Le 9:3 - Sơ̆p Hlabơar Nơ̆r 'Bok Kei-Dei

³ Lei ti mơsêh Kră Yang gô pơm kơ lu sem dơrong ih oei tơ tơmăn glă, pơm kơ aseh, aseh iĕ, lăk-đa, rơmo, bơbe păng triu: Gô lôch kơ toi.

Le 9:3 Iomraidhean Croise

Bl 47:17

Thoi noh lu kon pơlei pơla ba sem dơrong tơ Jôsep tơplih 'ba sư, hăm aseh, lu triu, khŭl rơmo păng aseh iĕ. Sơnăm noh, sư tơplih iŏk lu kon sem dơrong păng 'ba.

Horiso 39:10

Apinh Ih iŏk lê̆ tơdrong teh bơtho đơ̆ng inh. Inh gleh pă kĕ đơ̆ng ti Ih teh bơtho.

Le 5:3

Môis păng Arôn khan: Kră Yang 'Bok Kei-Dei kon pơlei Hêbrơ đei tơ'bôh kơ lu nhôn. Na dang ei apinh ih ăn kơ lu nhôn lĕch năm tơ char glă, ataih dang pêng năr kơ trong, wă pơyơ̆r tơmam soi ăn kơ Kră Yang 'Bok Kei-Dei lu nhôn, dah ưh kơnh hli kơ Kră Yang pơm kơ nhôn lôch hơbuh dah lôch kơ đao,

Le 7:4

Mă-lei Pharaôn ưh kơ 'maih mơ̆ng ih ôh; Inh gô yơ̆r ti dan kơpal teh Êyiptơ, yua lơ tơdrong phak tih, wă iŏk tơlĕch lu khŭl linh Inh, lu kon drŏ-nglo Isơrael đơ̆ng char Êyiptơ.

Le 8:19

Lu bơngai pơjâu khan kơ Pharaôn, 'Nâu boih hơnglâu ti Kră Yang 'Bok Kei-Dei; mă-lei Pharaôn oei arăng kơ̆l ưh kơ chu, ưh kơ mơ̆ng Môis păng Arôn thoi nơ̆r Kră Yang khan boih.

Am 4:10

Inh đei ăn boih tơdrong jĭ hơpoh truh tơ lu iĕm, kư̆m thoi inh ăn tơ lăm dêh Êyiptơ. Inh đei yua đao gưm pơlôch lu kon tơdăm iĕm boih păng lu aseh iĕm inh kư̆m puh pơđĭ. Inh đei ăn boih 'bâu ôm đơ̆ng lăm kơđông lu iĕm păr đông tơ muh lu iĕm. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Jang 13:11

Na dang ei 'Bok Kei-Dei gô phak e. E gô tol măt minh yuh, ưh kơ 'bôh hơdah.” Na bơngai pơjâu ei tol măt hloi. Sư hơwơi chă hơbơ̆ đe wă kơ đe tơgŭm dui ba sư.

I Sam 6:9

Na lu iĕm lăng hnhoi sư năm; tơdah lu sư năm tơ gah hơdral char sư tơ pơlei Bêt Sêmes, lei 'nâu Kră Yang 'Bok kei-Dei Isơrael boih phak pơrăm bơ̆n; mă-lei tơdah rơmo yak năm trong nai lei ưh kơ trŏ Kră Yang 'bok Kei-Dei phak lu bơ̆n. Tơdrong phak truh noh băt truh kơdih đĕch.