Lêwi 1:16 - Sơ̆p Hlabơar Nơ̆r 'Bok Kei-Dei

¹⁶ 'Bok soi gô pleh lê̆ ben păng buch sŏk hăm klơ̆m lê̆ tơ cheng kơ chơnang soi tơ gah hơlĕch anih mă đe tuh lê̆ tơnuh ŭnh.

Lêwi 1:16 Iomraidhean Croise

Da 4:33

Kơplah lăm jơ noh, nơ̆r pơma noh đei trŏ sĭt kơ pơtao Nebukatnessar, pơtao mă đe gô puh tơweh đơ̆ng kon bơngai; sa 'nhĕt thoi rơmo; akâu jăn pơtao gô hơiuh kơ đak ngom jur đơ̆ng plĕnh, dĭng truh sŏk kơ̆l sư chăt thoi sŏk sem kring, tơngiơh sư kư̆m thoi tơngiơh sem brem.

Lêwi 16:27

Đe gô anhăk ba rơmo tơno păng bơbe tơno tơ 'nguaih kơ gơđông, tơmam mă hlôi pơyơ̆r bơih pơm tơmam soi huai iŏk đơ̆ng yoch, pham sư đe anhăk ba tơ anih 'lơ̆ng rơgoh wă soi sơmah huai tơdrong yoch; đơ̆ng noh sư gô iŏk soh lê̆ lăm ŭnh, akar, sĕch păng ĭch, tơmam soi noh tơ 'nguaih kơ gơđông.

Lêwi 4:12

Đĭ-đăng akâu rơmo noh sư athei chĕp ba lĕch tơ 'nguaih kơ anih kơđông, năm tơ minh anih 'lơ̆ng rơgoh, anih mă lu sư tuh tơnuh, đơ̆ng noh dan hơtŏk tơ kơpal 'long ŭnh păng 'buh hăm ŭnh, đe gô 'buh đĭ-đăng 'bơ̆t anih đe tuh tơnuh noh.

Lêwi 6:3

Dah mă đei dônh tơmam đe hiong mă-lei sơngah pơkă pơkăm hơlĕnh dơ̆ng păng pơm minh lăm lu tơdrong mă đe juăt kơ pơm, noh yoch bơih.

Luka 1:35

Linh jang 'lơ̆ng ei khan kơ sư dơ̆ng: “Gô đei Yang Bơhngol 'Lơ̆ng jur tơ ih, tơdrong mơsêh mơyang mă 'Bok Kei-Dei wă ăn kơ ih. Thoi noh na kon nge mă ih tơpŭ noh, Sư Kon 'Bok Kei-Dei mă 'lơ̆ng tơpăt.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.