Lêwi 11:10 - Sơ̆p Hlabơar Nơ̆r 'Bok Kei-Dei

¹⁰ Dôm sem brem kiơ lăm đak dơsĭ dah lăm đak krong dôm lu adrĕch arih lăm đak mă ưh kơ đei hla đon păng ưh kơ đei kơchap lu iĕm ưh kơ gơh sa ôh, lu iĕm athei lăng krưp sem noh.

Lêwi 11:10 Iomraidhean Croise

Bl 1:20

Kră Yang 'Bok Kei-Dei khan dơ̆ng thoi âu: “Athei đei pơjing lu kon sem brem arih lăm đak mă lơ. Păng lu sem păr tơ kơpal teh păr tơ anê̆ rơwơ̆ng tơ plĕnh ti.”

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

Tơdrông Pơđơk 29:27

Bơngai kư̆ kă mă lăng krưp kơnê̆ dêh kơ bơngai tơpăt; Bơngai arih sa tơpăt lu bơngai pơm kơnê̆ kư̆m băt lăng krưp

Lêwi 11:11

Dôm lu adrĕch sem brem âu; iĕm athei areh lăng krưp dêh 'nĕ kơ sa 'nhĕm sư păng athei lăng akâu sư lôch noh krưp dêh.

Lêwi 11:9

Dôm lu kon sem oei lăm đak lu iĕm gơh sa, noh lu kon sem mă đei hla đon păng đei kơchap mă oei lăm đak dơsĭ dah oei lăm đak krong.

Lêwi 7:18

Tơdah bu sa 'nhĕm soi noh lăm năr mă pêng, Kră Yang ưh kơ lăp ôh kơ bơngai pơyơ̆r păng Kră Yang kư̆m lăng ưh kơ yua kiơ kơ sư mơ̆n; noh jing tơmam soi Kră Yang areh, na bu sa tơmam noh gô pŭ iŏk tơdrong kư̆ kă sư.

Both 14:10

Lu ka mă ưh kơ đei pơnăr păng ưh kơ đei kơchap lu iĕm ưh kơ gơh sa ôh; sư kơnê̆ ưh kơ gơh rơgoh.

Both 14:3

'Nĕ kơ sa minh anăn tơmam kiơ mă Inh areh lăng krưp kơnê̆.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”