Lêwi 10:2 - Sơ̆p Hlabơar Nơ̆r 'Bok Kei-Dei

² Ŭnh đơ̆ng anăp Kră Yang soh chhông bre noh, na măr sư lôch hloi 'bơ̆t anăp Kră Yang.

Lêwi 10:2 Iomraidhean Croise

II Sam 6:7

Kră Yang hil dêh kơ Usa, yua kơ sư rôp pel 'bơm Hom pơgơ̆p noh; Kră Yang 'Bok Kei-Dei pơlôch hloi sư 'bơ̆t anih 'noh 'bơ̆t cheng Hom pơgơ̆p Kră Yang 'Bok Kei-Dei.

I Pot 13:28

Sư năm tơ noh 'bôh akâu bơngai lôch 'noh 'bơ̆t trong, hăm aseh păng dăm-brang dơ̆ng 'bơ̆t cheng, dăm-brang ưh kơ sa akâu bơngai lôch păng kư̆m ưh kơchâu aseh 'noh.

I Pot 18:38

Kơplah noh ŭnh đơ̆ng Kră Yang jruh soh sa tơmam soi 'buh, 'long ŭnh, tơmo, 'mui teh păng đak lăm hơbong 'noh hrơ̆ đĭ.

II Pot 1:10

Mă-lei Êli tơl yŏng linh mă wei pơđăm-jĭt 'nu linh 'noh khan: “Dah inh bơngai Kră Yang 'Bok Kei-Dei yua, apinh ŭnh đơ̆ng plĕnh jruh sa lê̆ ih hăm pơđăm-jĭt 'nu linh ih 'noh.” Na ŭnh đơ̆ng plĕnh jruh sa lê̆ yŏng linh ei păng pơđăm-jĭt 'nu linh sư hloi.

II Pot 1:12

Mă-lei Êli tơl yŏng linh ei: “Dah inh bơngai Kră Yang 'Bok Kei-Dei yua, inh apinh ŭnh đơ̆ng plĕnh jruh sa lê̆ ih hăm pơđăm-jĭt 'nu linh ih noh hloi. Ŭnh Kră Yang 'Bok Kei-Dei jruh hloi đơ̆ng plĕnh chhông sa lê̆ yŏng linh ei hăm pơđăm-jĭt 'nu linh sư.

I Ho 13:10

Kră Yang hil dêh kơ Usa păng Kră Yang pơlôch hloi sư, yua kơ sư rôp 'bơm hom pơgơ̆p; na sư lôch hloi tơ noh 'bơ̆t anăp Kră Yang 'Bok Kei-Dei.

I Ho 15:13

Yua kơ adrol ki, lu iĕm ưh kơ tung ba hom Kră Yang yua kơ lu bơ̆n ưh kơ đei krao apinh Sư thoi Sư đei pơkă, na Kră Yang 'Bok Kei-Dei hil mĭl pơrăm lê̆ lu bơ̆n.”

I Ho 24:2

Mă-lei Nađap păng Abihu lôch adrol kơ 'bă lu sư păng ưh kơ đei kon; na Êlêasar păng Ithamar pơm 'bok soi.

Jop 1:16

Bơngai âu oei pơma, na blư kơ minh 'nu bơngai nai truh roi: “Glaih đơ̆ng Kră Yang 'Bok Kei-Dei kơpal plĕnh taih, ŭnh sa đĭ lu triu păng lu bơngai wei triu ih, lăp minh 'nu inh đĕch klaih năm roi ăn kơ ih.”

Horiso 50:3

Kră Yang 'Bok Kei-Dei lu bơ̆n truh ưh kơ đei ngăn đĕch ôh. 'Bơ̆t anăp Sư đei pla ŭnh soh chhông Tăp dăr kơ Sư đei hơbŭt hơbang tih tơpă.

Le 24:1

Kră Yang khan kơ Môis thoi âu: Ih, Arôn, Nađap, Abihu păng tơpơh-jĭt 'nu lu kră wei-lăng bơngai Isơrael, iĕm athei tŏk tơ anih Kră Yang dơ̆ng tơ ataih na drap kơkuh.

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Lêwi 10:5

Thoi noh sư năm jê̆ tung anhăk 'bar 'nu bơngai oei hrŭk ba ao tai sư, tung tơ 'nguaih kơ kơđông, kiơ̆ thoi Môis tơtă boih.

Lêwi 16:1

Đơ̆ng rŏng kơ 'bar 'nu kon drŏ-nglo Arôn lôch kơplah măr sư năm jê̆ 'bơ̆t anăp Kră Yang,

Lêwi 9:24

Ŭnh lĕch đơ̆ng anăp Kră Yang sa tơmam soi 'buh păng rơmă kơpal chơnang soi. 'Bơ̆t đĭ-đăng kon pơlei 'bôh tơdrong noh, wang chhôk jreo drap kŭp kơ̆l tơ teh.

Jo 14:37

păng lu bơngai roi hơlĕnh khan char noh kơnê̆, lu bơngai 'nâu lôch lăm tơdrong kơnê̆ pơmat tơpă 'bơ̆t anăp Kră Yang.

Jo 16:35

Đơ̆ng noh, đei ŭnh đơ̆ng Kră Yang dơhlông sa pơđĭ 'bar-hrĕng pơđăm-jĭt 'nu lu bơngai drŏ-nglo mă đei soh pơyơ̆r tơmam 'bâu phu.

Jo 16:49

Đei mơjĭt-puăn rơbâu tơpơh-hrĕng 'nu bơngai lôch yua kơ tơdrong gleh truh 'nâu; ưh kơ jô̆ lu bơngai lôch yua kơ Kôrê.

Jo 26:61

Mă-lei bre Nađap păng Abihu lôch kơplah bre sư pơyơ̆r ŭnh pha 'bơ̆t anăp Kră Yang.

Jang 5:10

Yă Sepir pơ̆k lôch 'bơ̆t jơ̆ng Pêtrôs hloi. Lăp lu đe tơdăm truh mơ̆t tơ hnam ei, 'bôh yă Sepir lôch dơ̆ng, lu sư tung 'bŭ yă Sepir kư̆m jê̆ klo sư mơ̆n.

Jang 5:5

Anania sư kơtơ̆ng Pêtrôs khan thoi noh, sư pơ̆k lôch hloi. Lu bơngai kơtơ̆ng tơdrong noh lu sư hli tơpă.

I Kor 10:11

Đe chih roi dôm tơdrong lu yă 'bok bơ̆n pơm ưh kơ lăp kơ 'Bok Kei-Dei, na 'Bok Kei-Dei pơrăm lu sư dang noh sơ̆, 'Bok Kei-Dei Sư wă kơ lu bơ̆n mă kon sâu se lu sư mă hơtuch dang ei băt kơ hli, huay pă pơm kơnê̆, thoi lu yă 'bok bơ̆n mă pơm kơnê̆ kơ 'Bok Kei-Dei sơ̆.

I Sam 6:19

Kră Yang phak kon pơlei Bêt Sêmes yua kơ lu sư pơih lăng tơ lăm Hom Pơgơ̆p Kră Yang. Sư pơlôch tơpơh-jĭt 'nu lăm lu sư. Kon pơlei nhơ̆m hmoi yua kơ Kră Yang phak lu sư tih tơpă.