Lêwi 1:4 - Sơ̆p Hlabơar Nơ̆r 'Bok Kei-Dei

⁴ Na bơngai pơyơ̆r sư dan ti sư tơ kơpal kơ̆l sem dơrong wă soi 'buh noh na kon sem noh gô jing tơmam soi pơklaih tơdrong yoch sư.

Lêwi 1:4 Iomraidhean Croise

Le 28:38

Plăk 'noh gô sĭt dan tơ kơpal klĕng Arôn; Arôn pŭ tơdrong yoch lu bơngai Isơrael pơm yoch kơplah lu sư pơyơ̆r tơmam soi 'lơ̆ng rơgoh; plăk 'noh gô pơklep tơ kơpal klĕng Arôn ling-lang wă Kră Yang lăp đon iŏk lu sư.

Le 29:10

Klaih kơ noh, ih athei dui ba rơmo dăm tơ 'măng Bơsŭn Anih Akŭm, Arôn hăm lu kon drŏ-nglo sư dan ti tơ kơpal rơmo dăm noh.

Le 29:15

Ih kư̆m athei rôp minh pôm triu tơno, na Arôn păng lu kon drŏ-nglo sư dan ti lu sư kơpal kơ̆l triu tơno noh;

Le 29:19

Ih athei rôp kon triu tơno mă 'bar na Arôn hăm lu kon drŏ-nglo sư gô dan ti tơ kơpal kơ̆l triu tơno;

Le 29:33

Lu sư gô sa lu tơmam soi noh, tơmam pơklaih đơ̆ng tơdrong yoch, păng lu sư đei pôk jing 'bok soi păng 'măn lê̆ lu sư rơgoh; mă-lei lu bơngai nai ưh kơ gơh sa ôh, yua kơ dôm tơmam 'noh tơmam rơgoh.

Êsai 56:7

Na Inh gô anhăk lu sư tŏk tơ kơpal kông rơgoh Inh ngăl, Ăn kơ lu sư hiôk chơt lăm hnam Inh krao khan. Tơmam soi 'buh păng tơmam soi nai lu sư pơyơ̆r, tơ kơpal chơnang soi Inh gô sơng iŏk; yua kơ hnam Inh gô krao hnam krao khan ăn kơ đĭ-đăng adrĕch adrung kon pơlei.

Êsêkiên 45:15

Đơ̆ng khŭl triu lăm anih 'nhĕt bluh arih 'lơ̆ng Isơrael, lăm 'bar-hrĕng tŏ triu gô iŏk minh wă pơm tơmam soi hăm phe 'ba păng tơmam soi 'buh, tơmam soi 'blŏk bơnê wă huai đơ̆ng yoch kơ kon pơlei, Kră Yang khan.

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Lêwi 16:21

Arôn dan 'bar pah ti sư kơpal kơ̆l bơbe tơno mă oei arih, na roi đĭ-đăng dôm tơdrong yoch kơnê̆ pơm glăi lu kon pơlei Isơrael păng dan đĭ-đăng tơdrong yoch lu sư pơm boih kơpal kơ̆l bơbe tơno. Đơ̆ng noh yua minh 'nu bơngai đei jao boih tơdrong jang 'nâu na puh achăng bơbe noh tơ tơmăn glă.

Lêwi 16:24

Sư gô hum tơ lăm minh anih 'lơ̆ng rơgoh, hrŭk ao sư, lĕch tơ 'nguaih, pơyơ̆r tơmam soi 'buh kơ sư kơdih păng tơmam soi 'buh kơ kon pơlei pơla, soi sơmah kơ sư kơdih păng kon pơlei pơla wă kơ rơgoh.

Lêwi 22:21

Tơdah minh 'nu bơngai pơyơ̆r kơ Kră Yang tơmam soi 'blŏk bơnê hăm rơmo, triu dah pơyơ̆r pơsĭt tơdrong pơkă dah pơyơ̆r tơmam soi Inh lăp đon. Wă kơ gơh iŏk, tơmam pơyơ̆r noh athei 'lơ̆ng, ưh kơ đei jĭ kiơ kiơ.

Lêwi 22:27

Tơdah, kon rơmo, kon triu, kon bơbe, đơ̆ng rŏng kơ sư tuh athei oei hơdai mĕ sư lăm tơpơh năr. Mă-lei ưh kơ hloh năr mă tơhngam ôh, iŏk đơ̆ng năr âu tơ anăp Inh gô iŏk sư jing tơmam pơyơ̆r soh hăm ŭnh ăn kơ Kră Yang.

Lêwi 3:13

Dan ti sư tơ kơpal kơ̆l kon bơbe noh. Na sư pơlôch hloi 'bơ̆t anăp Bơsŭn Anih Akŭm. Lu kon drŏ-nglo Arôn gô tơtraih pham jum dăr kơ chơnang soi.

Lêwi 3:2

Sư gô dan ti sư tơ kơpal kơ̆l kon rơmo mă sư pơyơ̆r noh na 'bet pơlôch hloi, 'bơ̆t 'măng tơm mơ̆t tơ Bơsŭn Anih Akŭm. Lu 'bok soi kon drŏ-nglo Arôn gô tơtraih pham noh tăp dăr kơ chơnang soi.

Lêwi 3:8

Dan ti sư tơ kơpal kơ̆l kon triu đơ̆ng noh 'bet pơlôch hloi 'bơ̆t anăp 'măng Bơsŭn Anih Akŭm. Lu kon drŏ-nglo Arôn gô tơtraih pham jum dăr kơ chơnang soi.

Lêwi 4:15

Lu kră bơngai Isơrael athei dan ti lu sư 'bơ̆t kơ̆l rơmo dăm đơ̆ng noh pơlôch hloi 'bơ̆t anăp Kră Yang.

Lêwi 4:20

'Nâu tơdrong sư pơyơ̆r rơmo dăm, kư̆m thoi sư pơyơ̆r rơmo pơm tơmam soi huai đơ̆ng yoch, sư gô pơm thoi noh mơ̆n kơ tơmam âu. 'Bok soi gô pơm tơdrong sut rơgoh tơdrong yoch lu sư na lu sư gô đei tơdrong mơnat ăn,

Lêwi 4:24

Na dan ti sư tơ kơ̆l bơbe tơno noh, đơ̆ng noh pơlôch hloi 'bơ̆t anăp Kră Yang, pơm tơmam soi 'buh wă huai tơdrong yoch.

Lêwi 4:26

Đĭ rơmă sư gô 'buh tơ kơpal chơnang soi, thoi rơmă tơmam soi 'blŏk bơnê mơ̆n, noh na 'bok soi gô pơm tơdrong sut rơgoh yoch sư, na sư gơh đei tơdrong mơnat ăn.

Lêwi 4:29

Sư athei dan ti sư tơ kơ̆l sem dơrong pơm tơmam soi noh, klaih kơ noh pơlôch hloi tơ anih đe juăt kơ pơyơ̆r tơmam soi 'buh.

Lêwi 4:31

Đơ̆ng noh sư gô pleh lê̆ đĭ rơmă thoi pleh lu rơmă tơmam soi 'blŏk bơnê mơ̆n. 'Bok soi chĕp ba 'buh tơ chơnang soi jing tơmam soi pơyơ̆r 'bâu phu kơ Kră Yang, noh bơih 'bok soi gô pơm tơdrong sut rơgoh yoch sư, na bơngai noh Kră Yang gô mơnat ăn.

Lêwi 4:33

Dan ti sư tơ kơpal kơ̆l sem dơrong pơm tơmam soi huai yoch noh, na pơlôch hloi, sư jing tơmam soi huai đơ̆ng yoch 'bơ̆t anih đe juăt kơ pơlôch sem dơrong pơm tơmam soi 'buh

Lêwi 4:35

Sư pleh đĭ rơmă thoi đei pleh rơmă triu kon pơm tơmam soi 'blŏk bơnê, 'bok soi gô chĕp ba 'buh tơ chơnang soi tơ kơpal tơmam soi 'buh hăm ŭnh pơyơ̆r kơ Kră Yang, thoi noh bơih 'bok soi gô pơm tơdrong sut rơgoh yoch bơngai mă pơm yoch na tơdrong yoch sư gơh mơnat ăn.

Lêwi 4:4

Sư athei dui ba rơmo dăm; noh 'bơ̆t 'măng Bơsŭn Anih Akŭm tơ anăp Kră Yang dan ti sư tơ kơ̆l rơmo dăm đơ̆ng noh 'bet pơlôch hloi 'bơ̆t anăp Kră Yang.

Lêwi 5:6

Đơ̆ng noh sư athei chĕp ba tơmam soi pơyơ̆r yua kơ pơm yoch, hăm tơdrong juăt Kră Yang minh pôm kon triu dah bơbe akăn pơm tơmam soi huai iŏk yua kơ yoch, na 'bok soi gô soi sơmah kơ sư wă kơ sư rơgoh đơ̆ng yoch.

Lêwi 6:7

'Bok soi gô soi sơmah huai đơ̆ng yoch bơngai noh 'bơ̆t anăp Kră Yang, na tơdrong yoch bơngai noh gơh mơnat ăn mă dôm tơdrong yoch kiơ sư đei pơm glăi.

Lêwi 8:14

Sư dui ba rơmo dăm mơlôh, wă pơm tơmam soi huai đơ̆ng yoch. Arôn păng lu kon drŏ-nglo sư dan ti lu sư kơpal kơ̆l kon rơmo noh.

Lêwi 8:18

Môis sư kư̆m athei chĕp ba triu tơno wă yua pơm tơmam soi 'buh, Arôn păng lu kon drŏ-nglo sư dan ti tơ kơpal kơ̆l kon sem noh.

Lêwi 8:22

Đơ̆ng noh Môis anhăk ba triu tơno nai dơ̆ng wă yua pơm tơmam soi pôk tơdrong jang, Arôn păng lu kon drŏ-nglo sư dan ti sư tơ kơpal kơ̆l triu tơno noh.

Lêwi 9:7

Môis khan dơ̆ng kơ Arôn: Ih athei năm jê̆ tơ chơnang soi, pơyơ̆r bĕ tơmam soi huai đơ̆ng yoch păng pơyơ̆r tơmam soi 'buh ih, wă soi huai đơ̆ng yoch ih kơdih gơh rơgoh păng soi huai đơ̆ng yoch kon pơlei pơla păng sơmah huai đơ̆ng yoch lu sư, kiơ̆ thoi Kră Yang đei tơtă bơih.

Jo 15:25

'Bok soi gô soi sơmah huai iŏk đơ̆ng tơdrong yoch ăn kơ đĭ-đăng tơpôl kon pơlei Isơrael, lei na tơdrong yoch đĭ tơpôl kon pơlei noh gô mơnat ăn, yua kơ noh tơdrong yoch glăi hơch 'bơm păng kon pơlei đei anhăk ba 'bơ̆t anăp Kră Yang tơmam soi kơdih, wă khan tơmam soi yua ŭnh soh pơyơ̆r, hơdai hăm tơmam soi huai tơdrong yoch.

Jo 15:28

'Bok soi gô soi sơmah huai yoch ăn kơ bơngai mă glăi 'bơm pơm yoch thoi noh 'bơ̆t anăp Kră Yang păng dah đei soi sơmah huai đơ̆ng yoch thoi noh na bơngai noh gơh klaih đơ̆ng yoch.

Jo 25:13

Tơdrong noh 'măn kơ sư, hăm lu kon sâu sư, tơdrong bơ̆jang 'bok soi ling-lang, yua kơ sư đei jơhngơ̆m đon tơnăp băt hli yom kơ Kră Yang 'Bok Kei-Dei sư, pơm rơgoh tơdrong yoch đơ̆ng kon pơlei Isơrael.

Jo 8:10

Thoi noh, ih athei lu bơngai Lêwi dơ̆ng 'bơ̆t anăp Kră Yang na lu kon pơlei bơngai Isơrael gô dan ti lu sư pel akâu lu bơngai Lêwi.

Jo 8:12

Đơ̆ng noh lu bơngai Lêwi gô dan ti lu sư kơpal kơ̆l 'bar tŏ rơmo dăm noh, na ih athei pơyơ̆r rơmo âu pơm tơmam soi yua kơ tơdrong yoch păng minh pôm dơ̆ng pơm tơmam soi 'buh ăn kơ Kră Yang wă pơm tơmam soi huai tơdrong yoch ăn kơ lu bơngai Lêwi.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Rom 3:25

'Bok Kei-Dei Sư sek tơlang kiơ̆ tơdrong tơpăt ngăl, na lu bơngai yoch Sư wă phak tơpă. Mă-lei Sư oei 'mêm kơ kon bơngai, na ăn Kon pôm Sư Yêsu lôch tang kon bơngai tơ 'long pơglang, wă huai iŏk lu bơngai yoch, wă kơ lu bơngai yoch noh lui kơ Kon Sư, gơnang kơ Kon Sư, na 'Bok Kei-Dei jô̆ lu sư jing bơngai 'lơ̆ng rơgoh, Sư huay pă jô̆ yo boih. Kơplah Yêsu tam mă lôch tang sơ̆, đei mơ̆n lu bơngai lui kơ 'Bok Kei-Dei, gơnang kơ 'Bok Kei-Dei, mă-lei Sư huay kơ jô̆ yo ôh dôm tơdrong yoch lu sư, yua kơ Sư wă ăn Yêsu lôch tang lu sư ning-mônh. Tơdrong Sư ăn Kon Sư Yêsu lôch tang kon bơngai noh, Sư wă kơ kon bơngai băt kơ Sư sek tơlang kon bơngai tơpăt.

Rom 5:11

Thoi noh na dang ei bơ̆n chơt hiôk hăm 'Bok Kei-Dei boih, yua kơ Yêsu pơm 'long sơlam kơ bơ̆n hăm 'Bok Kei-Dei; yua kơ Yêsu na bơ̆n gơh hiôk hăm 'Bok Kei-Dei.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.

Hêbrơ 10:4

yua kơ lu sư gơnang kơ soi hăm pham rơmo pham bơbe khan klaih kơ tơdrong yoch. Thoi yơ pham rơmo pham bơbe gơh pơklaih tơdrong yoch? Pham noh ưh kơ gơh pơklaih minh tơdrong kiơ.

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.