Le 9:25 - Sơ̆p Hlabơar Nơ̆r 'Bok Kei-Dei

²⁵ Prĕl jruh jơ̆p-jang kơ dêh Êyiptơ 'mi prĕl pơrăm đĭ sem dơrong tơmam tơ tơmăn glă, 'bơm kon bơngai, 'bơm sem dơrong, 'bơm 'nhot sa, lăm mir păng kư̆m 'bơm truh tơ đĭ-đăng lu 'long păk tơgơ̆ mơ̆n.

Le 9:25 Iomraidhean Croise

Horiso 78:47

Sư pơrăm pơgar hơmu lu sư păng 'mi prĕl, pơrăm 'long hơra lu sư hăm đak prĕl gom.

Horiso 78:48

Sư pơrăm sem dơrong lu sư hăm 'mi prĕl. Păng khŭl triu lu sư ăn kơ grơ̆m glaih.

Le 9:19

Lei na mă tĕnh dang ei athei bơngai năm dui puh akŭm sem dơrong ih păng đĭ-đăng lu tơmam ih đei đơ̆ng mir chŭn wih tơ hnam wă huay truh kơ sư. Yua kơ 'mi prĕl gô jruh huŏng 'bơm bơngai păng sem dơrong tơ tơmăn glă tơ mir noh tơdah ưh kơ đei bu puh brŏk tơ hnam lei lu sư gô lôch đĭ.

Le 9:24

Đei 'mi prĕl jruh tih tơpă păng glaih taih rŏng anăp, kư̆m dêh, đơ̆ng sơ̆ khơ̆ tơ dang ei lăm dêh char Êyiptơ tam mă đei tơdrong truh thoi noh.

Le 9:6

Lăp truh năr dơning, na Kră Yang pơm tơdrong 'noh; đĭ-đăng sem dơrong lu bơngai Êyiptơ lôch ngăl; mă-lei lu sem dơrong lu bơngai Isơrael ưh kơ đei lôch minh pôm.

Êsêkiên 13:13

Na Kră Yang Tih Hloh khan: “Lăm tơdrong Inh hil Inh gô ăn kial hơbŭt truh, lăm tơdrong Inh mĭl Inh gô ăn 'mi tih đak lơ̆p păng 'mi prĕl gô pơrăm.

Jôsuê 10:11

Kơplah lu linh ayăt kơdâu ôn kơ lu linh Isơrael, lu sư jur tơ krang đơ̆ng pơlei Bêt Hôrôn, truh tơ Asêka, Kră Yang ăn 'mi prĕl tih thoi tơmo đơ̆ng plĕnh, jur păng lu linh ayăt lôch kơ 'mi prĕl tih noh lơ hloh, kơ lu linh Isơrael pơlôch hăm đao gưm.