pah jơ̆ng ti păng ưh kơ đei mơkan, noh trŏ kơ pơm kơ lu iĕm kơnê̆ 'mê̆-'mach bơih, na bu hơtŭt 'bơm gô kơnê̆ 'mê̆-'mach.

Lêwi 11:4

Mă-lei tơdah kon sem brem ayơ mă lăp pôm gơh mơkan đĕch, dah lăp đei kơchôp blah đĕch lu kon sem brem noh iĕm ưh kơ gơh sa ôh, thoi kơ aseh lăk-đa sư mơkan 'nhĕt mă-lei ưh kơ đei kơchôp blah jing ưh kơ rơgoh.

Lêwi 11:5

Kơne bri sư mơkan mă-lei ưh kơ đei kơchôp blah jing ưh kơ rơgoh.

Lêwi 11:6

Tơpai bri sư mơkan mă-lei ưh kơ đei kơchôp blah jing ưh kơ rơgoh kơ iĕm, ưh kơ gơh sa.

Lêwi 11:7

Nhŭng sư đei kơchôp blah, jơ̆ng ti 'bar pah hơtuch adrol mă-lei ưh kơ mơkan, jing ưh kơ rơgoh.

Jang 17:11

Lu bơngai Pơlei Bêrê ưh kơ sĭ thoi bơngai Pơlei Têsalônik ôh. Lu sư wă mơ̆ng kơchăng tơpă. Rim năr lu sư lăng sơ̆p hla bơar 'Bok Kei-Dei wă kơ băt tơdrong Pôl bơtho tơpă dah ưh.

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

Both 14:6

Lăm lu sem brem, mă lu iĕm gơh sa noh lu kon sem brem ayơ đei kơchôp blah 'bar păng gơh mơkan.

Both 14:8

Păng nhŭng kư̆m ưh kơ 'lơ̆ng rơgoh; yua kơ sư đei kơchôp blah 'bar, mă-lei ưh kơ gơh mơkan: Jô̆ tơmam noh ưh kơ rơgoh ăn kơ lu iĕm, 'nĕ kơ sa 'nhĕm kon sem brem noh păng kư̆m 'nĕ kơ hơtŭt 'bơm akâu dah lu sư lôch.

I Tim 4:15

Ih athei pơm kiơ̆ kơ dôm tơdrong inh pơkă kơ ih âu. Ih athei adrin tơpă thoi noh na wă kơ đĭ-đăng bôl lăng ih rai đunh rai kơjăp gah tơdrong 'Bok Kei-Dei.