Le 9:6 - Sơ̆p Hlabơar Nơ̆r 'Bok Kei-Dei

⁶ Lăp truh năr dơning, na Kră Yang pơm tơdrong 'noh; đĭ-đăng sem dơrong lu bơngai Êyiptơ lôch ngăl; mă-lei lu sem dơrong lu bơngai Isơrael ưh kơ đei lôch minh pôm.

Le 9:6 Iomraidhean Croise

Horiso 78:48

Sư pơrăm sem dơrong lu sư hăm 'mi prĕl. Păng khŭl triu lu sư ăn kơ grơ̆m glaih.

Horiso 78:50

Sư pơih trong kơ tơdrong hil Sư. Ưh pă ăn kơ bơhngol lu sư klaih kơ lôch. Na jao ăn tơdrong arih lu sư lôch kơ jĭ hơpoh;

Le 12:12

Lăm măng noh inh gô năm tơ jơ̆p-jang dêh Êyiptơ, pơrăm rim kon kơdră drŏ-nglo đơ̆ng kon bơngai truh tơ kon sem dơrong; păng Inh gô sek phak lu rup yang lăm dêh Êyiptơ; Inh boih Kră Yang.

Le 12:29

Kơplah tŏk-bŏk măng Kră Yang pơlôch đĭ lu kon kơdră drŏ-nglo dêh Êyiptơ, iŏk đơ̆ng kon kơdră pơtao Pharaôn oei 'bơ̆t tang-dŏ truh tơ kon kơdră đe rôp pơm bơnă kon pơlei hmă păng đĭ-đăng lu kon sem dơrong tuh blŭng-a.

Le 8:22

Mă-lei năr noh, lăm tơring Gôsen, anih kon pơlei Inh oei, ưh kơ đei roi wŏng iam, wă kơ ih băt kơ Inh, Kră Yang oei lăm dêh 'nâu.

Le 9:25

Prĕl jruh jơ̆p-jang kơ dêh Êyiptơ 'mi prĕl pơrăm đĭ sem dơrong tơmam tơ tơmăn glă, 'bơm kon bơngai, 'bơm sem dơrong, 'bơm 'nhot sa, lăm mir păng kư̆m 'bơm truh tơ đĭ-đăng lu 'long păk tơgơ̆ mơ̆n.

Le 9:26

Lăp pă minh tơring Gôsen đĕch anih kon pơlei Isơrael oei mă ưh kơ đei 'mi prĕl truh tơ noh.

Le 9:4

Kră Yang gô klah lê̆, sem dơrong lu bơngai Isơrael ưh kơ đei minh pôm lôch kơ toi, sem dơrong lu bơngai Êyiptơ đei lôch kơ toi đĭ.

Le 9:5

Kră Yang khan: Truh năr dơning, Kră Yang gô pơm tơdrong 'noh tơ lăm char.