Lêwi 1:14 - Sơ̆p Hlabơar Nơ̆r 'Bok Kei-Dei

¹⁴ Tơdah tơmam sư pơyơ̆r ăn kơ Kră Yang tơmam soi 'buh hăm sem păr, athei iŏk pơyơ̆r sem pơgâm bri dah kon sem kơtơp.

Lêwi 1:14 Iomraidhean Croise

Bl 15:9

Kră Yang tơl: “Ih athei rôp ăn kơ Inh minh pôm kon rơmo akăn pêng sơnăm, minh pôm bơbe akăn pêng sơnăm păng minh pôm kon triu tơno pêng sơnăm, minh pôm sem pơgâm păng minh pôm kơtơp hơnar.”

Lêwi 12:8

Tơdah sư chă ưh kơ kĕ đei minh pôm kon triu, sư athei rôp 'bar tŏ sem pơgâm dah 'bar tŏ kon kơtơp. Minh pôm 'măn kơ tơmam soi 'buh, minh pôm yua pơm kơ tơmam soi huai đơ̆ng yoch, 'bok soi gô soi sơmah huai yoch sư, na sư gô rơgoh.

Lêwi 5:10

Sư gô pơyơ̆r mă 'bar, noh jing tơmam soi 'buh kiơ̆ kơ tơdrong juăt 'bok soi gô sơmah wă kơ rơgoh, đơ̆ng yoch bơngai noh mă pơm boih, na tơdrong yoch bơngai noh gơh mơnat ăn.

Lêwi 5:11

Tơdah sư ưh kơ kĕ đei wă pơyơ̆r minh hơgrop sem pơgâm dah sem kơtơp kon ôh. Na yua kơ tơdrong yoch sư đei pơm sư athei pơyơ̆r minh lăm mơjĭt êphaa tơpŭng rơgoh 'lơ̆ng wă pơm tơmam soi huai đơ̆ng yoch, 'nĕ kơ tuh đak rơmă ôliwơ păng đak rơmă 'bâu phu kơpal yua kơ 'nâu jơ̆ tơmam soi huai đơ̆ng yoch.

Lêwi 5:7

Tơdah sư chă ưh kơ kĕ đei minh pôm kon triu akăn dah bơbe akăn, yua kơ yoch sư đei pơm bơih, na sư athei anhăk ba kơ Kră Yang minh hơgrop sem pơgâm dah kơtơp kon, minh pôm wă yua lăm tơmam sư huai đơ̆ng yoch, minh pôm wă yua lăm tơmam soi 'buh.

Mathiơ 11:29

Yua kơ Inh bơngai dim, băt 'mêm mơnat, na apinh iĕm pŭ iŏk bĕ, pơhrăm iŏk bĕ tơdrong Inh âu, wă kơ iĕm pơdơh hiôk.

Mathiơ 21:12

Yêsu mơ̆t tơ hnam akŭm 'Bok Kei-Dei tơm, Sư 'bôh đe mơdro lăm hnam noh, na Sư pơpuh tơlĕch lu đe mă mơdro noh, tơlơ̆ tơpơ̆k lu gơ'bang lu đe tơplih băl jên. Lu tang-dŏ lu đe mă tĕch sem kơtơp Sư tơlơ̆ tơpơ̆k đĭ-đăng.

Luka 2:24

Na bre sư kư̆m soi sơmah kơ Kră Yang 'Bok Kei-Dei kiơ̆ kơ đe chih lăm tơdrong Kră Yang sơ̆ khan: “Iĕm soi sơmah kơ 'Bok Kei-Dei minh agrop sem kơmuŏl dah 'bar tŏ kon kơtơp.”

II Kor 8:12

Mă tơ̆ng iĕm 'maih ra jên hơdai bôl ră, mă iĕm ưh kơ đei, noh huay ôh, 'Bok Kei-Dei kư̆m hiôk mơ̆n.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.