Lêwi 1:9 - Sơ̆p Hlabơar Nơ̆r 'Bok Kei-Dei

⁹ Mă-lei sư gô iŏk đak ôp klak păng tơkong. Đơ̆ng noh lu 'bok soi gô 'buh dan đĭ tơmam soi tơ kơpal chơnang soi, noh boih tơmam soi 'buh, wă khan tơmam soi 'buh lăm ŭnh sa wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:9 Iomraidhean Croise

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

I Ho 6:34

Samuel kon drŏ-nglo Êlkana, Êlkana kon drŏ-nglo Jêrôham, Jêrôham kon drŏ-nglo Êliel, Êliel kon drŏ-nglo Tôa,

II Ho 4:6

Sư kư̆m đei pơm mơjĭt tŏ bơng iĕ, wă ôp hơrao dan pơđăm tŏ gah gơal, pơđăm tŏ gah yă-nơ̆m, wă ôp dôm lu tơmam soi 'buh; bơng tih wă lê̆ kơ lu 'bok soi ôp hơrao tơ noh,

Horiso 51:6

Âu, Ih wă kơ 'bôh đei tơdrong tơpăt tơ lăm jơhngơ̆m Ih pơhrăm inh đei tơdrong hơgei mă hlơp lăm jơhngơ̆m.

Horiso 66:15

Inh pơyơ̆r kơ Kră Yang sem dơrong bek 'lơ̆ng wă pơm tơmam soi 'buh. Hơdai hăm triu tơno pơm tơmam soi 'buh. Inh kư̆m gô pơyơ̆r lu rơmo tơno păng bơbe bram. Sêla

Le 12:9

Lu iĕm lê̆ kơ sa 'nhĕm oei adrih dah pai hăm đak, mă-lei iĕm athei 'buh kơpal ŭnh ngăl mă kơ̆l, jơ̆ng păng klak sư.

Le 29:18

Na 'buh pơđĭ triu tơno noh tơ kơpal chơnang soi; 'noh jing tơmam soi 'buh, đei 'bâu phu pơyơ̆r kơ Kră Yang, wă khan tơmam soi 'buh păng ŭnh pơyơ̆r ăn kơ Kră Yang.

Le 29:25

Klaih kơ noh ih athei iŏk đơ̆ng tơpang ti lu sư, athei ba soh tơ kơpal chơnang soi, tơ kơpal tơmam soi sơmah 'buh, wă kơ 'bâu phu 'bơ̆t anăp Kră Yang, 'noh jing tơmam soi yua soh lăm ŭnh ăn kơ Kră Yang.

Je 4:14

Ơ kon pơlei Jêrusalem ôp mă rơgoh bĕ jơhngơ̆m kơnê̆ iĕm, wă kơ iĕm gơh đei dŏng pơklaih. Lu iĕm răk mong tơdrong kơnê̆ tơ lăm jơhngơ̆m lu iĕm dĭng dang yơ?

Êsêkiên 20:28

Inh chông ba lu sư mơ̆t tơ char mă Inh pơkă ăn kơ lu sư, mă-lei lăp lu sư 'bôh groi kơjung păng lu 'long đei hla rơ̆m, lu sư iŏk tơmam soi pơyơ̆r tơ noh. Lu sư pơyơ̆r tơmam soi noh tơblĕk Inh lu sư pơyơ̆r tơmam soh 'bâu phu păng tơmam soi huch sa tơ noh.

Êsêkiên 20:41

Inh gô sơng iŏk lu iĕm thoi tơmam 'bâu phu, kơplah Inh chông lu iĕm lĕch đơ̆ng lăm lu kon pơlei păng akŭm lu iĕm đơ̆ng char mă lu iĕm đêl oei tơklah tơklang; păng Inh gô tơ'bôh tơdrong 'lơ̆ng rơgoh Inh đơ̆ng lăm lu iĕm 'bơ̆t anăp kon pơlei nai.

Êsêkiên 40:38

Đei minh anih đei 'măng jih kơdeng 'măng jang, tơ noh đe ôp tơmam soi 'buh.

Lêwi 1:13

Mă-lei sư gô iŏk đak ôp klak păng tơkong. Đơ̆ng noh lu 'bok soi gô pơyơ̆r đĭ tơmam soi 'buh dan tơ kơpal chơnang soi noh pơm tơmam soi 'buh wă khan tơmam soi 'buh lăm ŭnh wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:17

Sư gô hek 'bar pah pơnăr, mă-lei lê̆ sư oei tơklep ưh kơ tơpleh. Đơ̆ng noh 'bok soi 'buh dan tơ kơpal chơnang soi, ŭnh sa oei khơ̆ng, noh tơmam soi 'buh, wă khan tơmam soi 'buh lăm ŭnh, wă pơyơ̆r đei 'bâu phu 'lơ̆ng ăn kơ Kră Yang.

Lêwi 2:16

Đơ̆ng noh 'bok soi iŏk minh puăt lăm lu tơpŭng mă đei hrâu hăm đak rơmă ôliwơ păng tơmam 'bâu phu na soh. Wă pơm 'blŏk hơdơ̆r, noh jơ̆ tơmam soi phe 'ba hle soh lăm ŭnh pơyơ̆r ăn kơ Kră Yang.

Lêwi 2:2

Sư gô ba ăn kơ lu 'bok soi kon drŏ-nglo Arôn; lu 'bok soi gô chup iŏk minh kơđôp tơpŭng mă hrâu hăm đak rơmă ôliwơ noh păng hơdai hăm đĭ-đăng tơmam 'bâu phu sư; păng wă soh đĭ tơmam soi noh tơ kơpal chơnang soi, pơm 'blŏk hơdơ̆r minh tơdrong soi pơyơ̆r 'buh soh hăm ŭnh wă kơ 'bâu phu 'lơ̆ng ăn kơ Kră Yang.

Lêwi 2:9

'Bok soi sư gô iŏk tơmam soi wă pơyơ̆r noh pơm tơmam soi 'blŏk hơdơ̆r, soh tơ chơnang soi noh pơm tơmam soi soh hăm ŭnh sa đei 'bâu phu 'lơ̆ng ăn kơ Kră Yang.

Lêwi 3:11

Lu 'bok soi gô soh pơyơ̆r đĭ tơmam âu tơ chơnang soi, noh tơmam sa pơyơ̆r soh hăm ŭnh ăn kơ Kră Yang.

Lêwi 3:5

Lu kon drŏ-nglo Arôn gô 'buh pơyơ̆r dôm tơmam noh tơ kơpal chơnang soi tơ kơpal tơmam soi 'buh mă đei dan kơpal 'long ŭnh, ŭnh oei sa, noh jơ̆ tơmam soi ăn ŭnh sa 'bâu phu ăn kơ Kră Yang.

Lêwi 4:31

Đơ̆ng noh sư gô pleh lê̆ đĭ rơmă thoi pleh lu rơmă tơmam soi 'blŏk bơnê mơ̆n. 'Bok soi chĕp ba 'buh tơ chơnang soi jing tơmam soi pơyơ̆r 'bâu phu kơ Kră Yang, noh bơih 'bok soi gô pơm tơdrong sut rơgoh yoch sư, na bơngai noh Kră Yang gô mơnat ăn.

Lêwi 6:14

'Nâu jơ̆ tơdrong juăt tơmam pơyơ̆r phe 'ba, lu kon drŏ-nglo Arôn athei pơyơ̆r tơmam soi âu tơ anăp chơnang soi 'bơ̆t anăp Kră Yang.

Lêwi 8:21

Đang kơ đe iŏk đak ôp klak mot, lu tơkong, đơ̆ng noh Môis iŏk đĭ akâu kon bơbe tơno 'buh pơyơ̆r tơ kơpal chơnang soi, noh pơm tơmam soi 'buh đei 'bâu phu yua 'buh hăm ŭnh wă pơyơ̆r kơ Kră Yang kiơ̆ thoi đei tơtă kơ Môis boih.

Lêwi 8:28

Môis iŏk hĭ tơmam noh đơ̆ng ti lu sư, chĕp ba 'buh pơyơ̆r tơ kơpal chơnang soi dan hơdai kơpal tơmam soi 'buh, noh jing tơmam soi pôk tơdrong jang đei 'bâu phu 'lơ̆ng tơmam ăn ŭnh sa pơyơ̆r kơ Kră Yang.

Lêwi 9:14

Sư ôp klak mot păng tơkong anhăk ba 'buh hơdai hăm tơmam soi 'buh tơ chơnang soi.

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Jo 15:3

lu iĕm pơyơ̆r kơ Kră Yang tơmam soi soh păng ŭnh dah tơmam soi 'buh, noh minh tơmam soi dah pơyơ̆r, dah tơmam soi wă pơsĭt nơ̆r pơkă, dah pơyơ̆r tơmam soi lăm năr kơ̆m tih, lu iĕm 'maih wă pơyơ̆r ăn kơ Kră Yang tơmam soi đei 'bâu phu păng rơmo dah triu,

Jo 28:11

Năr blŭng-a lăm rim khei, lu iĕm athei pơyơ̆r ăn kơ Kră Yang 'bar tŏ rơmo dăm, minh pôm triu tơno păng tơpơh triu kon tơno 'nao minh sơnăm, ưh kơ đei jĭ kiơ, pơm tơmam soi 'buh.

Jo 28:7

Tơmam soi huch noh minh lăm puăn hin tơdrô tơ rim minh pôm kon triu. Ih athei pơyơ̆r tơmam huch păng tơdrô ăn kơ Kră Yang lăm anih rơgoh.

Jo 28:8

Ih athei pơyơ̆r kon triu mă 'bar noh kơplah kơsơ̆ măng păng pơm tơmam soi phe 'ba păng tơmam huch thoi til pơgê hei, noh boih tơmam soi soh păng ŭnh pơyơ̆r 'bâu phu ăn kơ Kră Yang.

II Kor 2:15

Nhôn bơtho đe dang lĕ tơmam 'bâu phu Yêsu Krist soh pơyơ̆r kơ 'Bok Kei-Dei, wă kơ đĭ rim 'nu bơngai mă 'Bok Kei-Dei wă iŏk, hăm lu bơngai mă wă hiong răm 'bâu tôm.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Both 12:27

Tơ noh lu iĕm pơyơ̆r 'nhĕm păng pham pơm tơmam soi 'buh kơpal chơnang soi Kră Yang 'Bok Kei-Dei iĕm; mưh wă pơyơ̆r tơmam nai, iĕm tuh dan pham kơpal chơnang soi Kră Yang 'Bok Kei-Dei iĕm, na 'nhĕm noh iĕm gơh sa.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.